WILLEMSTAD - Premier Hensley Koeiman a yama e situacion politico na Corsou awe nochi, como sumamente preocupante. Esey a pone cu ela dicidi di yama un conferencia di prensa awe nochi mes enbes di diahuebs proximo manera cu tabata planea, pa purba trankilisa comunidad di Corsou. A mustra cu e reunion cu e parlamentarionan a yama diamars atardi, no ta corecto y ta totalmente illegal segun Koeiman. A mustra cu e reunion illegal ey mester a tuma lugar diabierna. A yama e reunion di Parlamento cu a tuma lugar, como un 'onderonsje' cu no mester a tuma lugar. Pero un grupo di parlamentario, a dicidi riba nan mes, contra tur regla segun prome minister Koeiman(y resto di gabinete Koeiman), pa yama un reunion cu topiconan cu tabata poni pa wordo trata diabierna awor.
GOBERNADOR A YAMA PARLAMENTARIONAN
Mientrastanto Gobernador Lucille George Wout a manda yama e 11 parlamentarionan cu a reuni diamars atardi, pa un reunion pa atende e situacion. Mucho cos e Gobernador no por haci segun prome minister Koeiman, mirando cu e reunion cu a tuma lugar, tabata illegal. "Mucho cos e no por haci" Koeiman a finalisa bisando.
Foto cortesia telecuracao.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.