- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Polis a kita 5 chauffeur burachi for di caminda
ORANJESTAD - Tanto prome, durante y specialmente despues di e parada di carnaval di mucha na Oranjestad, e ekipo di Polisnan riba motorcycle a tene control na diferente sitio strategico, pa sigura cu e chauffeurnan participando den trafico no ta bou influencia di alcohol y ta comporta nan mes di acuerdo cu nos leynan di trafico. Na final a conta 45 auto cu nan a para pa controla, di cual a detene 5 chauffeur pa stuur bou influencia di alcohol, di cual 2 di nan a kita nan rijbewijs for di nan. Polis ta corda tur hende cu e controlnan asina lo continua den e simannan cu ta keda di carnaval. Ta conseha tur hende pa si bo ta bay bebe alcohol, pa hiba un chauffeur cu no ta bebe cu Bo pa stuur despues di e evento. Uza bo #amigoDIDI.
Aruba presente na Merca pa congreso di crimen cibernetico
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
Aruba ta conoce su di 4 morto di trafico pa 2024
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Follow NoticiaCla
