Corte a duna InselAir Aruba proteccion contra bancarota

Corte a duna InselAir Aruba proteccion contra bancarota

Posted on 03/7/2017 11:05 am AST | Updated on 03/7/2017 1:17 pm AST

ORANJESTAD – Corte a duna e aerolinea local InselAir Aruba N.V. proteccion contra bancarota, e asina yama surséance van betaling, valido te dia 7 di juni 2017. Inicialmente abogado Dello Gomez na nomber di su cliente (e no kier a menciona e nomber) a pidi corte pa declara InselAir Aruba bancarota. Pero pa ley, si e contra partido haci peticion pa proteccion, esey ta wordo trata prome. Y corte a aproba e peticion ey. Esey ta nifica cu di awor pa e fecha stipula, ningun partido por pidi bancarota di e compania, ni pone beslag riba dje. Automaticamente e ta nifica tambe cu tur beslag cu (taba)tin riba e compania, ta vence of ta stop. Esun cu aworaki tabatin beslag riba e compania, tabata Aruba Tourism Authority. Como administrador pa InselAir Aruba, corte a apunta abogado Jeanot de Cuba.

PROTECCION

Durante e periodo di e proteccion, e aerolinea tin cu percura pa administra su fondonan di tal manera, via e abogado, cu e por mustra cu e ta sobrevivi. Tin un chens pa prolonga e peticion si na juni resulta cu no a keda cla cu esey, y por prolonga esaki pa maximo un aña y mey. Si despues di esey ainda no logra, e posibilidad ta grandi cu e corte por honra e peticion pa bancarota.

  • Welga di abogadonan di piket ta sigui

    Welga di abogadonan di piket ta sigui

    ORANJESTAD – Orden di abogado a topa cu formador Evelyn Wever Croes diahuebs, pero e welga di abogadonan di piket ta on ainda. Asina deken di e orden Jeanot de Cuba a confirma pa NoticiaCla diahuebs atardi. “Nos tabatin un bon gesprek, pero nada concreto ainda. Nos ta den espera di su contesta”, de Cuba a bisa. Segun de Cuba, e motibo cu ta sigui cu e welga, ta pasobra minister demisionario Arthur Dowers (husticia) a anuncia di lo rectifica e LB Ham, pero parcialmente. “Pues e welga ta on ainda!” de Cuba a finalisa bisando.

  • Abogadonan di piket ta bay den accion atrobe diaranson

    Abogadonan di piket ta bay den accion atrobe diaranson

    ORANJESTAD – Entrante diaranson merdia, abogadonan di piket ta bay den accion atrobe, manera cu nan a haci aña pasa caba. Den un carta pa e.o. minister di husticia demisionario, Orden di Abogado su deken ta informa cu debi cu no a ricibi contesta riba un carta di 12 di october ultimo, abogadonan lo drenta den accion pa loke ta piket atrobe. Esey ta encera tambe cu pa casonan cu ta andando caba, abogadonan di piket lo no asisti e clientenan aki.

  • Caso di asalto cu morto na Wayaca posponi te december

    Caso di asalto cu morto na Wayaca posponi te december

    ORANJESTAD – Pa di tantisimo bez, e caso di e asalto cu morto na Wayaca di aña pasa September, a keda posponi awe mainta. E caso awor ta tuma lugar dia 7 di december. Motibo ta cu e sospechoso Chines no a keda cla cu su abogado Hulandes Spong. No ta prome biaha cu e caso ta keda posponi. E hecho mes ta di dia 13 di September 13 2016 ora cu hombernan a drenta e cas na Wayaca y asalta un persona cu resultado fatal. Tabatin discusion e tempo ey si tabata un atraco, asalto y of simplemente reglamento di cuenta.

  • Corte Superior: Apelacion di minister Paul Croes ta sin base

    Corte Superior: Apelacion di minister Paul Croes ta sin base

    ORANJESTAD - Corte Comun di Husticia a declara awe sin base e apelacion (bezwaar) cu e sospechoso P.F.T. Croes a cuminsa contra e decision tuma anteriormente pa hues-comisario den casonan penal na Corte di Prome Instancia di Aruba, pa alarga su detencion cu 60 dia. Ademas Hof a rechasa e peticion di e sospechoso pa suspende su detencion. Esey kiermen cu Croes lo keda den detencion pa awor. Na november lo dicidi atrobe tocante alarga su detencion.

  • Corte di Husticia a tene su di 3 open dag den weekend

    Corte di Husticia a tene su di 3 open dag den weekend

    ORANJESTAD – Den fin di siman (diasabra) Corte di husticia di Aruba a tene nan di 3 open dag pa comunidad di Aruba cera conoci cu e operacion hudicial di paden. Fuera di bishita e salanan di corte, tabatin actividad pafo di e edificio tambe manera demostracion di Mobiele Eenheid y K9 di polis. Paden tabatin un lectura presenta pa hues Noordhuizen na un sala yen, splicando e proceso di un caso, y asina tabatin mas oportunidad pa presentacion. Mes momento, vice presidente di Corte Comun hues Sap a sinta un ora cu prensa local pa atende un ke otro riba acuerdonan y asuntonan pendiente entre prensa y corte. Tur esaki den un intento pa mehora mas ainda e relacion entre prensa y corte, y si tin ‘issues’ pa atende esaki. E tabata un reunion fructifero unda cu palabracionnan a wordo fortifica y otro nobo a wordo cera.

  • Di tres Opendag na Corte di Husticia diasabra awor

    Di tres Opendag na Corte di Husticia diasabra awor

    ORANJESTAD – Corte di prome instancia na Aruba ta tene su di tres Opendag diasabra awor. For di 9’or di mainta te 1’or di merdia tin actividad pa grandi y chikito. Bishitantenan lo por haya diferente presentacion den e salanan di corte. Tin e cachonan di K9 tambe cu lo laga mustra nan calidad. Cuerpo Especial Arubano y Mobiele Eenheid lo duna demostracion tambe di nan capacidad. Pa e chikito nan, lo tin e Dino Jump y tur hende por saca potret den e ‘photo booth’. 

  • Powered by SETAR