- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Gomez: DIMP conciente di reto pa paga number di auto online
ORANJESTAD - Tin un motibo cu pagonan haci via banco, pa p.e. pago di number di auto ta confrontando tardansa. Specificamente e problema cu a pone cu en bes di di 5 dia di trabou pa procesa e pago, esaki a bira 10 dia. Algo cu e pagadonan 'online' no a aprecia y no tabata contento. Segun directora di departamento di impuesto (DIMP) Luenne Gomez Pieters a splica NoticiaCla.com, enberdad e tin cu bay hopi mas facil, lihe y automatisa. "Nos ta na altura di e challengesnan y banco tambe ta na altura di esey". Gomez a splica.
PLATAFORMA PA PROCESA PAGO ONLINE
Como tal, kier uza esaki como plataforma pa sinta na mesa atrobe pa wak con por mehora e servicio tambe na cliente. "Pasobra uiteindelijk ta e cliente ta esun cu tin cu haya e servicio cu e ta verwacht". Entre nan, nan (DIMP) tin palabracion cu banconan pa wak kico tur por automatisa mas tanto di e 'pagamento online'.
RESOLVIENDO TARDANSA DI '5 DIA DI PAGO'
E directora ta conciente di e reclamonan y como tal a bisa cu e problema ta 'bezig ta wordo resolvi'. "Nos ta casi bij cu tur e bank betalingnan. Pero pa futuro nos kier traha nieuwe afspraken con ta automatisa e parti aki pa por bringa miho servicio" Gomez a sigui bisa. Sigur pasobra hendenan no por a compronde con bin un transaccion cu mester tuma algun minuut, ta dura 5 te 10 dia di trabou pa por keda cla. Segun Gomez, e transfer enberdad ta pasa 'automatisch' y DIMP ta haya e statementnan di banco. "Pero ta e bankstatements nos ta verifica y verwerk. Y esey ta bay manual" e directora a admiti. Ey ta unda e problema ta sinta, esta e procesamento di e statements. Pero kier hacie automatisa tambe. "Nos tin un automatisch download, aunke esaki no ta e caso cerca tur banco. No tur banco ta uza e mesun plataforma di raporta. Nos kier yega na un plataforma pa raporta. A papia caba cu Banco Central riba e topico aki. Nos a papia cu ABA (Aruba Bankers Association) y nos kier sigui intensiveer esaki" Gomez a bisa. Aworaki tin un banco ta haci esaki automatico, y otro banconan ta haci esaki manual. Ta e intencion pues pa mehora e proceso aki pa e cliente no tin cu pena mas ora di haci un transaccion cu normalmente ta facil y liher, pero cu awor ta tarda mas cu normal.
SETAR a tene su Avigilon ALTA Launch Event cu enfoke riba e futuro di seguridad
CBS: Bestaansminimum a subi atrobe na Aruba debi na aumento di gasto di cuminda
ORANJESTAD - E bestaansminimum ta e nivel minimo di entrada cual ta wordo percibi cu ta necesario pa logra mantene un nivel di bida adecuado den un cierto pais. Usualmente e bestaansminimum ta wordo determina door di calcula e gasto di tur e recursonan esencial cu un adulto ta consumi den un luna of aña. Generalmente esaki ta wordo yama un indice basico di necesidad, y e ta varia segun e prijs di cuminda, paña, vivienda, transporte y otro articulonan den e “canasta”. Escalanan di ekivalencia ta wordo usa pa ahusta e nivel minimo di entrada percibi pa hogarnan di diferente tamaño y composicion. E escala ta asigna un peso di 1.0 pa e prome adulto y 0.5 pa cada adulto adicional den e hogar (edad 16+) y un peso di 0.3 pa cada mucha (edad 0- 15 aña). E bestaansminimum ta basa riba cifranan di e rapport “Bestaansminimum 2010” y ta wordo actualisa mensualmente pa cu inflacion usando e CPI mensual. E unidad di referencia den e rapport aki ta di un hogar cu ta consisti di dos (2) adulto y dos (2) mucha (edad 0-15 aña).
WEB Aruba ta firma acuerdo cu Seven Seas Water Group pa construi planta SWRO-3
ORANJESTAD – Diaranson dia 17 di mei ultimo, WEB Aruba y Seven Seas Water Group (SSWG), un proveedor multinacional di ‘Water-as-a-Service® (WaaS®) solutions’, a firma un acuerdo Build-Own-Operate-Transfer (BOOT) cu un termino di traspaso di 10 aña. Seven Seas Water (Aruba) VBA lo construi un planta di SeaWater Reverse Osmosis (“SWRO”) cual lo contribui cu un minimo di 16.500 meter cubico di awa potabel pa dia. E asina yama SWRO-3 lo ta parti di WEB Aruba su plan di termino largo y su Water Road Map pa satisface demanda continuo di awa, manteniendo suministro confiabel. E planta nobo lo reemplasa e actual facilidad temporal di produccion di awa. SSWG a haya e contrato despues di un proceso di tendering y negociacion na 2023. Lo construi e planta SWRO-3 riba tereno existente di WEB y ta planea pa cuminsa opera pa medio 2026.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
Follow NoticiaCla
