- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Paso tuma contra dos caso relaciona cu Marinierskazerne na Aruba
ORANJESTAD/DEN HAAG - Departamento di defensa Hulandes a confirma dos noticia negativo pa NoticiaCla.com cu a sali relaciona cu Marinierskazerne na Aruba den apenas un siman di tempo. E prome ta un caso di fraude cu asunto di real estate, y e otro ta e proceso pa haya 'toelage' automatico y con mariniernan tabata 'burla' di e sistema. Ambos caso a keda raporta pa e corant Hulandes Telegraaf.
CASO DI REAL ESTATE
Vocero di Departamento di defensa Hulanda, Maartje van der Maas a splica NoticiaCla.com cu nan ta na altura di tur dos articulo. Den e prome caso, ta trata di un persona relaciona cu e Kazerne, cu lo tabata presta su mes pa yuda busca residencia pa militarnan Hulandes, y a cambio tabata enrikece su mes cu un porcentahe di e pago di huur mensual. "E persona sergeant-majoor Richard van der H.(37) .en cuestion a keda suspendi y tin un investigacion andando den su practicanan. Den interes di e investigacion, Defensa (Hulandes) no por haci mas declaracion riba e caso.
CASO DI COMPENSACION
Den e di dos caso, ta trata un areglo automatico pa mariniernan haya un compensacion si nan ta comparti un residencia na Aruba, y por a demonstra un contracto di convivencia hunto. E storia tabata cu algun (mirando cu ta practicamente homber so tabata biba eynan) tabata registra como homosexual y asina cualifica pa e 'toelage'. Segun e corant Hulandes, hopi biaha tabata uza un Arubiano pa logra nan meta di e 'relacion'. Ora di bay bek nan pais, nan tabata retira e registracion y bira 'hetero bek'. Den e caso aki Defensa Hulandes a splica NoticiaCla.com cu te cu algun tempo, e proceso di haya compensacion tabata wordo aproba den un proceso centralisa automatico. "Esey a cambia recientememente. Peticion di militarnan pa biba den Caribe Hulandes y bin na remarke di un 'compensacion' mas halto relaciona cu residencia comparti, no ta worto trata automaticamente, pero ta wordo atendi cuidadosamente" e vocero di Defensa Hulandes a sigura NoticiaCla.com. "Si resulta cu no tin caso di un relacion duradero pero esun cu a haci e peticion simplemente kier un aumento di e 'toelage', e peticion ta wordo rechasa", Defensa Hulandes a sigura NoticiaCla.com.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
