InselAir International a haya prome inyeccion financiero di gobierno

InselAir International a haya prome inyeccion financiero di gobierno

Posted on 01/7/2017 3:08 pm AST | Updated on 01/7/2017 3:56 pm AST

WILLEMSTAD - InselAir International a ricibi su prome parti di e ayudo financiero di gobierno di Corsou. Ta trata di un suma di 3 miyon florin cu gobierno a traspasa riba cuenta di e aeroliña, segun minister Eugene Ruggenaath a confirma na e matutino Antiliaans Dagblad diasabra. A cambio, a haci palabracion di e influencia di gobierno den e top di e compania. Entre nan lo tin den e hunta di comisario, banda di e dos miembronan di e aeroliña, dos representante di gobierno. Hunto nan lo scoge e di 5 miembro cu ta bira e presidente di e hunta. Ademas lo apunta un di dos director financiero y un presidente di e management team. E ultimo lo e voz determinante den casonan specifico ora di tuma desicion.  Ademas e comision di sabio cu a wordo instala aña pasa pa investiga e situacion di e aeroliña, lo keda monitoria e situacion segun e mandatario. Fuente: Antiliaans Dagblad/Paradise FM.

  • A haya un resto mortal mas di grupo indocumenta Venezolano

    A haya un resto mortal mas di grupo indocumenta Venezolano

    ORANJESTAD /WILLEMSTAD - A haña un resto mortal mas di e grupo di indocumenta cu nan lancha a faya cu nan riba laman. Asina vocero di warda costa Roderick Gouverneur a confirma. Awor e cantidad di morto ta 5. Helicopter ta buscando atrobe. Awor cu 48 ora a pasa tin chens cu mas curpa lo drif bin ariba.

  • Ministerio publico ta desmenti extradicion Jamaloodin

    Ministerio publico ta desmenti extradicion Jamaloodin

    WILLEMSTAD – E ex minister di Corsou George Jamaloodin no ta wordo extradita. Vocero di ministerio publico di Corsou y St Maarten ta desmenti e informacion cu a keda publica riba front page di e corant Extra e siman aki. E noticia no ta cuadra cu berdad, segun Serphos a sigura e portal aki. Ora cu a puntra ki dia si, Serphos a bisa, “Nada ainda”. E matutino di Corsou a publica diahuebs riba su front page cu Jamaloodin definitivamente lo keda extradita for di pais bisiña Venezuela. Esaki despues cu aña pasa autoridad Venezolano a bay di acuerdo cu e extradicion. Tramite a cuminsa pa e extradicion, pero no tin fecha ainda. Unda Extra a saca e informacion aki, no ta conoci. Jamaloodin ta wordo sospecha di un cantidad di cos pa cual e tin cu bin responsabiliza su mes na Corsou. Ora cu a pidie voluntariamente entrega su mes, e no a reacciona, pa cual a pidi un orden di aresto pe. Autoridad Venezolano a cumpli cu esey y tine deteni na e pais bisiña, pendiente su extradicion.

  • OM na Corsou a bende avion na findishi pa 700.000 dollar

    OM na Corsou a bende avion na findishi pa 700.000 dollar

    WILLEMSTAD - Findishi di Ministerio Publico (OM) Corsou di un avion CanadAir cu 11 asiento (registracion N545SD) a sera awe 30 di december 2017. A bende e avion finalmente pa 700.000 dollar Mericano.

  • Martina: Avianca no ta tuma InselAir international over mas

    Martina: Avianca no ta tuma InselAir international over mas

    WILLEMSTAD – E posibel union of fusion entre InselAir International y Avianca no ta sigui mas. Asina minister di economia di Corsou Steven Martina a informa diahuebs durante un conferencia di prensa, segun e vespertino di Corsou Antiliaans Dagblad. E compania madre Synergy ta bula afo y pues asina termina un negociacion di 9 luna despues cu a firma un ‘letter of intent’, cu awor ta keda solamente na ‘intento’. Complicacion huridico pa tuma e compania ta un di e motibo principal segun presidente di e comision negociado Etienne Ys. Segun leynan local, un compania di afo no por tuma accionnan mayoritario di un aerolinea over. E por crea problema cu paisnan internacional relaciona cu acuerdonan bilateral. E paisnan ta haci deal cu aerolineanan a base di nan caracter nacional, pero no por haci esey si e doño di e compania ta uno di afo. Gobierno di Corsou a informa cu awor nan ta bay busca otro alternativa pa toch logra rescata e aerolinea local. Inicialmente a bisa cu e unico forma cu por a salba InselAir International, ta cu e union of toma di Avianca. Awor esey ta cambia y ta mustra cu lo sigui busca mas alternativa. Foto cortesia Antiliaans Dagblad.

  • Homber sentencia pa a cende auto di vocero di ministerio publico na candela

    Homber sentencia pa a cende auto di vocero di ministerio publico na candela

    WILLEMSTAD – E homber J.L.F.P. (Curaçao, 1990) a keda sentencia awe pa a cende un auto na candela intencionalmente. E castigo impone ta 15 luna di castigo di prison, di cual 5 ta condicional, y 3 aña periodo di prueba. Huez a tene cuenta cu ta trata di un persona cu ta un ‘first offender’. E caso tabata ora cu e persona aki a cende auto di e vocero di ministerio publico Norman Serphos na candela na mei di e aña aki.

  • Contracto di 79 miyon dollar otorga pa sostene operacion FOL na Corsou

    Contracto di 79 miyon dollar otorga pa sostene operacion FOL na Corsou

    ARLINGTON, Va., December 18, 2017 – PAE (Pacific Architects and Engineers Incorporated) a haya un contracto di 79 miyon dollar pa provee sosten pa e base conoci como FOL (Forward Operating Locations na Aruba y Corsou. Entre e loke e compania tin cu provee, nan mester prove operacion di supervision aereo pa bringa droga, planea mision y ehecucion, personal permanente asigna, ekipo y facilidad, ekipo y facilidad. E periodo valido pa e oferta ta un aña di base y un opcion pa 4 aña mas. Fuente PAE. Foto cortesia 12th US Airforce. 

  • Powered by SETAR