Di dos asesinato den 24 ora na Bonaire

Posted on 03/1/2017 9:43 am AST | Updated on 03/1/2017 9:39 pm AST

KRALENDIJK – Den menos cu 24 ora, Bonairo ta conoce dos caso di asesinato. Awe marduga personanan desconoci a tira e hoben Jorditan ‘Jowy Wise’ Theodora (24) mata den Caya Corsou dilanti e malecon. Segun informacion di Aimed Ayubi, diferente persona den becindario a haci mencion di un auto preto cu lo mester a hala kita for di e sitio despues di e tiroteo. Segun Ayubi, Jowy Wise a keda likida cu 3 tiro, di cual bala a alcance na altura di su cabes y cara. Ta investigando kico lo por ta e problema cu a conduci na e caso di tiroteo ku morto aki. E investigacion ta den full swing. Forsa na e famia nan di e defunto den e momento nan dificil aki.

OTRO ASESINATO

Ayera marduga a drenta un informe di un incidente serio den bario di Antriol y na unda a bin sali na cla cu un señora a perde su bida. Bou di liderazgo di Ministerio Publico a start un investigacion pa determina e causa exacto di morto di e victima. A detene  na un adres un sospechoso. A tene dos entrada hudicial  marduga mientras cu e investigacion ta continua. Relaciona cu e investigacion no por duna mas detaye.

Fuente Aimed Ayubi. Live99FM

  • Periodistanan Colombiano ta exigi liberacion di coleganan di programa Spoorloos

    Periodistanan Colombiano ta exigi liberacion di coleganan di programa Spoorloos

    BOGOTA - Periodistanan di e fundacion Colombiano pa libertad di prensa FLIP, a bula aden pa defende nan coleganan Hulandes secuestra na Colombia esta Derk Bolt y Eugenio Follender. Ambos ta traha cu e programa 'Spoorloos' cu ta conoci pa ta busca paradero di famianan perdi di ciudadanonan Hulandes. Ironicamente nan mes 'disparce' durante un buskeda na Colombia, ora cu nan a wordo secuestra pa e grupo guerillero ELN. E periodistanan Colombiano a protesta cu pancarta riba plaza na Bogota y riba pancarta e texto cu nan kier liberacion di nan coleganan. Un dia anterior accionnan militar a wordo para, como gesto pa e guerilleronan para nan accion y libera e periodistanan. E periodistanan a disparce den e jungle di Cucuta. 

  • Diputado di Bonaire Clark Abraham den libertad atrobe

    Diputado di Bonaire Clark Abraham den libertad atrobe

    KRALENDIJK - Diputado di Bonaire Clark Abraham a recobra su libertad awe. Asina vocero di OM Norman Serphos a confirma. Segun Serphos, Ministerio Publiko BES a presenta e sospechoso  Abraham awe dilanti un Hues-Comisario. OM ta di opinion cu e investigashon di KPCN a presenta suficiente sospecho serio pa pidi Hues-Comisario su enkarselacion. Parew cu esei OM a pidi pa schors e encarselacion bou di condishonan stringente pa evita cu e sospechoso ta ripiti e hechos. Condishonan manera entre otro cu e sospechoso ta keda un distancia for di e cas di su partner cu mientrastanto ta biba na un otro adres. Tambe cu e sospechoso ta sigi coopera cu raportahenan. Bou di e condicionan aki e por warda persicucion penal liber na cas.

  • OM: Diputado Clark Abraham ta sigui deteni na Bonaire

    OM: Diputado Clark Abraham ta sigui deteni na Bonaire

    KRALENDIJK - Conocido politico y actual diputado di Bonaire Clark Abraham ta sigui deteni. Vocero di ministerio publico Norman Serphos a confirma dialuna mainta cu Clark ta aktualmente den su encarselashon preventivo di 2 x 24 ora (inverzekeringstelling). Mayan, djamars 20 di juni 2017, Fiskal tin cu tuma un desicion pa loke ta trata su prolongacion di encarselacion preventivo. E ta ser sospechá door di Ministerio Publiko BES di entre otro di maltrato, stalking, violashon di privacidad (huisvredebreuk) i saca un menor di edad for di custodia di mayor sin autorisacion. Den e caso aki tin un denuncia haci.

  • Diputado Clark Abraham di Bonaire deteni

    Diputado Clark Abraham di Bonaire deteni

    KRALENDIJK. - A detene e homber Clark Abraham diasabra anochi alrededor di 8 or na warda di polis di Boneiro. Asina vocero di OM Norman Serphos a confirma pa NoticiaCla. E ta ser sospecha entre otro di maltrato, stalking, violacion di privacidad (huisvredebreuk) y saca un menor di edat for di custodia di mayor sin autorisacion. Den e caso aki tin un denuncia haci. E detencion a tuma lugar riba ordo di Fiscal di Ministerio Publico (OM) BES. KPCN ta encarga cu e investigacion.

  • Aruba remarcablemente ausente na conferencia Ombudsman

    Aruba remarcablemente ausente na conferencia Ombudsman

    KRALENDIJK – Aruba tabata remarkablemente Ausente na e Conferencia di Caribbean Ombudsman Association (CAROA), Cu a tuma lugar e siman aki na Boneiro. Asina presidente Nilda Arduin, defensor di pueblo di Sint Maarten y Ombudsman Nacional Reinier van Zutphen ta bisa. Van Zutphen como ombudsman di BES tambe ta miembro di CAROA y e biaha aki tabata anfitrion di e conferencia di cada dos aña.

  • Aruba ausente di paisnan Caribense aproba pa proyecto financia pa Europa

    Aruba ausente di paisnan Caribense aproba pa proyecto financia pa Europa

    GOSIER, Guadeloupe – Un lista publica e siman aki di proyectonan aproba pa financiamento Europeo pa e periodo valido te 2020, ta mustra cu di e 11 proyectonan aproba, Aruba ta e notabel ausente. E lista a keda publica durante un reunion na Guadeloupe e siman aki y reproduci pa e medio Caribbean News Now. Notabel ta e participacion di Bonaire, Corsou, St Maarten y St Eustatius. Kico e motibo ta cu Aruba no ta wordo menciona, no ta conoci. Varios di e proyectonan tin temanan specifico cu no ta aplicabel pa Aruba. Sinembargo tin otronan cu ta mas general, y cu Aruba a wordo laga afo. E suma aproba ta €85.7 million euro. E proximo comision di seleccion lo reuni na september pa studia proyectonan nobo. Foto cortesia Caribbean News Now. 

  • Powered by SETAR