Prome minister di Aruba y Corsou ta topa otro mayan na Corsou

Prome minister di Aruba y Corsou ta topa otro mayan na Corsou

Posted on 01/10/2017 10:55 am AST | Updated on 01/10/2017 8:23 pm AST

WILLEMSTAD - E intencion ta pa diaranson awor prome minister di Aruba Mike Eman y su colega di Corsou Hensley Koeiman topa otro. No ta conoci si esaki lo bira un encuentro formal of djies toca tema di un forma mas informal. Koeiman a confirma esaki na NoticiaCla.com dialuna ultimo. Ela splica cu dialuna ela papia cu Eman durante su bishita cortico na Corsou relaciona cu entiero di bankero Lio Capriles. Eman a yam'e na e ocasion aki, y a bisa cu e ta bolbe diaranson pa bolbe otro entiero, y e ora nan lo topa otro pa toca temanan comun. "Nos ta paisnan cu ta hopi cerca otro, antes den Antias, y nos mester mantene un bon relacion y nos mester soru pa hunto nos haci cos cu ta cumbini tanto Aruba, Bonaire y resto di ABC eilanden pa hunto nos progresa" Koeiman a sigui bisa. 

SITUACION CORSOU

Pa loke ta e situacion politico na Corsou, Koeiman a sigura cu awor tin un tiki trankilidad y stabilidad. "Nos ta spera cu nos por sigui bay dilanti awor cu e otro parlamentarionan tambe a huramenta. Pues e team ta completo". E prome mandatario di Corsou a mustra cu despues di un periodo di eleccion cu a yega cu tin un gobierno, tin cu bay cumpli. "Nos tin cu bay ehecuta loke cu nos a priminti e pueblo. Ta masha masha importante pa dje forma ey bo restablece confiansa bek, pasobra pueblo mester confiansa den politiconan".  Koeiman a bisa e portal aki cu nan kier ta e diferencia, y demonstra realmente cu loke cu nan a palabra, nan ta bay pa nan haci. 

 

 

 

 

  • Dos detencion na Corsou relaciona cu corupcion administrativo

    Dos detencion na Corsou relaciona cu corupcion administrativo

    WILLEMSTAD - Awe mainta funcionarionan di Landsrecherche (LR) Corsou den cooperacion cu cuerpo di polis di Corsou (KPC) y Team Bestrijding Ondermijning (TBO) a ehecuta dos detencion den un investigacion relaciona cu corupcion administrativo (ambtelijke corruptie) den cuadro di permit di estadia denter di e organisacion Toelatingsorganisatie (TO). Den cuadro di esaki a detene e hefe di TO, como tambe su colaborado riba sospechoso ambos di corupcion administrativo, falsificacion di documento y maluzo di funcion. Esnan detene ta E.R.C. (51) y L.L.M.L. (47).

  • Homber kier a agredi Obispo Secco den misa na Corsou

    Homber kier a agredi Obispo Secco den misa na Corsou

    WILLEMSTAD - Polisnan mester a bay rapido un rato pasa na Misa di Wishi despues cu homber a subi na altar Y kier a agredi Obispo Secco. Di acuerdo cu e homber, Obispo lo ta duna algun persona pakete si, mientras cu otronan no. Y esaki a pone cu e homber aki tabata furioso y  kier a agredi Obispo. Varios persona a tene e homber y sake pafo, mientras autoridadnan a yega y atende cu ne pafo. Fuente y foto cortesia NOTICIA ING. 

  • Castigo di trabou pidi pa parlamentario Jacintha Constancia

    Castigo di trabou pidi pa parlamentario Jacintha Constancia

    WILLEMSTAD - Awe merdia 21 di juni 2017 Fiscal di Ministerio Publico (OM) Corsou a haci un demanda den Corte di 200 ora di castigo di trabou di cual 60 ora condicional, 2 aña proeftijd y 2 aña "ontzetting uit ambt" condicional.

  • Cicely vd Dijs: Mi no a haci nada malo, mi consenshi ta limpi

     Cicely vd Dijs: Mi no a haci nada malo, mi consenshi ta limpi

    WILLEMSTAD - "Mi no a haci nada malo, mi consenshi ta limpi y mi ta drumi bon anochi". Palabra di Cicely vd Dijs, partner di ex prome minister di Corsou Gerrit Schotte den un entrevista exclusivo pa NoticiaCla. Siman pasa a trata e caso di apelacion (Babel) pa wak si por absolve nan dos di e loke nan ta wordo sospecha di dje, entre nan fraude, falsificacion di documento y labamento di placa.  Vd Dijs ta hopi satisfecho cu e trabou cu e abogadonan a haci den e caso di apelacion Babel recientemente. "Nos a onderbouw tur loke nan (OM) a trece dilanti, cu ta 5 rapport di experto. Entre nan e forensico independiente. A indica unda cu tur cen a bay y cu esaki ta implica cu no tabatin 'labamento di placa'. "Den e sentido ey nos ta hopi contento. Mes momento e ta lamenta desicion di huesnan pa no scucha un testigo fiscal italiano (Pelicano)" vd Dijs a bisa.

  • Corte di apelacion a aproba extradicion Fransesco Corallo pa Italia

    Corte di apelacion a aproba extradicion Fransesco Corallo pa Italia

    PHILLIPSBURG - Corte di apelacion a aproba e extradicion di Fransesco Corallo (1960) pa Italia. Manera ta conoci Italia a pidi su extradicion a base di cargonan di Corucion y labamento di placa entre otro, segun vocero Norman Serphos a confirma pa NoticiaCla. E sentencia a keda presenta via Teleconference na Corsou. Awor ta keda pa gobernador firma e extradicion pa e por tuma lugar. E peticion di extradicion a drenta dia 12 di januari 2017. Foto cortesia http://www.lasicilia.it

  • A pidi 18 aña di prizon pa supuesto apostel Balentina

    A pidi 18 aña di prizon pa supuesto apostel Balentina

    WILLEMSTAD – Ministerio Publico exigi 18 aña prizon contra e supuesto apostel Orlando Baletina. Fuera di esey a pidi pa e no por practica e funcion di pastor durante 20 aña. E ta wordo culpa di bus sexualmente di un menor di edad entre 2003 y 2016 n Corsou y Hulanda. Hues ta dicta sentencia di 5 di juli proximo. Fuente Paradise FM.

  • Powered by SETAR