- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Dialuna ta dera Lionel 'Paps' Capriles na Corsou
WILLEMSTAD - E entiero di conocido bankero Lionel "Paps" Capriles lo tuma lugar dialuna 9 di januari. Asina fuentenan cerca di e proceso a confirma na NoticiaCla.com diabierna merdia. Ta ricibi condolencia di 12'or pa 3'or na e residencia di Lio Capriles na Schout bij Nacht Doormanweg 71. Ademas a informa cu tin posibilidad pa parkeer na CSC y e area di parkeer di BMX. Aunke cu e ta un cana cortico, lo tin shuttle bus disponibel pa e residencia. Otro areglo ainda no a wordo haci publico.
E MORTO DI PAPS
Manera NoticiaCla.com a raporta diahuebs anochi, e conocido bankero di Corsou Lionel 'Paps' Capriles 83 a fayece na Corsou. Diahuebs atardi e noticia a plama, y mesora rednan social a cuminsa reacciona riba morto di un di e bankeronan mas profila, conoci y stima di e islanan ABC.
TRAYECTORIA DI 'PAPS'
Paps, manera cu e tabata wordo yama, tabata un bankero di curason, ex-President & CEO di Maduro & Curiel's Bank N.V. y como tal hopi aña na cabes di e consorcio di banco Maduro & Curiels Bank (MCB) y tambe na otro islanan manera Aruba, unda cu e tabata fundador di Caribbean Mercantile Bank N.V y ex-Presidente di Hunta di Comisario di Caribbean Mercantile Bank N.V. (CMB) y te na su morto Miembro Honorario di Hunta di Comisario di Caribbean Mercantile Bank N.V.. Algun aña atras (1992) e yiu homber mayo Lionel (Chicu) Capriles II a drenta e mundo bancario tambe na MCB y na 2004 a tuma e rienda di e banco. Actualmente Lionel Capriles II ta e hefe maximo di e banco. NoticiaCla.com ta manda palabra di condolencia pa su casa Judith, yiunan Chicu y Michelle Capriles y demas famia. Cu Paps sosega na paz.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Follow NoticiaCla
