SETAR partner principal di SMAC y Musica

Posted on 01/11/2017 5:53 pm AST | Updated on 01/11/2017 5:55 pm AST

ORANJESTAD - SETAR recientemente a firma un contract cu tanto e organizacion di SMAC y MUSICA. Manera ta conoci, tur dos organisacion ta hunga un rol importante pa e exito di nos Carnaval 63 y SETAR ta duna na tur 2 un aporte financiero pa logra esaki.   

SETAR su contribucion pa añanan caba ta substancial pa e Carnaval di Aruba y di e aña aki no ta excepcion.  SETAR como un patrosinador principal di Carnaval di Aruba, ya pa hopi tempo caba ta aportando na e fiesta cultural mas grandi di Aruba cu ta ensera organizacion di festivalnan y competencianan den musica di nos carnaval, Eleccion di Reina, Paradanan y otro actividadnan di Carnaval.  

Ademas di esaki SETAR ta otorga regalonan den forma di “gift certificates” na e ganadornan di e diferente festival y eleccionnan. Tambe SETAR ta sponsor MUSICA financieramente pa organisa e Aruba Caiso & Soca Monarch Festival 2017.  

Den Carnaval 63 SETAR pa mantene tradicion di e musica cu a inicia e Carnaval di Aruba ta sponsor diferente steelband y brassband (e.o. New Generation Steelband, North Stars Steel Band, Quality Brassband, Massive Brassband,.  

Riba e potretnan por mira momento cu Sr.Roland Croes, director di SETAR ta firma cu representantenan di tanto SMAC como MUSICA.

  • Rotary Club of Aruba preparacion pa Fiesta Rotaria 2017

    Rotary Club of Aruba preparacion pa Fiesta Rotaria 2017

    ORANJESTAD - Miembronan di Rotary Club of Aruba ta den full preparacion pa e popular Fiesta Rotaria cu lo tuma lugar dia 2 di april. E aña aki tambe Fiesta Rotaria lo tuma lugar na e parking lot di Stadion Guillermo Trinidad. E porta nan lo habri pa 10’or di mainta y manera tur aña ta spera un multitud grandi di trempan caba.

  • Lions Club of Aruba ta sigui cu campaña riba Facebook

    Lions Club of Aruba ta sigui cu campaña riba Facebook

    ORANJESTAD - Aruba Lions Club ta sigui cu su campaña riba Face Book pa luna di maart. Pa luna di aki cual ta e luna cu ta dedica na Aruba su Himno y Bandera, Aruba Lions Club tambe ta celebr’e poniendo un post di collage di diferente lugarnan historico riba su Facebook page. Esaki ta duna publico e oportunidad pa gana 5 ticket di e rifa di cas di Lions cu ta hunga dia 9 di juni 2017.

  • Gobernador di Aruba a bishita Camara di comercio

    Gobernador di Aruba a bishita Camara di comercio

    ORANJESTAD – Riba diamars 14 di maart ultimo Su Excelencia Gobernador di Aruba, sr. J.A. (Alfonso) Boekhoudt a tene un bishita di cortesia na Camara di Comercio y Industria di Aruba (KvK). Su Excelencia a wordo ricibi door di Presidente, sr. Ernst Mohamed, e Directora, sra. Sonja Velthuizen y algun miembro di Directiva. Presidente y Directora a haci un recorido cu Gobernador den e edificio di KvK y a splica en breve kico ta e tareanan di cada departamento di KvK. Despues di e recorido a tene un reunion cu e Directiva den e Auditorium di KvK.

  • Kiwanis Club of Aruba a instala Jo-anne Arends & Krish Mahtani

    Kiwanis Club of Aruba a instala Jo-anne Arends & Krish Mahtani

    ORANJESTAD - Durante e reunion semanal general di Kiwanis Club of Aruba, e presidente, Aurora Dijkhoff, a introduci oficialmente; Jo-Anne Arends y Krish Mahtani como e dos miembronan mas nobo di e club. 

  • NoticiaCla.com awor ta ofrece video tambe

    NoticiaCla.com awor ta ofrece video tambe

    ORANJESTAD - Como un di e 'featuresnan nobo' di NoticiaCla.com, awor tin e capacidad di lansa reportahe di video tambe riba e portal. Keda pendiente pa e prome videoan dentro di poco. Como un prueba, NoticiaCla.com ta lansa e drone video di Calypso di Jair "Buddy" Vesprey. 

  • Propietario di Garage Cordia Hans Schnog a celebra 70 aña di bida

    Propietario di Garage Cordia Hans Schnog a celebra 70 aña di bida

    ORANJESTAD - “Cu tanto atencion mi ta sinti awe manera ta 50 of 45 aña mi tin”. Recientemente propietario di Garage Cordia Aruba, Hans Schnog a haya un sorpresa masha grandi ora cu el a yega trabou. Ela topa cu un ambiente di alegria, como un gesto di aprecio y amistad di henter e staf y personal di Garage Cordia. Schnog ta splica cu e no a spera e sorpresa aki nunca. Ora un hende haci 70 aña e kier pa e dia bay keto, ela expresa, pero ela conclui na momento cu ela topa cu e bunita celebracion “manera cosnan ta bayendo awo ta tremendo”.

  • Powered by SETAR