Polis a gara atracadornan di atraco cometi un rato prome

Polis a gara atracadornan di atraco cometi un rato prome

Posted on 01/22/2017 10:04 am AST | Updated on 01/22/2017 3:52 pm AST

ORANJESTAD - Dos homber arma a atraca otro homber na Palm Beach marduga. Tabata pa mas o menos 3:30 di awe diadomingo marduga Central di Polis a haya un yamada  bisando cu nan lo mester a atraca un hende homber bandi Setar Palm Beach. Na yegada e meneer a declara cu un rato prome ela caba traha y tawata bayendo na su auto, ora cu diripente un auto color shinishi mester a para bandi dje y 2 hende homber a sali. Uno cu cuchiu y e otro e no ta sigur si ta tin un arma di candela e tawata tin den su man. Nan no tabatin cara tapa y nan a pidi'e pa su pertenencia nan. Nan lo a papia spaño cu ne.  Despues nan a subi e auto Mitsubishi color shinishi y a bay di e sitio. Patruya a cuminsa di biaha cu un buskeda na unda cu na altura di Sasakiweg banda di e Saliña nan a bin topa cu un di a atracadonan na pia y a bay over na deten'e di biaha y hib'e warda di polis na Shaba mesora. Un rato despues patruya di Noord a para un auto Mitsubishi color shinishi cu dos hende homber aden cu ta cuadra cu descripcion cu loke e victima lo a declara un rato prome. A pasa pa detenenan y a hibanan warda pa asina saca afor si nan lo tin di haber cu e caso di atraco un rato prome. E auto a wordo tuma den beslag y hiba warda di Noord tambe pa asina BFTO por haci su investigacion. Atraco team y slachtoffer hulp tambe a yega na warda di Shaba pa asina atende e caso y e victima cu tawata basta spanta. Tremendo trabou di polisnan di Noord cu den corto tempo a logra pone man riba e atracadonan.

  • Wardacosta lo controla botonan riba lama durante Semana

    Wardacosta lo controla botonan riba lama durante Semana

    ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso. 

  • Afpakteam a haci control na aeropuerto priva tambe

    Afpakteam a haci control na aeropuerto priva tambe

    ORANJESTAD - Siman pasa tabatin varios control na aeropuerto priva. E controlnan integral aki tabata den man di Afpakteam, Interpol y UMM (Unit Mensensmokkel en Mensenhandel) y a tuma lugar den cooperacion estrecho cu AAA (Aruba Airport Authority).

  • Warda Costa a intercepa boto cu 9 indocumentado Venezolano yegando Aruba

    Warda Costa a intercepa boto cu 9 indocumentado Venezolano yegando Aruba

    ORANJESTAD - Diabierna anochi, radarnan a detecta movecion di un boto sospechoso  den direccion di Aruba. A pidi e avion DASH di  Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo.  Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca. 

  • Polis a detene persona relaciona pa droga y confisca diferente droga

    Polis a detene persona relaciona pa droga y confisca diferente droga

    ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F.  di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion.  Tambe a haci entrada hudicial na Panamastraat. Eynan Team Narcotica a confisca cocaina y marihuana.  Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.

  • A detene homber cu a manda su cachonan riba varios polis, heridando algun

    A detene homber cu a manda su cachonan riba varios polis, heridando algun

    ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber. 

  • Interpol Aruba: Tin casonan recien di secuestro y extorcion di turistanan Arubiano bishitando Colombia

    Interpol Aruba: Tin casonan recien di secuestro y extorcion di turistanan Arubiano bishitando Colombia

    ORANJESTAD - Recientemente e Oficina Central Nacional di INTERPOL Aruba, a hay su mes  confronta cu casonan alarmante regardando residentenan di Aruba riba vacacion na Colombia. Ta trata di casonan serio di secuestro y extorcion den ciudadnan manera Medellín y Bogotá.

  • Powered by SETAR