- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Croes: Lo investiga contrato cu musiconan den sector di hotel
ORANJESTAD - Lo investiga contratonan cu musiconan den sector di hotel. Asina e minister di labor Paul Croes a informa pa via di un comunicado. "Seguridad laboral, un entrada continuo y un situacion financiero stabil ta meta di e desicion aki. Nos musiconan merece wordo trata cu respet y dignidad pa locual nan ta nifica pa nos pais y nos bishitantenan", Croes a expresa.
Despues di algun combersacion cu musiconan cu ta toca y entretene bishitantenan den sector di Hotel, restaurants y Cafe's (HORECA) Croes a dicidi di lo haci investigacion y analisis riba e contratonan cu musiconan cu ta toca tin. Aparentemente e trato no ta uno husto y pa es motibo lo haci lo posibel pa corigi esaki. "Mi a tuma nota di e situacion cu musiconan ta biba aden y sigur nos lo atende esaki. Ta trata di personanan cu ta contribui na e experiencia di nos bishitantenan nos isla. Ta artistanan cu merece un seguridad laboral y esaki mi a instrui departamento di labor sondea pami", minister Croes a anuncia. Despues di un reunion tambe cu Parlamentario sr. Jeffrey Kelly unda e preocupacion a wordo treci dilanti minister Croes a inform'e cu e investigacion ta wordo ehecuta. Tambe e desicion aki ta a base di un mocion di Parlamento di Aruba riba e seguridad laboral di musiconan den e sector di Hotel, restaurants y Cafe's. Departamento di labor ta encarga cu e investigacion aki y lo presenta resultado di esaki dentro di poco na Minister.
Presentadora di television Hulandes a tende di su Condecoracion Real mientras cu e ta na Aruba
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
Presentacion ‘Bulletproof Sleep’ riba Syndroom di Apneu, na Biblioteca Nacional Aruba
Un total di 18 ciudadano di Aruba ta haya Condecoracion Real
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Follow NoticiaCla
