Den Burger King trahado ta hinca colega cu cuchiu

Den Burger King trahado ta hinca colega cu cuchiu

Posted on 01/11/2017 11:20 am AST | Updated on 01/11/2017 6:36 pm AST

ORANJESTAD - Un trahado di e establecimento fast food Burger King den Caya Grandi a hinca un colega trahado diamars anochi. Vocero suplente di polis Liliana Rasmijn a confirma e informacion. Tabata den careda di 9'or (9:04pm) cu Centra di polis a manda un patruya cu urgencia pa e sitio. A raporta cu un colega masculino a hinca otro colega femenino cu cuchiu y cu 'lo tin hopi gritamento'. Ora cu polis a yega, polis a tuma nota di e personanan en cuestion, cu ainda tabata den e sitio.  Un cliente a mustra polis den direccion di un homber tras di e counter, cu lo ta e sospechoso. Mes momento a mustra nan riba e cuchiu cu a wordo uza den e caso aki. E cuchiu tabata riba e mesa unda cu tin refresco. A base di e informacion ricibi, polis a pasa pa detene e trahado sospecha di a hinca su colega. Su colega mientrastanto a keda transporta cu urgencia pa hospital cu algun hinca. E caso ta bou di investigacion pero no ta conoci kico e motibo di hincamento tabata. Foto cortesia Nelson "Speed" Andrade. 

  • Diferente turista victima di atraco riba mesun anochi!

    Diferente turista victima di atraco riba mesun anochi!

    ORANJESTAD - Pa mas o menos 11or Central di Polis ta haya un yamada bisando cu dos turista riba e hanchi meymey di Rio y Hyatt a cab’i wordo atraca. Na yegada di patruya, e pareha turista Hulandes, ta conta cu canando un homber ta sali riba nan cu un arma di candela y no a papia, pero tabata mustra riba nan y fula nan saconan y nan a spanta y dun'e placa, mas o menos $130,--, paki cigaria y e renchi zilver di e señora turista. E sospechoso ta tin bisti flanel blanco, carson preto y jacket preto bisti. Color di cuero bruin y no ta tin cara tapa. A hiba e turistanan na oficina di strandpolitie y eynan Atraco Team ta warda nan y tuma e caso over. Slachtofferhulp tambe a presenta pa asina asisti e turistanan.

  • Atraco arma riba dos turista banda di Superfood!

    Atraco arma riba dos turista banda di Superfood!

    ORANJESTAD - Pa mas o menos 5:or pasa dos turista di Argentina a ser atraca den e mondi tegenover di Superfood . Na yegada di patrulla ta topa cu e turistanan y nan ta conta cu 30 minuut prome nan ta canando den e mondi tegenover di Superfood na unda un hende homber bisti na t-shirt shinishi y short y color di cuero bruin habla spaño lo a saca un arma di candela y a bay cu nan pertenencianan. Ta trata di dos rugtas y den dje ta tin nan pertenencia entre otro iPhone iBook etc plus $ 200,-. Polis a hiba nan na oficina di Atraco Team y na unda tambe slachtofferhulp a presenta pa asina guia nan den e trauma cu nan a pasa a den. Ken cu por a wak algo jama tiplijn di polis 11141

  • Dos homber arma a tira atraco riba oficina di number

    Dos homber arma a tira atraco riba oficina di number

    ORANJESTAD – Dos homber arma a tira un atraco riba un oficina di number na Playa diabierna anochi. Pa mas o menos 8:05 di awe diabierna nochi central di polis a haya un yamada cu un rato pasa un atraco lo mester a tuma luga riba un lugar di number na Driemasterstraat. Na yegada di patruya, e señora bendedo di number ta conta cu un rato prome dos hende homber color licht bruin a drenta e lugar cu un arma di candela y a bay cu mas o menos 2000,- y algun pertenencia di e señora. Un di e sospechoso ta tin sweater preto y carson largo mas un pechi bisti y un zonnebril . E otro ta tin un sweater preto y un bermuda. Nan a papia spaño y no ta tin cara tapa. Nan a bay fo'i di e luga na pia. Atraco team a presenta y a cuminsa cu e investigacion di biaha. Slachtoffer hulp tambe a presenta y tambe a opta pa yama ambulance mirando cu e señora no tabata sinti su mes bon. Ambulance a presenta y a hiba e señora hospital. Nos di Cuerpo Policial ta pidi ken cu por a wak algo yama tiplijn di polis 11141.

  • Hombernan arma a tira atraco riba Gitano Lottery

    Hombernan arma a tira atraco riba Gitano Lottery

    ORANJESTAD – Dos homber papiando spaño y arma, a tira un atraco riba Gitano Lottery y bay cu e placa di dia y 2 telefon celular. Tur esaki a keda confirma pa vocero di polis, Lito Lacle, pa noticiacla.com. Keda pendiente pa mas informacion.

  • Polis a detene fugitivo Alexis Belbodeas na Pos Chiquito

    Polis a detene fugitivo Alexis Belbodeas na Pos Chiquito

    POS CHIQUITO- E sospechoso Alexis Martina del Belbodeas cu a huy un dia prome, a caba di wordo deteni na Pos Chiquito door di patruya di San Nicolas! Asina vocero di polis, Lito Lacle, a confirma pa NoticiaCla.com.

  • Detenido a caba huy di warda di polis di San Nicolas

    Detenido a caba huy di warda di polis di San Nicolas

    SAN NICOLAS – For di Warda di Polis San Nicolas a caba di huy e sospechoso Alexis Martina del Belbodeas naci Aruba 18 di februari 1997 y biba na Sabana Basora Noord 89. E tin color scur, ta midi 1.80, y su man drechi ta den gips cora. Ela wordo deteni awe mainta na altura di Brazil y e tabatin un arma di candela den su poder. Den termino di polis, e ta ‘vuurwapen gevaarlijk!’ esta cu e ta un persona peligroso y bon arma.

  • Powered by SETAR