Prinses Beatrix presente pa ‘National Debate’ entre hobennan

Prinses Beatrix presente pa ‘National Debate’ entre hobennan

Posted on 03/14/2017 9:55 am AST | Updated on 03/14/2017 9:56 am AST

ORANJESTAD Dia 30 di maart proximo ta tuma luga un evento special den presencia di Su Alteza Real, Prinses Beatrix, durante su bishita na Aruba. Pa por participa bo mester ta un hoben entre 16 cu 23 aña, bo lo mester por domina e idioma Papiamento, Ingles of Hulandes. Pa por inscribi pa e debate simplemente manda un mensahe via e pagina di Facebook di Parlamento Hubenil, esta Youth Parliament Aruba of manda un e-mail na youthparliamentaruba@gmail.com den cual bo ta introduci bo mes y e scol of organisacion cu bo lo representa. Tambe splica e motibo pakico bo lo kier participa. Lo selecta 25 hoben pa participa. Hobennan lo tin oportunidad pa train tur diasabra di 9or di mainta pa 4or di atardi na Universidad di Aruba bou guia di Yolanda Richardson. Inscribi awe mes y join e debate.

  • Millennials ta presenta ‘Encuentro Politico Constructivo!’

    Millennials ta presenta ‘Encuentro Politico Constructivo!’

    ORANJESTAD- Encuentro Politico Constructivo tey un biaha mas cu un ronde nobo cu e mesun proposito pa asina sigui educa y informa tur hende na Aruba, en especial e Millennialsnan, pa asina nan tin tur informacion pa asina vota conciente durante eleccion benidero. E biaha aki a opta pa un formato mas informal unda a invita tur partido cu ta participando den e eleccion benidero pa asisti na un anochi informativo special pa cada partido. Durante cada anochi lo ta bay tin presente varios candidato presente cu por elabora riba topico di interes. Por medio di e formato aki, e grupo kier brinda publico e oportunidad pa ta mas informa riba e punto di bista di cada partido y alabes na cada partido e oportunidadpacompartinanpuntodibisticuegrupovotadordiAruba.

  • Candelaria no ta ambiciona pa bira proximo korpschef

    Candelaria no ta ambiciona pa bira proximo korpschef

    ORANJESTAD - Candidato di partido AVP Robert Candelaria no tin ambicion pa bira comisario di polis. "No, mi no tin ambicion" Candelaria a bisa den e programa NoticiaCla LIVE recientemente, ora cu a puntr'e riba e 'rumor' cu ta circulando cu e ta e persona cu tin cu bay reemplasa actual comisario di polis Dolfi Richardson. Funcion di minister ta un opcion, pero tambe a puntr'e si e ta dispuesto pa bay Parlamento si nan logra gana eleccion na september. Pero nada di deal pa bira e proximo hefe di polis, no ta berdad. 

  • Plasterk: Cauteloso riba plan pa atende cu influx di Venezuela

    Plasterk: Cauteloso riba plan pa atende cu influx di Venezuela

    ORANJESTAD - Hulanda ta preocupa cu hopi hende di Venezuela lo por bin Reino Hulandes, particularmente islanan Aruba y Corsou. Asina minister di asuntonan di Reino Ronald Plasterk a bisa recientemente durante un bishita relampago di despedida na nos isla. Mes momento e ta mustra cu e problema primordialmente no ta esun di posibel refugiado, sino e crisis economico cu por stroba e turista Venezolano di bishita nos islanan. Esaki pasobra esey ta un mercado importante pa e islanan aki. Pa loke ta e plannan pa 'ricibi'  un posibel grupo grandi di Venezolano pa Aruba, e mandatario no kier a bisa mucho. Ora cu a presiona e mandatario, a mustra cu mester ta cauteloso kico pa bisa publicamente, pa no crea un situacion cu por perhudica nos despues. 

  • Plasterk : Continuacion supervision financiero pa Aruba ta na ordo

    Plasterk : Continuacion supervision financiero pa Aruba ta na ordo

    ORANJESTAD – Un continuacion di supervision financiero pa Aruba ta na ordo y e mandatario Hulandes encarga cu Relacionnan di Reino Ronald Plasterk y/of su sucesor lo no tin obhecion pa esaki. Asina Plasterk a confirma pa NoticiaCla ayera tardi. E mandatario tabata na Aruba pa 24 ora den su bishita di despedida di Caribe Hulandes. “Den un combersacion recien cu minister di Finanzas (Angel Bermudez), ela bisami cu mester continua cu un forma di supervision financiero, sea extendiendo esun actual of un otro tipo (di supervision financiero)” Plasterk a sigui bisa. “Pa cuanto tempo y den ki forma, ta keda pendiente” e mandatario a sigui bisa. E pregunta a bin a base di declaracion di e presidente saliente di e colegio di supervision financiero, CAft esta Age Bakker cu a retira na juli ultimo. Segun Bakker, e ta kere cu mester simplemente haci e supervision di CAFT uno permanente.

  • ‘Desorden planifica’ a mancha ultimo debate politico di KVK

    ‘Desorden planifica’ a mancha ultimo debate politico di KVK

    ORANJESTAD – ‘Desorden planifica’ ta loke hopi cu a bishita e debate final di Camara di Comercio, a cualifica e evento. No pa motibo di Camara di Comercio mes, sino pa un grupo hoben di simpatisantenan di e partido berde AVP, cu a dicidi na final pa desobedece orden y crea un tipo di ‘desorden’ na final. “Mi ta desapunta cu nan no a respeta nos reglanan” presidente di KvK, Ernst Mohammed a bisa NoticiaCla na final refiriendo na e grupo aki. E formato diferente di e debate riba su mes tabata dinamico, aunke cierto momento complica, pero sigur diferente cu e prome debate teni na juni ultimo.

  • Wyatt Ras: Parlamento a cuminsa traha bek awe despues di reces

    Wyatt Ras: Parlamento a cuminsa traha bek awe despues di reces

    ORANJESTAD - Parlamento di Aruba a sigui awe cu trabounan normal despues di reces. Desde 10 di juli Parlamento tabatin su reces anual. Den e periodo aki a probecha pa haci trabou nan necesario di mantencion. Entre otro a cambia e sistema di airco y a cambia parti di tapijt. Tur esaki tabata posibel ora cu a resulta na fin di aña 2016 cu contrario na loke a ser sugeri anteriormente, a resta placa ariba presupuesto di Parlamento. Segun Presidente di Parlamento e ex vice-Presidente y ex-Presidente di Parlamento tabatin discusion tocante e suma disponibel pa Parlamento. Wyatt-Ras tabata sorpresa ora a resulta fin di aña cu hasta a resta placa. E placa awor a ser bon gasta y a bay pa e sistema di airco. Wyatt-Ras ta gradici personal di parlamento pa e sosten y pasenshi durante e trabou nan. Awe lo schedule diferente reunionnan pa trata leynan cu a drenta Parlamento, entre otro esun di FDA, reglamentacion pa deurwaarder y “intrekking” di diferente leynan bieu.

  • BDC2
  • Powered by SETAR