Aseguradonan ZVK a adapta operacion di transporte debi na situacion Insel Air

Aseguradonan ZVK a adapta operacion di transporte debi na situacion Insel Air

Posted on 02/3/2017 11:13 am AST | Updated on 02/3/2017 10:44 pm AST

KRALENDIJK - Aseguradonan di Zorgverzekeringskantoor BES (ZVK) cu mester biaha pa exterior pa consulta of tratamento super specialisa,  tambe a keda afecta pa e situacion di InselAir. Como tal pa medio di un comunicado nan a informa diabierna cu for di diahuebs 2 februari ta haci e biahenan aki pa medio di buelonan charter pa Corsou y Aruba. For di ZVK, NoticiaCla.com a compronde cu esaki ta debi na e situacion actual di InselAir cu no por garantisa un schedule manera mester ta. Pa loke ta e cambio di buelonan, nan ta na encargo di e compania di aviacion EZ-air y lo ta pa e proximo 3 lunanan. Un ke otro ta parti di un seri di provision ku ZVK a tuma pa mas tanto posibel, sigura cu aseguradonan ta yega na tempo pa nan citanan pa tratamento of consulta medico y, pa mas tanto posibel sigura cu nan por yega safe y na tempo bek na nan respectivo islanan

E buelonan charter ta tuma luga diariamente for di Boneiro pa Corsou y Aruba. E asina yama ‘buelonan di MRI’ pa Aruba, ku ta tuma luga tur diasabra, ta continua normalmente. Tambe e buelonan di evacuacion di emergencia pa medio di ‘Air Ambulance’ (staciona na Boneiro) y esnan pa medio di e helicopternan ‘MediVac’ (staciona na Sint Eustatius), tambe lo keda normalmente disponibel. Esaki ta conta tambe pa e buelonan charter pa y for di Sint Eustatius pa Sint Maarten.

ZVK lo sigui e desaroyonan pa loke ta coneccion aereo pa otro destinacionnan cu hopi atencion y lo informa  su aseguradonan na tempo di cualkier desaroyo cu surgi y di pasonan cu eventualmente mester tuma.

 

  • Ekstradicion ex minister sospechoso Jamaloodin admisibel

    Ekstradicion ex minister sospechoso Jamaloodin admisibel

    CARACAS - Tribunal Supremo di Venezuela a dicidi dia 4 augustus 2017 cu e peticion pa extradicion di G.R.M.J. Jamaloodin(40) riba peticion di Ministerio Público (OM) di Corsou ta admisibel. Na november 2016 a pidi autoridad Venezolano extradicion di Jamaloodin cu na Corsou ta sospechoso den investigacionnan Germanium, Passaat y Maximus. E extradishon a ser pidi numa na momento cu Ministerio Publico a pidi Jamaloodin pa meld su mes boluntariamente na Corsou. E no a duna oido na e peticion aki.

  • Van Putten a ofrece disculpa pa su declaracion contra militarnan

    Van Putten a ofrece disculpa pa su declaracion contra militarnan

    ORANJESTAD – Politico Clyde van Putten a ofrece su disculpa na habitantenan di Sint-Eustatius pa su declaracionan recien papiando di ‘mata y kima militarnan Hulandes si nan bin St Eustatius. E ta bisa cu e ta tuma ful responsabilidad pa su accion, si e meter aparece dilanti emsa berde. Asina Caribisch Netwerk, partner di NoticiaCla ta raporta. Den su lucha pa mas autonoia pa e comunidad Caribense, e parlamentario siman pasa a declara cu kier ‘kima y mata’ militarnan Hulandes den cayanan di Sint-Eustatius’, si Plasterk manda trupanan pa e isla.

  • Plasterk a denuncia parlamentario van Putten oficialmente

    Plasterk a denuncia parlamentario van Putten oficialmente

    DEN HAAG/ORANJESTAD – Minister di Asuntonan di Reino Hulandes Ronald Plasterk a haci denuncia contra parlamentario Clyde van Putten di St Eustatius. Esaki pasobra van Putten a declara publicamente cu si militarnan Hulandes bin St Eustatius, lo kima y mata nan. Oficina di representacion Hulandes na Aruba a confirma esaki. “E denuncia a wordo haci y ricibi na ministerio public na Bonaire” tabata e reaccion pa NoticiaCla.

  • Preocupacion pa e derame di petrolio di Trinidad y Tobago

    Preocupacion pa e derame di petrolio di Trinidad y Tobago

    PORT OF SPAIN – Tur atencion ta riba e derame di petrolio di e fin di siman aki na Trinidad y Tobago. E instancia local di e isla, ( Environmental Management Authority (EMA) ) a bisa diadomingo cu tin enberdad raportahe di un substancia di petrolio den awanan entre isla Carera y e peninsula di Chaguaramas. E team di EMA a bisa cu nan ta investigando e incidente aki cu ayudo di e Air Guard di e defensa di Trinidad and Tobago. No ta conoci unda e derame aki a origina, ni ken ta responsabel pa e derame.

  • Bapor di Marina Hulandes cu 1 miyon kilo di material a yega St Maarten

    Bapor di Marina Hulandes cu 1 miyon kilo di material a yega St Maarten

    PHILLIPSBURG – E bapor Hulandes Zr.Ms. Karel Doorman a yega St Maarten. E asina yama joint support ship a sali un siman y mei pasa for di Hulanda, carga cu mas di 1 miyon kilo na material di ayudo abordo. Entre e material, tin ekipo di transporte pa construccion, mast di transmision y material mes di construccion. Minister presidente William Marlin tabata para cu un delegacion di su gobierno, pa ricibi e bapor.

  • Cierto cruceronan a kita St Maarten di itinerario te maart 2018

    Cierto cruceronan a kita St Maarten di itinerario te maart 2018

    MIAMI/ORANJESTAD/PHILIPSBURG – Tabata un par di siman hopi pisa pa e liñanan crucero operando den Caribe. E dos horcannan Irma y Maria ya caba a forza e lineanan grandi Royal Caribbean, Carnival y varios otro grandi pa redirigi nan bapornan y cambia itinerario nan completo den cierto instancia. E horcan nan a saca dos di e wafnan mas ocupa den Caribe, Charlotte Amalie na St Thomes y Philipsburg na St Maarten. Nan lo no por ricibi bapornan crucero pa siman of lunanan nos dilanti. Di otro banda otro destinacionnan no a keda afecta, no a toca e parti West manera Jamaica y Mexico, y destinacionnan den sur manera Aruba, Bonaire y Corsou. Aruba den e caso aki varios biaha a 'beneficia' di e cambio unda cu algun crucero a bishita Aruba, envez di Puerto Rico y St Maarten. 

  • Powered by SETAR