Palm Beach - Pa celebra Dia di San Valentin y trece un tiki amor y calor pa e hendenan di Aruba, e ekipo di gerencia y empleadonan di Riu Palace Antillas y Riu Palace Aruba a haci un bishita special pa Centro Kibrahacha. Centro Kibrahacha ta un Centro di Cuido di Adulto cu a lanta na 1983, cual ta ofrece diferente actividad dinamico y servicionan na e comunidad anciano di Aruba.
Gerente General di Riu Palace Antillas, Juan Blanco, hunto cu Vanessa Fernandez, Gerente General di Riu Palace Aruba a supervisa e esfuersonan di diabierna hunto cu e resto di e empleadonan, kendenan a carga na man y hiba e delicioso cahanan di lunch pa e cuerpo di boluntario y habitantenan. Ademas di e cuminda, e Fun Crew di e resort a organisa un show en bibo di salsa pa e habitantenan, sigui pa tayernan di merengue y bachata cu e participacion di e publico. E ekipo di entretenimento na RIU a pone henter e comunidad riba pia y a hiba varios baile, cual a wordo disfruta pa tur hende.
E habitantenan na e centro social tambe a participa den bingo, unda nan tabatin e oportunidad pa gana premionan, tur di cual a wordo haci como parti di nan esfuerso pa celebra Dia di San Valentin y trece un tiki alegria pa tur esnan envolvi.
"Nos ta spera cu nos a haci nos amigonan na Centro Kibrahacha sinti nan mes stima y aprecia riba e dia aki," Blanco a bisa. "En berdad nos ta balora e oportunidad aki y nos empleadonan semper ta dispuesto pa duna di nan tempo boluntariamente y trece un tiki alegría na nos habitantenan local cu mas mester di dje."
ORANJESTAD – Recientemente e team di Wings of Hope (WOH) cu ta forma parti di Aruba Airport Authority N.V. a organisa e di dos AUA Airport Runway Run riba diadomingo 17 di maart 2024, caminda un total di 125 coredo a duna bek na comunidad di un manera inolvidabel.
ORANJESTAD - Dia 18 di maart Aruba henter ta celebra Dia di Himno y Bandera. Dos simbolo di nos autonomia, identidad, libertad y union.
ORANJESTAD - Fundacion Kapel di Bethania – FKB, ta habri portanan di Klooster Imeldahof pa henter pueblo di Aruba riba ‘Dia di Himno y Bandera’ 18 di maart for di 9:00 am pa 2:00 pm. Un y tur lo tin e posibilidad pa haya experencianan varia riba e dia di celebracion aki.
ORANJESTAD - Hilton Aruba Caribbean Resort & Casino a introduci e Tree of Giving na 2020 manera un forma pa duna bek na comunidad. Bishitantenan por contribui n’e Tree of Giving situa den e lobby di Aruba tower, pa medio di cumpra un poinsettia plant durante e luna di december. Tur e ganashi colecta ta bay directamente pa asisti e isla su banco di cuminda, FPNC, Fundacion Pa Nos Comunidad, www.fpncaruba.com.
ORANJESTAD - Señora Nena a nace na 1936 na Colombia bao di e nomber di Edith Elvira Fawcet.