Prijs di gasolin ta subi na Aruba diaranson

Prijs di gasolin ta subi na Aruba diaranson

Posted on 01/10/2017 2:07 pm AST | Updated on 01/10/2017 8:27 pm AST

ORANJESTAD - Departamento Economico a manda un coreccion riba e tarifa di calculacion manda anteriormente. Basa riba e “posting” promedio di “US Gulf Coast” durante periodo di 1 di december te cu 31 di december 2016, Minister di Asuntonan Economico y Comunicacion ta anuncia cu entrante 11 januari 2017, e prijsnan di venta di combustibel ta bira como lo siguiente: Gasolin unleaded-premium 179,4 cent p/ltr. (+13,6 cent)Diesel ULS 148,4 cent p/ltr. (+ 9,9 cent)Kerosine 133,1 cent p/ltr. (+ 8,5 cent) E prijsnan ariba menciona, ta inclui BBO/BAZV.

  • IMF cu evaluacion preliminario di Aruba e siman aki

    IMF cu evaluacion preliminario di Aruba e siman aki

    ORANJESTAD - E siman aki IMF (Fondo Monetario Internacional) ta concluyendo un bishita di dos siman na Aruba. A base di articulo 4 di e statutonan di IMF, di cual Reino Hulandes ta parti di dje, cada dos aña nan ta bin haci un evaluacion na Aruba riba tereno socio economico, fiscal y financiero. E ultimo evaluacion tabata na 2015 y awor IMF ta un bes mas aki na Aruba. Nan a papia cu Minister Arends, kende a splica cu un bes mas IMF tabatin un agenda basta druk, bishitando diferente instancia gubernamental, semi-gubernamental y tambe institutonan manera Banco Central, Raad van Advies y partidonan politico cu ta representa den Parlamento di Aruba y miembronan independiente. "Asina nan ta haya un bista kico ta tumando luga na Aruba y con e sociedad ta hinca den otro. Nan a bishita diferente proyecto mescos tambe e refineria". Arends a enfatisa cu importante ta cu IMF a mira tambe e fruto di inversionnan cu a inicia na 2010.

  • Lotto di Dia “loco” a paga premio di 55 mil florin

    Lotto di Dia “loco” a paga premio di 55 mil florin

    ORANJESTAD - Riba diasabra 4 di maart tabatin sorteo di Lotto di Dia unda e numbernan ganado a resulta  05-06-09-11-14. E feliz ganado a cumpra un ticket loco na Lucky Mac. E no tabata sa cu ela gana e tremendo suma te ora cu el a bay scan su ticket y e mashin a zona indicando cu e tabatin un premio pendiente pa cobra. E ora e rebendedo a splic'e cu ela gana Lotto di Dia cu e bunita suma di 55 mil florin.  Asina ey, ela sali pafo di contento ta grita pasobra ela gana e jackpot aki.  Di parti di Lotto, E Loteria di Aruba, hopi pabien!

  • IATA a stop agencianan di biahe na Aruba bende pasashi InselAir

    IATA a stop agencianan di biahe na Aruba bende pasashi InselAir

    ORANJESTAD – E aerolinea InselAir a haya un setback mas dialuna ora cu agencianan di biahe na Aruba a haya notificacion di IATA, cu nan no ta autorisa pa bende pasashi mas di InselAir Aruba y tampoco InselAir International/Curacao. “Benta di pasashi di InselAir ta riba propio riesgo”, e asociacion internacional a bisa. Mester compronde cu cada benta ta wordo paga despues pa IATA, pero awor no por garantisa e pago y como tal a opta pa para esaki. Pues cada benta di ticket via un agencia di biahe, ta riba riesgo di e agencia di biahe. E aerolinea na Aruba ta practicamente paralisa, no tin buelo y e trahadornan ainda no a wordo paga nan salario di februari. E compania ta bou di proteccion di bancarota te dia 7 di juni proximo.

  • Lotto su wega Zodiac ta cambia bida di otro hungado

    Lotto su wega Zodiac ta cambia bida di otro hungado

    ORANJESTAD - Cu e combinacion 0313 y signo Capricornio Sra. Ibet a gana un bunita suma cu Zodiac Merdia. E la cumpra e ticket ganado na Bon Suerte Lottery dia 23 di februari y a gana un check fabuloso di 12.500 florin! Sorteo di Zodiac Merdia ta tuma luga pa 2:30PM di dialuna pa diasabra, y riba diadomingo pa 2:00PM. Di dialuna pa diasabra tin sorteo anochi tambe, pa 9:00PM.

  • Benson: E-Commerce ta preparabo pa futuro cybernetico comercial

    Benson: E-Commerce ta preparabo pa futuro cybernetico comercial

    ORANJESTAD - E intencion di e E commerce event e siman aki, ta pa actualisa e comerciante di e tecnologia cibernetico y con pa aplica esaki den nan operacion comercial diario. Mark Benson Denz, cu ta organisa e evento ta splica mas den e video interview. 

  • Kelly: Aruba no kier avion bieu mas

    Kelly: Aruba no kier avion bieu mas

    ORANJESTAD – Directiva di Aviacion Aruba ta bisa cu ora di duna licencia di bula na compania di aviacion nobo nan lo bay tene mas cuenta tambe cu e edad di e flota. “Avion bieu no ta insigur mesora. Pero ta un tendencia pa cumpra avion bieu barata pa bay bula cu nan, cu tur reto di esaki”, director di Aviacion Aruba Edwin Kelly ta bisa.

  • Powered by SETAR