WILLEMSTAD - Amigonan, conocirnan famia y fans, a haya oportunidad awe tardi pa dispidi di e musico grandi cu a fayece repentinamente na Corsou diabierna ultimo, Nando Browne. For di 1'or pa 4'or su curpa tabata na funeraria El Señorial, unda cu por a dispidi di dje. Nando, aunke considera un Arubiano, tabata hopi keri na Corsou for di tempo cu el a muda pa nos isla bisiña algun aña pasa. Den fin di siman na e club 27 a te hasta tene un homenahe pa Nando, unda cu musiconan a dedica e anochi completo na su persona. Mayan e curpa ta yega Aruba pa asina por der'e diabierna proximo. Fotonan y informacion cortesia Notisia ING.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.