- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
PDR y Andin Bikker a distancia nan mes di sr. Alonso Tromp
ORANJESTAD - Partido PDR y Andin Bikker a distancia nan mes di sr. Alonso Tromp. Asina e partido a bisa pa medio di un comunicado diadomingo atardi. Segun e comunicado, despues cu Tromp no a haya siguransa di number riba lista di POR e kier a bruha tera
ASERCAMENTO
Desde januari 2016 sr. Alonso Tromp tabata e prome pa haci e acercamento pa sondea un union di forsa entre sr. Otmar Oduber y sr. Andin Bikker. Na november 2016 ela bolbe acerca y a reuni varios biaha cu conseheronan di Otmar Oduber. Varios ruenion a tuma luga na su cas y e texto di e protocol E Forsa Nobo a wordo trata y conclui na su cas den presencia di sr. Otmar Oduber, segun e comunicado.
FALTA DI SIGURANSA PA POSICION
Despues cu e no a haya un siguransa cu e tabata kier riba numerahe riba lista di POR, no obstante cu desde 2013 e no a profila su mes den politica mas, ela rabia y dicidi di uni cu opositornan di PDR pa purba bruha tera cu un wega di statuut. Ela lubida cu statuut ta wordo dirigi dor di principionan di buena fe den cual principionan ta ancra den articulo 17. Ademas statutonan ta algo interno y semper por wordo adapta na situacion nobo, cual lo bay tuma luga tambe si ta necesario. Segun e comunicado, te asina cu por a check Sr. Tromp nunca aplica pa bira miembro di PDR y nunca no paga contribucion tampoco! P'esey pa medio di abogado a manda informa sr. Tromp recordando e pakico a dicidi di bay un cooperacion den e Plataforma Forsa Nobo, di cual e mes tabata un actor principal y cu e no ta miembro di PDR y tampoco cu e no tin ningun tipo di autoridad pa representa PDR. Na mes momento ta ten'e personalmente responsabel tambe.
LAMENTO
Ta di lamenta cu sr. Alonso Tromp visiblemente a cay den wega di opositornan djies paso e no a haya su kier. En todo caso cerca PDR e no tin nada di busca y e no ta keri tampoco y mas bien su presencia tabata wordo tolera desde cu na 2014 ela agredi un candidato den cede di partido y a falta lider respet. NoticiaCla.com a busca contacto cu Tromp, pero ainda no a logra esaki.
Figaroa: Proximo gobierno mester consisti di solamente vakministers
ORANJESTAD – E lider politico hoben di e partido politico Direccion Politiea Leonardo Figaroa , ta pensa cu den e proximo gobierno, e lidernan politico di e partidonan den coalicion no mester bira minister sino bay den Parlamento. Y mester forma e gobierno cu solamente 7 minister y tur mester ta vakminister, esta no politico. Cu esaki, Leonardo ta pensa cu mester ‘kibra tradicion’.
Minister na Merca ta lobby cu banconan pa fia 160 miyon dollar
WASHINGTON – Minister di finanza di Aruba Xiomara Maduro a cuminsa lobby cu varios banco Mericano e siman aki, pa logra haya un fiansa di 160 miyon dollar. E mandatario a confirma cu e ta na Merca pa ‘atende e IMF Spring Meetings na Washington DC’, unda cu e ta ‘probecha pa reuni cu diferente banco pa por haci e preparacionnan necesario pa Aruba por subi mercado internacional pa por cubri e necesidad financiero di Aruba’. Algun di e banconan cu e mandatario a lobby cu ne pa purba haya fianza, ta JP Morgan, Standard Charter, Citi Group y Santander. Durante e lobbymento, e tin cu convence e institutonan financiero di tur loke ta pasa na Aruba y pa prueba cu Aruba tin un ‘stabilidad financiero cu ta brinda e confiansa na inversionista’. Segun e mandatario, e ta un suma cu ta wordo ‘refinancia’ di e debenan internacional existente cu ta madura. ‘ Como ta refinancia, esaki no lo crece e debe di Pais Aruba’, e mandatario a sigura bisando.
Wever: Fin di di dos cuartaal 2024, centro di Oranjestad ta haya mas luz
ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.
Minister Glenbert Croes a sobrevivi un mocion di desconfiansa
ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Partido MAS a entrega mocion di desconfiansa contra minster Glenbert Croes
ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas di 2 mil habitante di Aruba, Corsou y St Maarten por vota den eleccion parlamentario Europeo
DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon.
Follow NoticiaCla
