Richardson: Laga nos uni pa supera momentonan dificil den nos organisacion

Richardson: Laga nos uni pa supera momentonan dificil den nos organisacion

Posted on 03/9/2017 6:13 pm AST | Updated on 03/9/2017 9:21 pm AST

ORANJESTAD – "Laga nos uni pa supera momentonan dificil den nos organisacion". Esey tabata e mensahe principal cu Alto Comisario Dolfi Richardson ta manda awe relaciona cu e casonan cu ta tumando lugar envolviendo polisnan local. Mes momento e alto mando ta desmenti cu ta midi rango ora di investigacionnan penal. Manera ta conoci, tin varios polis deteni actualmente relaciona cu casonan recien cu a tuma lugar. Despues di parada grandi di Carnaval di Oranjestad, Polisnan a bay duna asistencia na un cas. Despues di a detene un sospechoso, a bin keho cu Polisnan no a actua corecto durante e proceso di detencion, pa cual a start cu un investigacion interno, cu a conduci na detencion di 2 polis y diahuebs mainta a detene 2 otro polis den e mesun investigacion aki. Alto Comisario di Cuerpo Policial Aruba Richardson ta lamenta e sucedido, refiriendo na ora mester detene polisnan pa motibo di tabata eherciendo nan trabou.

Di otro banda, e hefe maximo di polis ta corda tur hende cu nos ta biba den un pais democratico y di cual ningun persona ta para riba ley. Ora un ciudadano entrega un keho, mester duna husticia e espacio pa investiga e caso pa por saca afor kico a sosode.

"Como Alto Comisario di Polis mi tin e deber di percura pa e coleganan cu ta cera awo y pa nan famia cu ta keda atras. Mi ta comunica cu famia y cu coleganan directo di e polisnan pa splica e procedura. Pa awor mi tin cu laga e investigacion cana su caminda y mi ta spera cu si e polisnan ta fout, nan lo tin cu haya castigo pa nan actonan, pero den caso cu nan no ta fout, pa por laga nan liber mas pronto posibel", asina Alto Comisario Dolfi Richardson a duna di conoce.

Comisario interino Eric Soemers, hefe di polisnan uniforma, a splica cu di acuerdo procedura policial, ora un keho drenta, ta start mesora cu un investigacion, sea cu ta un polis of un ciudadano, no ta haci distincion. Manera den tur caso, liderazgo di un investigacion penal ta den man di Ministerio Publico. Den e caso aki, Fiscal a ordena pa detene tur 4 polis sospecha di maltrato pisa di un ciudadano.

Alto Inspector Soemers a enfatisa cu polis nunca a purba ni por influencia e decision di Fiscal di Ministerio Publico den nan investigacion. "Mi kier ta hopi duidelijk, e hecho cu e 4 polisnan ta cera awor aki no kiermen cu nan ta culpabel. Den nos sistema di ley democratico, un hende ta keda inocente te ora demostra otro den Corte".

"Pa mi tur colega ta igual. Na momento cu mi tin cu tuma decision, tur polis ta mesun cos, nos no ta distingui rango", asina Alto Comisario Richardson a aclaria. E ta haci un apelacion na tur polis, pa uni awor mas cu nunca.

  • Polis a detene atracador den Koningstraat diasabra

    Polis a detene atracador den Koningstraat diasabra

    ORANJESTAD - Awe diabierna pa 16:45 e team di aresto a detene e sospechoso R.C.S.B. naci na Colombia di 42 aña den Koningstraat. Ta asina cu e persona aki ta ser sospecha di varios atraco riba negoshinan. Atraco Team a traha dia y nochi y a bai over na pidi pa su detencion y awe tardi esaki a tuma lugar. Na momento cu team di aresto a topa cu e sospechoso e ta tin dos persona cune . E sospechoso tabata traha tambe como taxi pirata. E dos personanan wordo deteni tambe pero despues nan a ser laga den libertad . Atraco team a bai na un cas na Montaña na unda e sospechoso ta biba y a hasi un buskeda na e cas. A usa e cacho di K-9 . Atraco team ta keda traha pa asina resolve loke ta e atraconan. Crimen no ta paga paso bo lo ser gara . Cuerpo Policial ta pidi pueblo pa keda jama tiplijn 11141 y laga bo informacion. Bo anonimidad ta garantisa.

  • KPA: ’Tourism Oriented Police’ garantisando siguridad den centro di ciudad

    KPA: ’Tourism Oriented Police’ garantisando siguridad den centro di ciudad

    ORANJESTAD - E ekipo di Cuerpo Policial, esta “Tourism Oriented Police” (TOP), cu ta ex Visibility Team O’stad, a sigui cu nan accionnan riba caya, manteniendo ordo y siguridad den centro di Oranjestad.Nan trabou di prevencion ta intensifica na momento cu tin barco crucero mara den waf, di cual ta evita cu e turistanan cu ta bishita Aruba no haya nan mes confronta cu incidentenan menos agradabel. Entre dia 25 di September te cu 9 di October, e Polisnan a constata hopi molester di bagamundo (landloper).

  • Polisnan di Flex-Team man yen cu diferente incidente

    Polisnan di Flex-Team man yen cu diferente incidente

    ORANJESTAD - Den e ultimo simannan di september y comienso di october polisnan di Flex-Team a tene diferente control pa alcohol y cualkier incidente cu por tin riba caya. Nan a tene control, di cual tabatin detenido, caso di destruccion y di intoxicacion. Riba dia di mini mega, e jackpot tabata halto y pa cu esaki polisnan a controla tur luga di catochi pa evita ladronicia.

  • Autoridad a localisa 2 curpa sin bida na Baby Beach mainta

    Autoridad a localisa 2 curpa sin bida na Baby Beach mainta

    SAN NICOLAS - Diamars pa 10:35 di mainta central di polis ta haya un yamada cu lo a wak un curpa sin bida na baby beach na altura di ex Nanki. Na yegada di patroulle ta topa cu e persona cu a yama y ta conta cu dos turista lo a aserc'e y bis'e cu nan a wak un curpa ta drief. Polis ta cuminsa cu un buskeda hunto cu personal di Kustwacht. Despues di un rato personal di Kustwacht a drenta awa pa wak si por topa cu e curpa. Pa 13:00 ta bin haya un curpa sin bida patras di ex Nanki. Pa 13:10 ta haya un melding via Kustwacht cu nan helicopter a bin wak un otro curpa ta drief banda di e rif na Rodgers Beach. Na e momento eynan tabata tin personal di marine ta train y na unda nan yuda saca e curpa pone riba rif. Kustwacht a yega na e rif y a pone e curpa sin bida den nan boto y trece na e pier di ex Nanki. Pa 14:45 Dr Texiere ta constata morto di e prome curpa sin bida di un hende homber inicial A.R.C. nacionalidad Venezolano y pa 14:50 dr ta constata morto di e di dos curpa haya sin bida. Ta trata di un hende homber tambe, pero no a haya identificacion riba dje. E curpanan a wordo tuma den beslag. E caso aki ta bou investigacion. Personal di BFTO, recherche y slachtofferhulp a presenta na e sitio di e sucedido. Un danki na personal di brandweer y Kustwacht cu a yuda te na final. Cuerpo Policial ta manda palabra di condolencia na famianan di e fayecidonan.

  • DNM: Daño causa pa tanker pega riba rif tabata minimal

    DNM: Daño causa pa tanker pega riba rif tabata minimal

    ORANJESTAD – Daño causa pa tanker cu a pega riba rif algun siman pasa, a resulta di ta minimal. Asina e rapport cu polis a publica diadomingo, ta bisa. Manera cu NoticiaCLa a raporta anteriormente, dia 22 september polis maritimo a haña melding di kuststation y centrale post cu un tanker a pega den rif banda di Renaissance Island. E capitan di e tankero a keda totaal 10 dia deteni. 

  • Departamento di crimen organisa a score den Heidestraat!

    Departamento di crimen organisa a score den Heidestraat!

    ORANJESTAD - En conexion cu investigacion cu a haya e nomber di “HEIDE” a dicidi di post y detene cumpradonan y a base di nan declaracion a yega asina leu di a detene e personanan cu ta biba na e cas den Heidestraat cu ta bende droga for di dicho adres. Departamento di crimen organisa conhuntamente cu otro departamento nan hudicial a detene den total 5 cumprado y 6 persona cu ta biba na dicho adres.

  • Powered by SETAR