Prome minister di Aruba y Corsou ta topa otro mayan na Corsou

Prome minister di Aruba y Corsou ta topa otro mayan na Corsou

Posted on 01/10/2017 10:55 am AST | Updated on 01/10/2017 8:23 pm AST

WILLEMSTAD - E intencion ta pa diaranson awor prome minister di Aruba Mike Eman y su colega di Corsou Hensley Koeiman topa otro. No ta conoci si esaki lo bira un encuentro formal of djies toca tema di un forma mas informal. Koeiman a confirma esaki na NoticiaCla.com dialuna ultimo. Ela splica cu dialuna ela papia cu Eman durante su bishita cortico na Corsou relaciona cu entiero di bankero Lio Capriles. Eman a yam'e na e ocasion aki, y a bisa cu e ta bolbe diaranson pa bolbe otro entiero, y e ora nan lo topa otro pa toca temanan comun. "Nos ta paisnan cu ta hopi cerca otro, antes den Antias, y nos mester mantene un bon relacion y nos mester soru pa hunto nos haci cos cu ta cumbini tanto Aruba, Bonaire y resto di ABC eilanden pa hunto nos progresa" Koeiman a sigui bisa. 

SITUACION CORSOU

Pa loke ta e situacion politico na Corsou, Koeiman a sigura cu awor tin un tiki trankilidad y stabilidad. "Nos ta spera cu nos por sigui bay dilanti awor cu e otro parlamentarionan tambe a huramenta. Pues e team ta completo". E prome mandatario di Corsou a mustra cu despues di un periodo di eleccion cu a yega cu tin un gobierno, tin cu bay cumpli. "Nos tin cu bay ehecuta loke cu nos a priminti e pueblo. Ta masha masha importante pa dje forma ey bo restablece confiansa bek, pasobra pueblo mester confiansa den politiconan".  Koeiman a bisa e portal aki cu nan kier ta e diferencia, y demonstra realmente cu loke cu nan a palabra, nan ta bay pa nan haci. 

 

 

 

 

  • UPDATE: Bista di cantidad grandi di arma confisca na Corsou

    UPDATE: Bista di cantidad grandi di arma confisca na Corsou

    WILLEMSTAD – Manera cu NoticiaCla a raporta anteriormente caba, ayera na Corsou durante entradanan hudicial, a bin haña 6 arma di candela ilegal y municion. Ta trata di arma di candela, cashi pa warda bala (patroonhouders), 1 handgranaat, 2 uniform di polis, 1 uniform di militar y a confisca articulonan di importancia. Aki por haya un bista di e cantidad grandi di arma cu a wordo haya. 

  • Entrada hudicial na Corsou a produci hopi arma ilegal

    Entrada hudicial na Corsou a produci hopi arma ilegal

    WILLEMSTAD – Ayera na Corsou durante entradanan hudicial, a bin haña 6 arma di candela ilegal y municion. Ta trata di arma di candela, cashi pa warda bala (patroonhouders), 1 handgranaat, 2 uniform di polis, 1 uniform di militar y a confisca articulonan di importancia.

  • Persecucion den auto na Corsou ta laga 2 Venezolano ilegal morto

    Persecucion den auto na Corsou ta laga 2 Venezolano ilegal morto

    WILLEMSTAD - Awe marduga, un accidente serio a tuma luga den area di St.Joris despues cu un patruya a tuma nota di 8 hende den un SUV. Nan a actua di forma sospechoso cual a pone cu polisnan a bay pa pidi e SUV pa para. Pero den e area di St. Joris e SUV aki a dal den un cura di misa cual a pone cu 2 persona Latino, probablemente Venezolano a muri mesora y alrededor di 6 otro Latino a keda transporta pa policlinica pa tratamento medico. Uno di nan su situacion tambe ta grave.

  • Durante entradanan hudicial caso ‘Avior’ a confisca 1 miyon florin cash

    Durante entradanan hudicial caso ‘Avior’ a confisca 1 miyon florin cash

    WILLEMSTAD - Diamars mainta a tene 6 entrada hudicial na Corsou ehecuta pa Recherche Samenwerkings Team (RST)y den cooperacion cu unidad di Defensa, polis di Corsou (KPC), Afpakteam, Koninklijke Marechaussee y polis di Aruba (KPA) cu a bay cu nan cachonan cu ta detecta placa. Esaki den cuadro di investigacion “Avior”. E entradanan hudicial ta den diferente cas, minimarket y empresa.

  • Entrada hudicial den caso Avior na Corsou y Hulanda

    Entrada hudicial den caso Avior na Corsou y Hulanda

    WILLEMSTAD - For di awe mainta trempan a tene 6 entrada hudicial na Corsou ehecuta pa Recherche Samenwerkings Team (RST) y den cooperacion cu unidad di Defensa, polis di Corsou (KPC), Afpakteam, Koninklijke Marechaussee y polis di Aruba (KPA). Esaki den cuadro di investigacion “Avior”. E entradanan hudicial ta den diferente cas, minimarket y empresa. Segun vocero di OM, Norman Serphos, por duna mas informacion kico e caso aki ta encera, pero ta papia entre otro di labamento di placa na gran escala.

  • Docentenan miembro di SITEK a cuminsa siman den accion na Corsou

    Docentenan miembro di SITEK a cuminsa siman den accion na Corsou

    WILLEMSTAD – Sindicato di maestro na Corsou SITEK a canta accion for di diadomingo pa maestronan cu ta miembro, pa motibo cu no tin nada concreto cu gobierno. Varios palabracion cu no ta wordo respeta etc. A dicidi cu e siman cu scol ta cuminsa, ta pone enseñansa plat. Presidente di e sindicato Darius (Lio) Plantijn a indica cu ta reuniendo aworaki riba por lo menos 7 punto cu nan kier atendi cu gobierno. 

  • NoticiaCla Ad
  • Powered by SETAR