Polis cu menos detencion den Fakkel compara cu aña pasa

Posted on 01/8/2017 4:25 pm AST | Updated on 01/8/2017 6:18 pm AST

ORANJESTAD - Cu solamente 8 detencion prome, durante y despues di parada di fakkel, Cuerpo Policial ta considera e prome evento di carnaval 2017 como un exito. A pone mas o menos 120 Polis riba pia pa por sigura orden publico, no solamente entre e participantenan, pero tambe pa e publico banda di caminda. E parada a sali pa 8:15 pm y e ultimo grupo, e "Last Lap Band" a yega final pa 1:30 am. E velocidad cu cual a maneha e "Fakkeloptocht" ta aceptabel y participantenan a gosa masha.

MENOS DETENCION

Aña pasa Polis a detene 15 sospechoso, pues e cantidad di 8 detencion di e aña aki ta mustra un adelanto positivo. Mester cu e 8 detencionnan a produci un suma di Afl. 1675,= na multa. Causa di e detencionnan ta varia entre posecion di arma, buracheria publico, bringamento, posecion di droga y maltrato simpel.

SOSPECHOSO CU ARMA

Lamentablemente cu den e detencionnan, Polisnan riba bicicleta a topa cu un sospechoso conoci, e homber di fam K, cu tabatin un arma den su poder. Ora a listr'e a nota cu no tabata un arma di candela, sino un arma estilo "airsoft" pero esaki ta un modifica. Pakico bay cu un arma asina carnaval, no ta conoci.

LISTRAMENTO PREVENTIVO

Manera ta conoci, hunto cu Ministerio Publico, e maneho di Cuerpo Policial durante e temporada aki di carnaval ta basa riba un ordo general di listramento preventivo y ora di detencion ta aplica e maneho di "Lik op stuk", of conoci popularmente como "Faya bo haya", den cual mester paga un multa "cash" pa por sali di prizon mesora.

MANEHO A FUNCIONA

Ta obvio aki cu e maneho preventivo di Cuerpo Policial Aruba a duna su frutonan durante e parada di flambeu aki. E hecho cu a avisa di antemano di e medidanan di siguridad cu ta aplica y e consecuencianan pa tur esunnan cu no cumpli, probablemente tabatin un efecto positivo riba esfuersonan di prevencion. Y sin duda e cantidad di Polisnan riba pia a percura pa malhechornan pensa nan mes dos bes prome cu haci cualkier maldad. Tabatin 65 Polis uniforma riba pia, hunto cu ekiponan specialisa manera Mobiele Eenheid, K9, Rapid Response Team, Polisnan Maritimo, Polisnan riba Bicicleta, Polisnan riba Motorcycle, recherchenan, cu ta surpasa un cantidad di 120 defensornan di ley. NOTA. Drone fotos di Noticiacla.com di e detencionnan y listracion di polis durante parada di fakkel diasabra anochi.

 

  • Autoridad a confisca curpa di e baby di e crèche na Catiri

    Autoridad a confisca curpa di e baby di e crèche na Catiri

    ORANJESTAD – Ministerio publico a confisca e curpa di e baby J.K. naci apenas dos luna pasa 21 december 2017, despues cu docter A. Oudschoorn a constata e morto pa 3’or y mei dialuna atardi. Mas prome NoticiaCla a raporta cu polis a haya e melding di e caso lamentable na un cas na Catiri. E momento ey e melding inicial pa 2:15pm tabata caba cu tin un baby lo no ta duna señal di bida na e crèche na Catiri. A transporta e baby pa hospital urgente pero na final toch e baby a bin fayece. Motibo di e morto no ta conoci, y investigacion tin cu determina e causa di e morto aki. NoticiaCla ta manda palabra di pesame na famianan di e criatura aki.

  • Polis investigando caso di baby cu a bira malo na crèche na Catiri

    Polis investigando caso di baby cu a bira malo na crèche na Catiri

    CATIRI – Polis ta investigando un caso di un melding di un baby cu a bira hopi malo y cu inicialmente a kere cu el a fayece. Vocero suplente di polis Liliana Rasmijn a confirma cu polis a haya melding pa 2:15 pm di un caso di baby cu no ta duna señal di bida na un crèche na Catiri 12-H. Mesora polisnan a acudi y a pidi asistencia di ambulance cu a transporta e criatura mesora pa hospital. "E baby su situacion ta critico" Rasmijn a declara pa prensa un rato pasa. E señora di edad cu ta wak pa e baby (e tin un crèche pa hopi aña), a bira malo y mester a haya asistencia medico tambe. Segun Rasmijn, no ta conoci kico exactamente por a pasa, pero tabatin presencia di hopi autoridad pa cuminsa cu nan investigacion pa resolve e caso aki. Mientrastanto ta sperando un update di e situacion di e baby cu ta na hospital.

  • Turista di bapor crusero ta collapse y fayece riba beach na Arashi

    Turista di bapor crusero ta collapse y fayece riba beach na Arashi

    ARASHI – Un turista di bapor crucero awe mainta a cay den otro y fayece riba beach na Arashi. Tabata awe mainta pa 10:57 cu Central di Polis a haya un yamada cu un turista mester a bira malo banda di lama na Arashi. Patruya y ambulance a yega na sitio di e sucedido mesora y a cuminsa haci nan trabou. Segun cu por a compronde di vocero suplente di polis Liliana Rasmijn, cu e sra turista tabata canando bandi beach y diripiente e la zak den otro. Personanan cu a wak esaki a yama central di polis y a cuminsa na purba reanima e señora. Ambulance a yega na e sitio y a sigui pa mas o menos 40 minuut mas segun nan procedura pero no por a hasi nada mas pa e señora turista. Por a compronde cu ta trata di un turista di un barco crusero. Pa 12:05 dr Texeir ta constata morto di e señora S.H. naci 03-01-76 na Alemania. Slachtofferhulp a presenta y asina asisti e señora su pareha pa cu e tramitenan. Nos di Cuerpo Policial ta manda palabra di condolencia na e famia di e fayecido.

  • Explosion den cushina di Caribbean Buffet

    Explosion den cushina di Caribbean Buffet

    ORANJESTAD - Pa 13:45 Centrale post a haya jamada di alarm centrale bisando cu tin un explosion den cushina di Caribbean Buffet na King Plaza y cu tin un hende herida. Patruya a yega na e sitio di e susedido y enberdad a topa cu e persona foi tin cu un kap na cabez . Ambulance a presenta y a transporta e victima pa hospital. Brandweer a jega ne sitio , tambe DTI y BFTO. E victima ta stabil y e investigacion ta den man di DTI.

  • Detenido den caso asesinato de Vuyst ta conocido di polis J.C.

    Detenido den caso asesinato de Vuyst ta conocido di polis J.C.

    ORANJESTAD – E persona cu a keda deteni den e caso Fist (asesinato di e dama Sierra na de Vuyst) diaranson atardi ta un conocido di polis, inicialnan J.A.C. (46), segun informacion cu NoticiaCla a logra obtene. Tin informacion tambe cu e persona aki lo tabata hopi cerca di e victima y famia di e victima. Como tal e noticia di awe a bin como un shock pa nan ora cu a tende di e detencion awe tardi. E caso ta sigui bou di investigacion.

  • A detene sospechoso den caso asesinato di de Vuyst

    A detene sospechoso den caso asesinato di de Vuyst

    ORANJESTAD - Awetardi polis a detene un persona riba sospecho di ta envolvi den e morto violento di e hoben S. Sierra riba 3 di November 2017. E sospechoso a wordo poni den detencion y lo wordo hiba e siman aki ainda dilanti huez-comisario.

  • Powered by SETAR