Interes pa kavel pa carnaval ta grandi atrobe e aña aki

Interes pa kavel pa carnaval ta grandi atrobe e aña aki

Posted on 01/11/2017 11:22 am AST | Updated on 01/12/2017 12:07 am AST

ORANJESTAD - Interes pa kavel pa Carnaval e aña aki a surpasa esun di aña pasa y ta premira cu e ta yegando e nivel di 'antes' atrobe. Miembro di management team di Directie  Infrastructuur en Planning (DIP) Isabel Dammers a confirma cu faltando 2 dia completo pa cera e inscripcion pa kavel, ya a practicamente yega e cantidad total di aña pasa. "Aña pasa nos a bende lootjesnan december y a bende total di 7826 lootjes" Dammers a bisa. E aña aki a habri benta dialuna cu benta di riba 3900 lootjes. Ayera a cera riba un 6700 lootje. "Awe te cu awor nos ta na 7400  lootjes and counting. Nos ta verwacht cu pa diabierna nos ta surpasa by far, e benta di aña pasa y e lo yega riba nivel 'normal' atrobe" Dammers a sigui bisa. Ora papia di normal, ta varia entre 12 pa 14.000 lootjes. Mientrastanto por a tuma nota cu e kavelnan ta 'marca' caba riba caminda. 

KICO TA E DIFERENCIA E AÑA AKI

Segun Dammers, e temporada di aña ta hunga un rol hopi. Aña pasa mirando cu carnaval a cuminsa echt hopi tempran, mester a haci e proceso di lootjes pa kavel for di december, segun ley ta prescribi. "Den december nos cultura di Aruba, tur hende nan cabes ta den Pasco y Aña nobo. Y ora cu aña bolter e ora ey e enfoke ta bin riba carnaval. Nos ta kere esey a causa cu aña pasa e benta di lootjes a cay" Dammers a sigui bisa. 

PROCESO CU TA SIGUI

Ainda tin tempo pa hende aplica pa e kavel y por haci esaki te cu diabierna proximo. Unabes cu diabierna yega y cera e buzon, esaki ta wordo seya. "Nos a haci'e un siman largo pues tur hende tin amplio tempo durante ora di oficina pa cumpra na lootjes. No ta druk. No tin rij. Probecha" Dammers a sigui bisa. Otro siman diamars caba notario ta saca e lootjes, dia 17 di januari. Esey ta nifica cu pa diaranson of diahuebs, ta haci e publicacion den medionan di comunicacion. 

CANTIDAD DI KAVEL 

E aña aki tin atrobe 250 kavel, di cual 180 ta destina pa e loting pa wak carnaval. Tin 71 kavel cu ta wordo uza pa benta di cuminda y bebida (vent) y tambe pa fundacionan y otro instancia cu ta bin na remarke tur aña pa esaki. 

 

 

 

  • Habitantenan cu caso contra doño dump ilegal na Tamarijn/Seroe Lopes

    Habitantenan cu caso contra doño dump ilegal na Tamarijn/Seroe Lopes

    TAMARIJN - E situacion di dump ilegal na Tamarijn ta sigui un problema. Como tal habitantenan di Seroe Lopes a dicidi pa no warda mas y aserca Ministerio Publico cu un peticion pa persigui e doño di tereno. Tambe a ta pidi minister y Cuerpo Policial Aruba pa continua nan esfuersonan pa yega na un solucion duradero pa e bario y futuro sano pa e famianan. Durante un conferencia di prensa diamars, a elabora riba e problematica di e bario. 

  • Lo entrega listanan politico na edificio di Censo e aña aki

    Lo  entrega listanan politico na edificio di Censo e aña aki

    ORANJESTAD - E aña aki edificio di Censo ta bira e lugar central unda Conseho Supremo Electoral lo ricibi partidonan politico pa entrega nan respectivo lista di candidato dia 4 di augustus proximo. Asina presidente di Conseho Supremo Electoral Hubert Maduro a confirma pa NoticiaCla. E evento lo cuminsa for di 8'or di mainta te dia 4'or di atardi. Segun Maduro, e lugar cu a tene pa e ultimo eleccion (ex Havana) tabata grandi, bon situa, pero masha caro tambe. "E aña aki nos ta bay den un style mas chikito. Ta bay entreg'e na Censo. Tin lugar, e sala cu ta wordo uza pa casamento, cu su bordes, ta grandi" Maduro a confirma pa e portal aki. "A menos cu bin un budget mucho mas grandi". Pa september e plaza entre Censo y Bestuurskantoor mester ta cla y e ora por uza tur esaki tambe. Despues ta sigui un proceso di firmamento pa partidonan cu no tin asiento den parlamento awor. Ta sigui un proceso di control, cu por dura te fin di luna di augustus, prome cu e listanan ta completamente corecto. Scucha e entrevista AKI

  • Maduro: Uzo di rijbewijs como identificacion pa votamento ta na peliger

    Maduro: Uzo di rijbewijs como identificacion pa votamento ta na peliger

    ORANJESTAD - "E uzo di rijbewijs como identificacion pa votamento ta na peliger". Asina presidente di Conseho Supremo Electoral Hubert Maduro a bisa NoticiaCla dialuna. Como tal, tin posibilidad cu no por bay uza rijbewijs como identificacion valido pa e proximo eleccion. Presidente di Conseho Supremo Electoral Hubert Maduro a splica NoticiaCla cu tin un problema riba e caso. "Nos tin masha aña cu problema cu e rijbewijs" Maduro a bisa. "Tin duda riba e procedura cu cual e ta wordo fabrica" Maduro a bisa. "Duda cu nos no tin cu e paspoort y cu e cedula, pasobra eseynan ta sali digitalmente for di e database di Censo. "Ningun hende no ta print y ta bay copi'e despues". Compara cu Censo, den caso di rijbewijs esaki ta wordo haci manual, cu no ta corecto."

  • Vaders: Dificil prepara caso si OM no duna informacion

    Vaders: Dificil prepara caso si OM no duna informacion

    ORANJESTAD - Manera informa diasabra mainta den conferencia di prensa, minister Paul Croes y su abogado Marije Vaders ta lamenta cu no por a haya e informacion necesario ainda di ministerio publico (OM) pa por prepara nan defensa bon contra e cargonan cu tin contra Croes. Apenas 15 pagina di informacion no relevante ta loke nan tin. "Nos no a yega leu, nos ta na mes caminda. Nos no por prepara nos defensa" Vaders a bisa. P'esey e ta argumenta cu bida tin cu sigui y cu Croes mester continua cu su parti politico. Claro cu e no ta bay stroba e investigacion y haci cosnan cu por stroba e investigacion. Loke e abogado ta cuestiona ta si su cliente por haya un proceso husto. 

  • Aunke sospechoso, Paul Croes ta inicia campaña awe na Noord

    Aunke sospechoso, Paul Croes ta inicia campaña awe na Noord

    ORANJESTAD - E hecho cu minister Paul Croes a opta pa bin afo dialuna ultimo na su campañadornan ta un señal pa ministerio publico (OM) cu e ta sigui cu su bida, y por ta asina OM bin dilanti cu mas informacion pa Croes por por lo menos defende su caso miho. E abogado di Croes, Marije Vaders ta considera e desicion di Croes pa continua cu campaña como uno bon idea. Asina ela bisa durante e conferencia di prensa diasabra mainta. Ademas, Croes ta sigura cu core campaña e ta haci'e como candidato y ciudadano politico, pero no como minister. Pues mester separa e dos cosnan aki for di otro.  

  • Yuwana a causa interupcion di coriente

    Yuwana a causa interupcion di coriente

    ORANJESTAD - Diahuebs pa mas o menos 5:15 pm a cuminsa drenta yamada na Storingsdienst di N.V. Elmar cu algun bario den Oranjestad a perde suministro di coriente. Tecniconan a activa mesora y a topa cu un fayo na nan Trafohuis situa den Huygenstraat, cerca di Colegio Arubano. 

  • Powered by SETAR