O.M. lo lidera operacion di Aruba su propio ‘afpakteam’

O.M. lo lidera operacion di Aruba su propio ‘afpakteam’

Posted on 03/1/2017 10:08 am AST | Updated on 03/1/2017 9:42 pm AST

ORANJESTAD – Mientras cu a cuminsa traha hunto un luna pasa caba, enberdad awe mainta firmando e convenant entre e protagonistanan necesario, e proyecto di ‘afpakteam’ por a cuminsa opera. Procurador General Alexander van Dam a splica NoticiaCla.com awe mainta cu tur cos ta cla aworaki pa subi caya y cuminsa actua. E intencion ta pa un grupo di diferente departamento uni, subi caya y cuminsa ‘kita’ propiedad di personanan cu lo a adkiri esaki di un forma illegal, gran parti di forma criminal. “Riba termino hopi corto, lo cuminsa cu e prome caso di ‘kita cos' y por ta casonan individual sporadico of di casonan cu ta andando caba. E proyecto ta lidera pa Procurador General van Dam, cu a apunta un fiscal cu ta encarga cu e ‘afpakteam’.

BENDE PRODUCTO CONFISCA

Contrario na e sistema di afpakteam na Corsou, un luna pasa van Dam a splica cu tur loke cu confisca, ta wordo manda afo pa eynan e wordo ‘bendi’ na findishi. Tur esaki pa evita cu dado momento un persona cu ‘inocentemente’ cumpra of haya e articulonan confisca, haya su mes den un problema cu e ‘doño bieu’ cu kier tuma represaya riba esun cu tin ‘su’ propiedad. Corsou sinembargo recientemente a anuncia cu tur material confisca lo bay findishi y wordo bendi na Corsou mes. NoticiaCla.com a confronta van Dam cu esaki, y ela confirma cu enberdad ela declara esey luna pasa, pero tin cu bay wak con esaki ta tuma lugar na Aruba. “Nos ta bay wak con finalmente ta bay atende cu e situacion ey. Porta nos por (enberdad) bende na Aruba mes. Berdad mi a declara esey na'bo, y bo a cita mi bon, pasobra mi mes tin miedo cu si un persona ta den un auto of boto cu tabata di un criminal, e criminal lo kier esaki bek” van Dam a sigui bisa. “Pero porta e miedo dimi no ta hustifica of sin base. E ora ey nos sigur lo wak si nos ta bende na Aruba mes”.

FASE DI EVALUACION

Despues di un periodo di 6 luna, lo evalua e operacion y wak si tabatin ‘kinderziektes’ y wak con por remedia esaki. Pero no ta asina cu lo warda completamente e periodo pasa pa remedia fayonan. “Nos ta cuminsa mesora awor, coregi cos na caminda mes y evalua finalmente si e proceso completo a cana bon. E protagonistanan di e proyecto lo haya bon pa por tende kico tur a pasa bon y of malo y unda cu mester remedia cierto cosnan.

 

 

 

 

 

  • OM: Por cera un areglo di pago cu Ministerio Publico

    OM: Por cera un areglo di pago cu Ministerio Publico

    ORANJESTAD Ministerio Publico ta haya importante pa comunica mas mihor posible y pa e motibo ey mes a dicidi pa saca e relato di prensa aki pa informa tocante e posibilidad pa cera areglo y paga boet poco poco. Ministerio Publico conoce e sistema di areglo di pago pa algun aña caba, pero no tur hende sa di dje.

  • OM: Regiezitting caso ex minister Paul Croes ta prome cu zomer

    OM: Regiezitting caso ex minister Paul Croes ta prome cu zomer

    ORANJESTAD – Prome cu zomer di e aña aki, corte lo trata e caso Ibis den cual e sospechoso principal ta ex minister Paul Croes. Vocero di ministerio publico Ann Angela a confirma na Noticiacla cu e investigacion ta den e fase final caba. Croes ta considera como e sospechoso principal yt sospecha di e.o. corupcion den e caso penal cu a haya e nomber Ibis, cu a conoce luz di dia aña pasa. Croes a cay cera dia 21 di augustus di aña pasa y a keda 3 luna deteni, hunto cu algun otro persona. Despues el a recobra su libertad 15 di november di aña pasa. Segun Angela, e expectativa ta cu e regiezitting lo bin dilanti dentro di algun luna. “ Nos ta spera en todo caso prome cu zomer”. Durante un regiezitting tanto defensa como ministerio publico ta haya oportunidad pa trece nan deseonan pa dilanti pa loke ta mas investigacion. E caso no ta wordo traha den su contenido pues riba e fecha ey. prome cu summer y ey lo determina fecha pa e tratamento.

  • Thijsen: Pais Aruba ta apela sentencia contra periodista

    Thijsen: Pais Aruba ta apela sentencia contra periodista

    ORANJESTAD – Pais Aruba/Parlamento ta bay apela e sentencia contra dje di algun siman atras cu nan a perde contra periodista Nelson “Speed” Andrade. Asina presidente di Parlamento Ady Thijsen a confirma pa NoticiaCla awe mainta. “Nos no ta acuerdo cu e sentencia!” Thijsen a bisa e portal aki. E sentencia cu Thijsen ta referi na dje ta di dia 20 di december 2017 ora cu huez a ordena pais Aruba duna e periodista e entrada bek na Parlamento, contal cu e no causa disturbio. Algo cu Parlamento a prohibi Andrade pa un periodo di 3 luna. Thijsen awor ta apela esaki.

  • Placa ilegal intercepta na Airport

    Placa ilegal intercepta na Airport

    ORANJESTAD - Riba 17 di februari ultimo Aduana na aeropuerto internacional Reino Beatrix a controla un pasahero Arubiano di 25 aña di edad, kende tabata regresando di Merca. E pasahero a keda sin meld na Aduana cu e tabatin casi 20.000 dollar cu ne. El a bin cu un declaracion increible di unda e placa a bin y e no por a comproba su storia tampoco. E sospechoso a wordo pasa pa Cuerpo Policial y a entrega e placa despues di a wordo interoga.

  • Van Dam: Ta parse cu asesinato di de Vuyst ta resolvi

    Van Dam: Ta parse cu asesinato di de Vuyst ta resolvi

    ORANJESTAD – Ta parse cu e asesinato aki ta resolvi. Asina ta parse por lo menos. Asina Procurador General Alexander van Dam a bisa den un conferencia awe mainta riba detencion den e caso Fist (asesinato na de Vuyst). Loke a conduci na e detencion di e homber Jairo.A.C (46), ta e hecho cu su DNA a ‘match’ cu e DNA haya na e lugar di e crimen na e cas di e victima di de Vuyst. Van Dam riba pregunta di NoticiaCla, ta considera J.A.C. como e sospechoso principal, y cu e caso ta resolvi aunke cu ‘nunca no ta para e posibilidad pa mas detencion’. Alto comisario di polis Dolfi Richardson, contestando pregunta di e portal aki, enberdad ta considera e crimen aki uno di esunnan mas serio conoci na Aruba te awor.  

  • Venezolano a purba bandona Aruba cu baranan di oro

    Venezolano a purba bandona Aruba cu baranan di oro

    ORANJESTAD - Ayeranochi 9 di februari, un pasahero di KLM a wordo saca for di avion net prome cu a lanta vuelo y el a wordo deteni pa RST riba sospechoso di traficacion di oro y falsificacion.E sospechoso procedente di Venezuela tabatin 46 bara di oro cu ne. Ta trata di en total alrededor di 50 kilo di oro cu ta representa un valor di 2.1 miyon Dollar. A base di informacion haya di FIOD (Hulanda) y RST na Curacao, e sospechoso por a wordo deteni. E accion ta un iniciativa conhunto di RST di Aruba, Cuerpo Policial di Aruba, Ministerio Publico di Aruba y Afpakteam di Aruba. E sospechoso ta den detencion y e investigacion ta andando. Den cuadro di e investigación, lo coopera cu Curacao y Hulanda.

  • Powered by SETAR