Sv Britannia Vitamalt campeon Copa Betico Croes 2016/17

Posted on 01/29/2017 2:12 pm AST | Updated on 01/29/2017 2:27 pm AST

ORANJESTAD - Diaranson 25 di januari ultimo a tuma lugar e gran final di Copa Betico 2016/17 ora cu Sv Britannia Western Union a enfrenta Sv Dakota Gatorade. E wega a tuma lugar den Compleho Deportivo Guillermo P. Trinidad den cas di Dakota y nos mester menciona cu e fanatica a asisti na grandi y cu masha hopi ambiente. Directiva di AVB tambe a percura pa un ambiente profesional na final di wega. E wega ariba su mes tabata di un nivel halto cu bon wega di futbol y bon dirigi pa e referee Delecca. Dakota a cuminsa na domina e medio campo y no tabata permiti e medio camponan di Sv Britannia Western Union yega na e bala y di e forma tacticamente a stroba Sv Britannia Western Union di arma su wega. Pero manera semper Sv Britannia ta keda anota goal apesar cu nan ta bou di presion y ta na di 11 minuut di wega cu Luis Carlo Croes ta lora un bala di banda drechi y unda e defensa di Dakota no ta kop e bala bon y e bala ta cay ariba pia di Renier Paraez cu ta prebecha y ta manda su equipo ariba 1-0 y e alegria di parti e fanaticadanan di Sv Britannia a cuminsa trempan. Faltando algun minuut pa wega yega halftime Jeanpierre Fingal ta wordo folia pa di dos biaha den 16 meter y corectamente refree ta fluit pa pinalty. Akinan Luis "Coco" Esterada ta tuma e pinalty na su encargo y ta anota e di dos goal pa Sv Britannia Western Union pa hasi e wega 2-0 y asina tambe halftime ta bay aden. Den di dos tempo Dakota a bin por la goma pa trata di corta bentaha, pero e defensa di Sv Britannia lidera pa Rodymar Paesh y Derwin Donato a keda para duro. Faltando 15 minuut pa wega caba ta Dakota ta logra corta bentaha despues cu e defensa di Sv Britannia Rodymar ta laga un bala bay y ta Nickelson Paul ta manda un fusil cu e keeper di Sv Britannia Kendrick Dania no a ni wak y e wega ta bira 2-1. Despues di e hugada ey Dakota a crea algun ocacion mas di goal, pero e punteria di e delanteronan no tabata skerpi. Di e forma aki tambe e wega ta caba cu un victoria di 2-1 pa Sv Britannia Western Union ariba Sv Dakota. Tur 3 wega cu Sv Britannia a gana den Copa Betico a wordo gana cu e diferencia di 1 goal. Sv Britannia ta gana Bubali 1-0, gana Ind. Caravel 1-0 y den final ta gana Sv Dakota 2-1. Den e 13 edicionan di Copa Betico Croes nos por menciona cu Sv Britannia Wester Union a titula campeon 7 biaha y algo masha remacabel ta cu e hungador Derwin Donato a titula campeon tur 7 biaha cu Sv Britannia. Otro hungador cu tambe tin un record pa locual ta Copa Betico Croes ta Kendrick Dania cu tin 6 titulo di Copa Betico Croes ariba su nomber. Un pabien grandi ta bay pa e hungadornan di Sv Britannia, directiva, fanaticanan cu a bin na masa y tambe na e sponsernan; Bright Bakery, Frisian Flag, Vitamalt, Pizza Hut, Western Union y Total Finance. Sv Britannia su prome wega di dos round di campeonato regular lo ta contra e propio equipo di Dakota diasabra 11 di februari 2017.

E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Mas Deporte
Lesa Mas
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Mas Deporte
Lesa Mas
Rafael Nadal: Mi ta considera esaki como mi ultimo aña (hungando tennis professional)
BARCELONA – E strea internacional di tennis professional Rafael Nadal a anuncia cu esaki ta su ultimo aña professional. “ Mi ta considera esaki como mi ultimo aña y mi kier disfruta di cada momento” Nadal a bisa dialuna durante un conferencia di prensa na Barcelona. E la anuncia su participacion diamars awor na e torneo ATP na Barcelona. Ta su prome participacion despues di a retira tres luna pasa di e torneo na Australia. E ganador di 22 titulo grandslam, a dicidi ultimo momento pa participa e siman aki. E tenista di 37 aña di edad mester a sacrifica varios torneo debi na su condicion fisico cu no tabata optimal. Ultimo tempo e ta sufriendo di basta lesion y a indica aña pasa caba cu esaki por ta su ultio aña. Awe e la confirma cu esaki enberdad ta su ultimo aña hungando tennis professional.
Mas Deporte
Lesa Mas
Cantidad record di persona ta den Ronde van Aruba awe
SAVANETA – Un cantidad record di persona ta den Ronde van Aruba (RVA) awe. Segun informacion di e portal 297Sports, un total di 726 coredor ta subi caminda, cual por cierto ta un record. Tur e lunanan di preparacion lo keda demostra awe riba caminda unda e demas participantenan lo duna un show di coremento riba e careteranan di nos dushi isla di Aruba. Lo tin un total di 16 coredor single e aña aki, 57 duo teams cual ta e cantidad mas grandi den historia di RVA. Por ultimo e 149 estafette lo ta den e gruponan di 4 relay, pues 596 persona lo core e 72km rond di nos isla. E fiebre di Ronde van Aruba ya a wordo sinti y lo bay ta grandi awe full rond di nos isla cu hopi mirones canto di caminda. Tin varios happening prepara na e diferente post.
Mas Deporte
Lesa Mas
Seleccion cu a conkista 54 medaya den Carifta Aquatics Championship 2024 a bolbe Aruba
ORANJESTAD - Diabierna atardi den un esfera ameno, Minister Endy Croes a ricibi nos Seleccion di Landamento y Seleccion di Landamento Artistico den e VIP room di Aeropuerto Internacional Reina Beatrix. Manera ta conoci, siman pasa nos atletanan a competi den Carifta Aquatics Championships 2024 cu a tuma luga na Nassau, Bahamas y Fort Lauderdale, Florida. Carifta ta e competencia di e mihonan di Caribe. E aña aki alrededor di 400 atleta di 21 pais a participa. Famia y amistad tabata ansioso sperando e yegada di nos atletanan. E hobennan a conkista un total di 54 medaya den dos diferente disciplina acuatico: landamento y landamento artistico. Den e disciplina di landamento a logra 30 medaya y landamento artistico 24 medaya. Pais Aruba a keda na di 7 luga den 21 pais. Den nomber di Gobierno di Aruba, Minister Endy Croes a felicita e atletanan cu nan excelente prestacion den Carifta. Alabes, a gradici e atletanan pa carga nomber di Aruba y laga nos pais briya riba plataforma internacional.
Mas Deporte
Lesa Mas
Cantidad di hungadornan internacional den baseball Major League na Merca a baha
NEW YORK — E percentahe di hungadornan internacional hungando baseball professional na Merca, a baha te na 27.8% cu ta e nivel di mas abou desde 2016. Aworaki tin 264 hungador di 19 pais, entre e 949 hungadornan activo total ora cu e temporada 2024 a habri siman pasa. E pais internacional cu tin mas hungador na Merca, ta Republica Dominicano cu 108 hungador, sigui pa Venezuela cu 58 sigui pa Cuba cu 18. Corsou tin 4 mientras cu Aruba tin 1 (oficialmente) cu ta Xander Bogaerts. Actualmente e tin un hungador riba ‘standby’ cu Atlanta Braves, esta Chadwick Tromp. Pa loke ta e ekipo cu tin mas hungador internacional, Houston Astros ta lidera e grupo aki cu 16 hungador, sigui pa San Diego cu 15, Boston cu 14, Miami cu 14 y Cleveland cu 12.
Mas Deporte
Lesa Mas