- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Polis a haya 2 SUV RAV Hybrid pa yuda proteha nos turismo
ORANJESTAD - Garage Cordia a haci entrega di dos auto Toyota RAV4 Hybrid na Aruba Hotel & Security Foundation cu na su turno a entrega esaki na Cuerpo policial. E autonan aki lo ta destina primordialmente pa e departamento di Noord su warda unda cu aki lo haci uzo di dje. E motibo cu a scoge pa e RAV segun CEO di Garage Cordia, ta cu gobierno a pidi auto mas eficiente, y miho pa nos ecologia. E tramite a bay hopi soepel segun Werleman. AHSF a cumpra e dos autonan aki y tambe e proximo compra lo ta tres pick up Hilux.
DOWERS
Segun e mandatario di husticia Arthur Dowers, e ta considera esaki un bon progreso. A elogia e cooperacion cu e hospitality foundation segun e mandatario, y a splica cu parti di e fondonan cu tabata uza pa e visibility team, awor ta wordo uza pa por a busca material mas efectivo pa combati criminalidad. E dos unidad special di polis trahando na Noord hunto cu Strandpolitie lo keda fortifica pa e dos autonan Hilux aki.
KORPS CHEF INTERINO
Korps Chef interino Vanessa Tjon a splica cu e prioridad awor ta e prevencion riba caya. A referi tambe na e discurso di e CEO di Aruba Hotel & Tourism Association Jim Hepple cu a relata riba e demanda pa tin mas polis visibel riba caya. "E autonan aki ta duidelijk visibel y nan ta wordo uza den e departamento di surveillance dienst, e parti uniforma, concentra den e area di Noord" Tjon a bisa. A confirma cu e enfoke principal di e fundacion cu a paga pa e autonan aki, tabata e area di Noord. "Cu e dos autonan aki sigur sigur nos por haci bon uzo di nan" Tjon a bisa. Esey no ta nifica cu nan ta cla y a splica cu lo haya mas auto.
Aruba presente na Merca pa congreso di crimen cibernetico
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
Aruba ta conoce su di 4 morto di trafico pa 2024
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Follow NoticiaCla
