• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

‹›

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

E miho experiencia playero na Aruba, Renaissance Island

ORANJESTAD -Renaissance Island, e beach destina primordialmente pa huespednan di Renaissance Resort y Renaissance Suites ta completamente renoba, y cla pa ofrece e bishitante un experiencia cu e por haya solamente riba e isla ey. "Un experiencia diferente" Tineke Lenters , gerente di e isla, ta bisa NoticiaCla.com. Ora cu e isla a pasa den algun momentonan dificil na october 2015 cu e candela cu a destrui e cushina completo y parti di e restaurant, nan no a sinta keto y mesora a tuma accion. Dentro di algun dia a habri e isla bek pa servicio, den diferente forma. Mes momento a mira esaki como un oportunidad pa haci cambio cu tabata necesario pa basta tempo caba. Entre nan, a renoba y expande e facilidad cu a kima. A añadi mas area di recreacion, ofrece mas servicio y asina duna e huesped aun mas motibo pa relaha totalmente den un ambiente completamente diferente. 

E BISHITA

Casi un aña y mei despues di e candela, bishitantenan (turista y localnan) cu no a mira e isla pa hopi tempo despues, lo haya un sorpresa hopi agradabel ora cu nan bolbe. Turistanan cu a bolbe a nota esaki caba y ta masha contento. E huesped cu subi e shuttle boat y bay riba e trip di 9 minuut pa e isla priva, ta disfruta di e momento cu e cuminsa e biahe aki. Avionnan cu ta aterisa cerca di e isla constantemente, ta un atraccion riba su mes pa mira. Unabes cu e huesped subi tera riba e isla, e ta nota e prome cambio caba. Si antes un huesped tabata subi e isla, y mester a explora e isla su mes sin sa precies unda pa bay, awor e ta topa mesora cu un hostes cu ta welcome cada bishitante cu un sonrisa riba su cara. E intencion ta pa e huesped for di prome momento cu nan yega e isla, sa kico tur tin riba e isla, y porta mas importante, sa unda esaki ta situa. "Antes e huespednan tabata perde tempo explorando" Lenters ta bisa."Awor nan tin e hostess cu ta splica tur cos. Y pa esnan cu ta bin frecuente, e t'ey tambe pa contesta cualkier pregunta cu nan por tin". Sigur un cambio positivo y hopi practico. 

CABANA

Mientras cu e cabañanan (area separa pa e huesped) tabat'ey caba, for di december ultimo esaki a conoce ampliacion di tanto e cantidad di cabaña como e servicionan. Entre nan e huesped(nan) tin nan 'butler priva' cu ta atende nan henter dia, kitando tur posibel preocupacion cu e huesped tin. "E ta manera nan cas priva riba e isla, unda cu nan por gosa di un momento priva, tin solo, tin sombra ora mester, y tur otro servicio na nan alcanse". E ta un di e exitonan mas grandi di e isla y mester reserva esaki liher pa motibo di nan popularidad. 

RESTAURANT

E restaurant a keda remodela y a duna e huesped un sentido cu nan por move tur caminda, sin tin cu preocupa cu areanan cu ta e 'back of the house' osea  'pa e trahado'. "Awor e huesped por cana tur caminda. E area ta mas habri awor" Lenters a sigui bisa.  Esnan cu conoce e restaurant, lo nota cambionan placentero, dak mas halto, area mas grandi pa sinta y mucho mas. Loke no a cambia y a keda mes bon, of porta a bira te hasta miho ta e servicio di e personal. E staff tin basta aña trahando eynan, y/of tin un experiencia amplio con pa traha cu turista y sa con pa atende cu e huesped di un manera profesional. No ta inusual pa wak huespednan interacta cu e trahadonan, compartiendo un saludo y te hasta brasa y potret. Den un rato di ora, e personal ta conecta cu e huespednan, y ta pone nan sinti na cas y ta bira 'parti di e famia'. Esnan cu ta bin tur dia, mesora ta sinti nan mes na cas ya cu e staff sa nan necesidad caba, y ta facilita esaki mesora tambe. Y semper cu e pasenshi, sonrisa y trankilidad. Di e bartender, e persona di beachhouse, e persona cu ta percura pa e limpiesa, tur tin nan manera di trata e huesped(nan) cu ta pone cu e ta bira un experiencia diferente. "Uno cu bo no ta haya ningun otro caminda" un huesped tabata comenta recientemente. 

BEACH TENNIS

E espacio di tennis regular no tabata wordo mucho frecuenta antes, pero esey tambe a conoce un cambio positivo y awor a bira e facilidad mas nobo di 'Beach Tennis' riba Aruba. E gerente di e isla ta splica cu a dicidi di adapta e area y modernis'e y actualisa esaki esaki mirando con hendenan na Aruba ta masha den beach tennis. Asina e ta keda popular y esnan cu kier practica esaki, por bin Renaissance Island pa haci tal. E tin dos cancha y ta mustra  profesional cu tur e facilidad cu un cancha di beach tennis mester tin. 

FLAMINGO ISLAND

Un di e motibonan mas popular pa bishita e isla ainda, ta Flamingo island. E parti adulto di e beach, unda cu tin e habitantenan mas popular:  Un total di 6 flamingo completamente domestica, y cu ta e atraccion principal di porta henter e isla. Pa e motibo aki tambe y pa tin trankilidad, a dedica e parti aki solamente pa adulto, pa asina e flamingonan por tin nan trankilidad tambe. Na comienso di e beach di flamingo, tin un 'dispensador di cuminda' unda cu por haya cuminda pa e flamingonan. E flamingonan ta asina domestica cu nan ta laga'bo duna nan cuminda, for di e palma di bo man. De hecho, nan ta spera esey tambe y si bo no duna nan, tin cu ta cana bay. 

BARNAN

E isla tin dos bar/restaurant y loke ta interesante tambe ta cu esnan cu uza e facilidad aki, por gosa tambe di free wifi, un facilidad cu ya no ta un luho mas pero un necesidad pa e huespednan. Saca potret y 'share' esaki cu nan familiarnan den exterior awor no mester warda te ora bo yega den bo camber di hotel of otro area cu tin wifi. Eynan mes, mesora, e potretnan ta wordo 'comparti' cu resto di mundo. 

UN EXPERIENCIA DIFERENTE

Ora cu papia di un 'experiencia diferente', e hotel no ta basila, y ta tuma esaki hopi na serio. "Nos ta ofreciendo e miho experiencia di beach na Aruba!" e gerente general di henter e propiedad di Renaissance Resort, Paul Gielen, a sigura nos. Y e ta algo cu e gerente di e isla tambe ta expresa. "E ta un experiencia di berdad diferente! Algo nunca bisto na Aruba". Y huespednan ta disfruta di trankilidad, un paraiso aleha di e rush cu tin riba otro beachnan popular na Aruba. Manera e gerente a bisa pues "E miho experiencia playero na Aruba!". Mientras cu huespednan di hotel tin acceso automatico riba e isla uzando djies nan yabi di camber, no huespednan tambe por tin acceso, door di cumpra un pass pa dia na e hotel.