- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Caso di estafado di permiso posponi te proximo aviso
ORANJESTAD - E caso pa trata e sospechoso G. - e homber cu tabata pretende di ta un abogado pa procesa permiso-, no a sigui awe. For di ayera tabata conoci pa ministerio publico cu su caso lo ta posponi, debi na enfermedad di e acusado. G. ta wordo acusa di, den e periodo di prome di augustus 2013 te 11 di november 2016, a pretende di ta un abogado of un consehero huridico, y/of a traha documentonan cu no tabata basa riba berdad y cu logo di Pais Aruba y/of DPL y/of DIMAS, y/of a uza firmanan di personanan autorisa, y a crea di e manera ey e impresion cu ta trata di permisonan legal di trabou y estadia y di documentonan di CENSO y di registracionnan di Corte, dor di cual personanan a pag'ele. Ademas e ta wordo acusa di, den e periodo di prome di juli 2014 te 11 di november 2016, a falsifica documentonan, esta (entre otro), permisonan di trabou y estadia, declaracionnan pa drenta mercado laboral di Aruba, uittrekselnan di bevolkingsregister, carnanan di DIMAS, un decision di Raad van State, un carta di Banco Central y un carta di Corte Superior. Tambe e ta wordo acusa di, den e periodo di prome di november 2013 te 22 di april 2015, a falsifica un carta di PWC. Cerca e citacion ta menciona hechonan admiti pa e sospechoso, pero pa cual elo no wordo persigui separa. Aki ta trata di un total di ocho persona den e periodo di prome di mei 2015 te 6 di oktober. E ta wordo acusa di, den e periodo di 8 di oktober 2012 te 20 di juni 2013, den e rol di consehero huridico of mediador, ladronicia di un suma di placa. No ta conoci ki dia e caso lo bin dilanti awor segun vocero di ministerio publico.
Corte: Caso ‘Isla di Oro’ ta sigui fin di luna awor, cu mesun huez
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
Corte a rechasa peticion di gobierno pa kita (wraak) huez di caso Isla di Oro
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
OM: Awor Aruba tin hende certifica den Terapia di famia multi dimensional
Abogado Gomez: Leynan pa castiga abuso di bestia, ta deficiente
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
Manera anticipa pa Noticiacla: Ex minister Besaril a recobra su libertad
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.
Ex minister Besaril por recobra su libertad diabierna
ORANJESTAD – Diabierna awor (8 di maart) ex minister Guilfred Besaril por recobra su libertad atrobe. Esaki despues di a sinta su dianan den pre aresto. Ministerio Publico diahuebs a confirma pa Noticiacla cu e periodo di 16 dia encarcelacion ta termina diabierna awor, y no tin intencion di pidi prolongacion.” OM no a pidi pa e sigui den detencion, dus una vez su termijn ta cla, hoogstwaarschijnlijk e lo bay den libertad” e vocero Ann Angela a sigui bisa. Esey no ta nifica cu e investigacion a termina. “ E investigacion ta sigui cana” Angela a sigui bisa. Ta solamente cu e termino stipula ta vence. Si e Huez Comisario sinembargo dicidi di prolonga esaki un biaha mas, e lo bira pa 60 dia. Pero mester bisa mesora, cu si esaki ta e caso mes, no ta nifica cu e ex mandatario tin cu keda sinta tur e 60 dianan.
Follow NoticiaCla
