ORANJESTAD - AZV a firma un acuerdo di cooperacion (samenwerkingsovereenkomst) cu Banko di Seguro Sosial di Korsou (SVb Korsou). E acuerdo aki ta confirma e bon relacion cu e dos organisacionnan tin caba y lo ta base di intercambio di experiencianan riba tereno di cuido medico. Director di SVb Corsou sr Simon y e director di AZV sr Ringeling a firma e acuerdo diahuebs 16 di februari na e oficina di AZV.
E director di cuido medico señor François Michel Simon, consehero medico sra Gijbertha y hefe di departamento di declaracion Clarck Zalm di SVb Corsou a pasa na AZV y haya diferente presentacion. SVb Corsou ta ehecuta un ley na Corsou parecido na e Landsverordening AZV di Aruba. Esey kiermen cu e tin simularidadnan den e actividad di ambos organisacion. Por ehempel tratamento den exterior ta un reto pa SVb Corsou y un tereno riba cual AZV a compila hopi experiencia e ultimo añanan.
Otro area cu AZV y SVb por traha hunto ta: IT, bij- en nascholing, zorginkoop y benchmarking. A palabra cu dos biahe pa aña e dos organisacionnan lo topa otro.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.