SAN NICOLAS - Cuerpo policial tawata tin durante e parada total 128 polis riba pia. Esey ta polis uniforma, Mobiele Eenheid, K9, recherchenan pa loke ta e lik op stuk "faya bo haya", nos personal administrativo y tambe nos commando kamer. E parada a sali net 2or di merdia y e prome grupo a yega 17:35 y e last lap a yega final 18:30. Pa loke ta e detencion nan te cu awo ta 0. Aña pasa tawata tin 8. Cuerpo Policial ta hopi satisfecho pa loke ta e comportacion di publico. E controlnan den trafico a sigui prome durante y despues di parada door di nos motor unit. Eynan si ta tin 7 detencion pa loke ta maneha auto bou influencia di alcohol . P'esey nos di Cuerpo Policial kier keda recorda pueblo cu si bo ta bebe NO stuur y si bo ta stuur NO bebe. Zorg semper pa bo tin bo # amigodidi.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.