Gobierno porfin lo atende discrepancia cobransa coriente pa hotelnan

Gobierno porfin lo atende discrepancia cobransa coriente pa hotelnan

Posted on 01/7/2017 11:08 am AST | Updated on 01/7/2017 3:58 pm AST

ORANJESTAD - Gobierno porfin ta bay atende e problema di coriente pa e sector hotelero. Problema den sentido cu hotelnan no ta di acuerdo con e compania di utilidad ta cobrando e hotelnan pa consumo di coriente. Aruba Hotel & Tourism Association (AHATA) tin algun tempo caba (mas di dos aña) ta bringando gobierno riba e tema aki sin por a yega na un solucion. CEO di AHATA Jim Hepple a confirma na NoticiaCla.com e siman aki cu porfin gobierno a confirma cu nan ta bay 'regla e asunto'. "Mi a papia cu e minister (Richard Arends) riba e tema ey y ela bisa cu e ta e punto number 1 of 2 riba nan agenda (pa wordo atendi)" Hepple a bisa. Hepple ta spera cu dentro di poco lo por haya un contesta definitivo riba e asunto ey. 

E SITUACION

E problema di coriente ta cu hotelnan ta wordo cobra a base di e grandura di e propiedad y no e uzo real basa riba e ocupacion di e hotel. Algo cu e hotelnan no ta compronde y no ta haya ta logico. E ta crea gastonan mas halto cu normal, y esey ta afecta nan situacion financiero, strobando nan pa por inverti den mehoracion di e propiedad. Si nan ta wordo cobra mas di loke nan ta consumi, y no ta haya e pago (di e turista) pa esey, e ta bira un problema. Nan kier pa e situacion cambia y nan wordo cobra manera ta coresponde. Si ta 40 camber ta uzando coriente, mester cobra pa 40 camber y no cobra e hotel 100 camber siendo cu ta solamente 40 a uza coriente, p.e. 

EFECTO 

Unabes resolvi, e lo tin un impacto substancial segun Hepple. Esaki pasobra aunke cu gobierno a reduci e tarifa di coriente cu 5% pa comercio. Si logra cambia e proceso di cobransa, e hotelnan lo por tin mas entrada cu nan por inverti den sistema pa conserva energia. Algo cu awor no tin sentido pa haci.

 

 

 

 

 

 

 

 

 

 

 

 

 

 

 

 

 

 

 

 

  • MIO y gobierno ainda den disputa mientras licensia ta na peliger

    MIO y gobierno ainda den disputa mientras licensia ta na peliger

    ORANJESTAD - Aki dos dia e 'ultimatum' di gobierno pa e compania di telecomunicacion MIO cumpli cu pago pendiente, ta vence. Y si gobierno no ricibi e pago corespondiente pa dia 30 di juni (aki dos dia), e siguiente dia (1 juli) gobierno ta revoca e licensia di e compania, lagando 6 mil cliente sin comunicacion. E mandatario di telecomunicacion Richard Arends a confirma awe mainta ainda pa NoticiaCla cu nan no a ricibi ningun pago. "Nos ta keda hopeful semper, pasobra con cu bay bin, e ta un empresa y gobierno no t'ey pa kibra ningun empresa" Arends a bisa. Mes momento e ta exigi si pa tur compania (di telecom den e caso aki) cumpli. MIO, cu a kibra su silencio den un reaccion cortico pa e portal aki awe, a mustra cu nan' a scohe pa keda keto respetuosamente keto durante e tempo di tension politico aki, no obstante declaracionan publico haci riba nos organisacion'. 

  • Prome ganador di premio miyonario a reclama su premio!

    Prome ganador di premio miyonario a reclama su premio!

    ORANJESTAD - E prome ganador miyonario di Lotto di diamars anochi a reclama su premio diaranson merdia. Ta trata di e hoben Vladimir S. cu a gana AWG 1.250.000,=  y converti su mes den e miyonario mas nobo di Aruba. Masha pabien! El a hunga lotto loco. Ainda falta un ganador mas pa reclama su parti di e premio cu ta AWG 2.450.000,=. 

  • Lotto miyonario a cay, reparti entre varios ganador

    Lotto miyonario a cay, reparti entre varios ganador

    ORANJESTAD - E lotto miyonario porfin a 'cay', pero reparti den varios ganador. Numbernan ganador tabata 02-03-19-22 y e Mega Ball 06. Pabien na e ganadornan awe nochi.

  • CAft: A sugeri independisa AZV pero ta un desicion di gobierno

    CAft: A sugeri independisa AZV pero ta un desicion di gobierno

    ORANJESTAD - Aunke cu e colegio di supervision financiero di Aruba (CAft) ta conseha gobierno pa haci algo cu AZV den forma di por ehempel independisa e instancia aki y hacie autosuficiente, e presidente saliente Age Bakker ta admiti cu esey ta un desicion 'autonomo' di e pais cu nan mes tin cu dicidi ariba. "Nos no ta toca esaki" Bakker a bisa NoticiaCla recientemente, indicando tambe cu nan ta 'meramente consehero'. Nan ta bisa cu riba tema di AZV, nan a uni nan mes meramente cu e conseho di fondo monetario internacional cu a conseha mesun cos. No obstante e limitacion den comentario, e colegio a dedica henter un capitulo na e tema si.

  • Bakker: Gobierno di Aruba a tuma 20 hende extra na trabou e aña aki

    Bakker: Gobierno di Aruba a tuma 20 hende extra na trabou e aña aki

    ORANJESTAD - Gobierno a tuma 20 hende extra na trabou e aña aki. Esaki e ta considera e aumento barbaro cu ta haci mencion di dje den nan rapport reciente, cu minister di finanza di Aruba ta refuta. Asina ela bisa NoticiaCla recientemente durante un conferencia di prensa. No obstante tur e discusion aki, Bakker ta sigura cu no tin diferencia di opinion entre e cu e minister. Por lo menos, den su interpretacion. "Nos ta totalmente di acuerdo cu otro" ta palabra di presidente saliente di e colegio di supervision financiero di Aruba Age Bakker na Noticiacla recientemente. Bakker kier a clarifica cu no tin diferencia di opinion entre e y e mandatario riba e.o. e aumento barbaro di personal di gobierno den 2017. Algo cu Bermudez a refuta anteriormente na e portal aki, cuestionando CAft su fuente di informacion cu tabata alega cu 'tin un aumento barbaro' di personal e aña aki. Bakker a dicidi e ora, riba insistencia di e portal aki, pa bira mas concreto.

  • Croes: Biahe comercial pa Haiti hopi fructifero

    Croes: Biahe comercial pa Haiti hopi fructifero

    ORANJESTAD – Recien Sr. Randall Croes a haci un bishita comercial pa Haiti. Como miembro di Directiva di Camara di Comercio y Industria Aruba (KvK) y danki na esfuerso di Camara di Comercio Benelux-Haiti (CdCBH) Sr. Croes a completa un bishita exitoso caminda cu e objetivo tabata ta pa haya un bon bista di e ultimo desaroyonan economico y di recuperacion di infrastructura di e pais bisiña den Caribe. Nos kier gradici Sunrise Airlines como sponsor principal pa e oportunidad aki.

  • Powered by SETAR