Fiscal a pidi 3 aña y mei di prizon pa polis acusa di violacion

Fiscal a pidi 3 aña y mei di prizon pa polis acusa di violacion

Posted on 03/10/2017 12:14 am AST | Updated on 03/10/2017 5:38 pm AST

ORANJESTAD – E agente policial di fam Bremo a tende fiscal diabierna pidi 3 aña y mey di castigo contra dje. Cargo ta violacion di un persona durante ora di trabou y uzando un auto di polis pa e acto. De hecho tin dos cargo, cu ta violacion y ‘verduistering’ di e Billy y armanan. Hues a cera e caso y ta dicta sentencia dia 30 di maart mainta.

E CASO DI RAPE

Pa loke ta e rape, ta asina cu e sospechoso a bisa cu ela bay e adres unda ta haya e prostitutanan, a acerca uno, a puntr'e si e ta disponibel, a invit'e pa dal un rondje, a bay cu ne, haci sex voluntario, drop e back, cla. E no a paga y no tabatin ningun intencion di ever paga, pasobra e muher ni ta di su smaak. E victima ta bisa cu e tabata na e cas, e polis a bin, a bis'e pa lanta para, pa wak su pasaporte, pa bin cu ne warda pa controla si su papelnan ta na ordo. El a subi patras di e auto di polis. Nada di warda. Ela bay un sitio aleha cu ne, a bis'e cu e ta un polis y cu e tin arma, a fors'e pa haci un acto sexual y a rape e, y djey a bah’e back banda di e cas. Esey ta dia 10 di november. Dia 11 e denuncia a wordo haci. Dia 15 di november e mes polis a presenta na e mes cas cu e mesun cuenta di check paspoort di un otro mucha muher. E ora a detene e polis Bremo.

TRATAMENTO DI FISCAL

Fiscal a bisa cu e sospechoso como polis, den ora di trabou y den auto di polis, a haci mal uzo di e autoridad di polis y a viola e integridad fisico di e victima. El a crea un situacion di humiliacion, miedo y insulto p'e. Ela wordo viola pa un polis, un funcionario cu normalmente bo ta bay cerca dje pa ayudo y di e manera ey e sospechoso a haci daño na confiansa, bon nomber y integridad di KPA. El a probablemente kere cu e persona ta un prostituta y cu e lo no durf di haci denuncia. Posiblemente tin un modus operandi pasobra ela bolbe dia 15 y na september tambe e tabata ey. Pakico cada biaha e tabata bay e cas specifico ey? El a bisa den interogacion nan cu ta pasobra e tin cu controla riba prostitution ilegal, pero nunca ela traha ni un pv tocante esaki. Hues ta dicta sentencia dia 30 di maart proximo pa 8:15 di mainta.

  • OM den defensa pa caso di malversacion propiedad bestuurskantoor

    OM den defensa pa caso di malversacion propiedad bestuurskantoor

    ORANJESTAD – Ministerio publico di Aruba a haye ta bay den defensa diabierna atardi, relaciona cu e caso di malversacion di propiedad di bestuurskantoor. Esaki basa riba tanto informacion circulando riba e caso, unda cu ta tilda cu lo a trata e caso aki diferente y cu influencia di gobierno. “Ministerio Publico a acerca e denuncia den completo neutralidad. Mescos cu den cualkier otro caso, a cuminza un investigacion penal obhetivo” e comunicado ta bisa entre otro. Ta trata e caso unda cu equiponan visual a ‘disparce’ for di bestuurskantoor y pa cual despues cu a entrega keho, detencion a cay di algun persona conoci den comunidad.

  • Otro siman ta trata caso ex Parlamentario contra Prome Minister

    Otro siman ta trata caso ex Parlamentario contra Prome Minister

    ORANJESTAD – Diamars awor Corte ta trata e caso cu ex parlamentario Desiree de Sousa Croes a entama contra prome minister Evelyn Wever Croes, pa e haya su trabou ‘bieu’ bek como director di Arubahuis. De Sousa a confirma na NoticiaCla diabierna mainta cu e caso cu e la entama ta contra prome minister mes pasobra e ta esun cu a tuma e decision di no honra e landsbesluit di de Sousa. E caso ta tuma lugar pa 9’or di mainta, unda de Sousa lo pidi huez pa honra su landsbesluit.

  • Persona sospecha den caso di equiponan horta di gobierno a recobra libertad

    Persona sospecha den caso di equiponan horta di gobierno a recobra libertad

    ORANJESTAD - Despues di tabata deteni pa 6 dia largo, acusa di ta envolvi cu e caso di hortamento di equiponan visual di gobierno, Marko Espinoza a recobra su libertad diaranson atardi. Tabata diahuebs anochi siman pasa cu riba orden di fiscal, a detene Espinoza riba sospecho di e caso menciona. Hunto cu dos otro persona el a keda deteni, aunke cu e otro dosnan apenas un dia despues caba a recobra nan libertad. Espinoza si a keda deteni te cu diaranson atardi. E caso a haya hopi atencion mirando cu ta trata di personanan liga cu prensa. Mirando cu ta trata di personanan liga cu e gobierno anterior, opositornan a label e asunto como persecusion politico. E siman aki a habri cu prome minister Evelyn Wever pidiendo pa cualkier persona cu tin equipo na nan cas, cu por ta di gobierno, pa trece esaki bek. Mesun dia a trece ekiponan bek cu a pone comentarionan circula cu si tin hende deteni pa e caso caba, pakico ta pidi otronan tambe entrega equipo. Keda pendiente pa mas informacion. NOTA: foto ta di pagina di facebook di Marko Espinoza. 

  • Kock: Ta demanda Gobierno pa a prohibi periodista drenta Parlamento

    Kock: Ta demanda Gobierno pa a prohibi periodista drenta Parlamento

    ORANJESTAD – Gobierno di Aruba (Land Aruba) ta wordo demanda pa un periodista pasobra a prohibi’e di drenta edificio di Parlamento. Abogado David Kock a confirma na NoticiaCla cu diaranzon mainta a entama e caso, y ta pendiente su tratamento. Mientras cu e asunto tin basta dia ta ‘cushina’ entre e periodista (Nelson ‘Speed’ Andrade) y presidente di Parlamento Ady Thijsen, awor cu e ta den man di corte, el a haya un dimension diferente, cu por bira un hurisprudencia interesante. Segun Kock, mientras cu ta trata Parlamento, e forma con pa atende cu esaki ta pa demanda land Aruba. E tema segun e abogado ta uno peligroso pasobra e ta ‘grens aan censuur’. Sigur si ta trata algo pa cual e periodista ta wordo castiga pa algo cu a sosode pafo di Parlamento.

  • OM: Trahando riba maneho nobo riba area di agresion relacional

    OM: Trahando riba maneho nobo riba area di agresion relacional

    ORANJESTAD – Ministerio publico ta trahando riba maneho nobo riba area di agresion relacional. Asina e vocero di e departamento Ann Angela a informa diaranzon publicamente. Procurador-General di Aruba, Alexander van Dam recientemente tabata un di e personanan cu a hiba palabra durante e conferencia di Fundacion Hende Muher den Dificultad (FHMD) na ocasion di e Dia Internacional contra Violencia contra Muhernan. Den su speech e Procurador-General a enfatiza e importancia di cooperacion riba termino largo entre e partnernan riba tereno hudicial y social den prevencion di violencia relacional. Ministerio Publico a sigura cu e tin un rol importante den esey, pero no por solucione su so. E ta un cuestion cu henter Aruba tin cu traha na dje. Ministerio Publico ta no solamente castiga personanan cu a comete violencia relacional, pero ta tambe traha pa evita cu nan ta ripiti nan hechonan. Sinembargo, Ley Penal ta e ultimum remedium, den sentido cu husticia ta solamente drenta aden si nada otro a funciona.

  • Afpakteam a pluma sospechoso Chileno di labamento di placa

    Afpakteam a pluma sospechoso Chileno di labamento di placa

    ORANJESTAD - Ayera 11 di December un homber Chileno di 41 aña di edad a wordo para na Aeropuerto Reina Beatrix. Asina vocero di ministerio publico Ann Angela a informa pa medio di un comunicado.  E tabata na Aruba desde 8 di November ultimo y tabatin intencion di viaha back pa su pais. A resulta cu e tabatin no menos cu 14 creditcards cu ne, 32.757 Dollar y 5000 peso Chileno. E homber no por a duna ningun splicacion ta con el a yega na e placa aki. El a wordo deteni y e placa y e credit cards a wordo tuma den beslag.

  • Powered by SETAR