Conocido bankero Lionel 'Paps' Capriles a fayece

Conocido bankero Lionel 'Paps' Capriles a fayece

Posted on 01/5/2017 8:34 pm AST | Updated on 01/5/2017 11:01 pm AST

WILLEMSTAD - Conocido bankero di Corsou Lionel 'Paps' Capriles 83  a fayece awe na Corsou. Diahuebs atardi e noticia a plama, y mesora rednan social a cuminsa reacciona riba morto di un di e bankeronan mas profila, conoci y stima di e islanan ABC. Paps, manera cu e tabata wordo yama, tabata un bankero di curason, ex-President & CEO di Maduro & Curiel's Bank N.V. y como tal hopi aña na cabes di e consorcio di banco Maduro & Curiels Bank (MCB) y tambe na otro islanan manera Aruba, unda cu e tabata fundador di Caribbean Mercantile Bank N.V y ex-Presidente di Hunta di Comisario di Caribbean Mercantile Bank N.V. (CMB) y te na su morto Miembro Honorario di Hunta di Comisario di Caribbean Mercantile Bank N.V.. Algun aña atras (1992) e yiu homber mayo Lionel (Chicu) Capriles II a drenta e mundo bancario tambe na MCB y na 2004 a tuma e rienda di e banco. Actualmente Lionel Capriles II ta e hefe maximo di e banco. NoticiaCla.com ta manda palabra di condolencia pa su casa Judith, yiunan Chicu y Michelle Capriles y demas famia. Cu Paps sosega na paz. Keda pendiente riba noticiacla.com pa mas informacion. 

 

  • Dos detencion na Corsou relaciona cu corupcion administrativo

    Dos detencion na Corsou relaciona cu corupcion administrativo

    WILLEMSTAD - Awe mainta funcionarionan di Landsrecherche (LR) Corsou den cooperacion cu cuerpo di polis di Corsou (KPC) y Team Bestrijding Ondermijning (TBO) a ehecuta dos detencion den un investigacion relaciona cu corupcion administrativo (ambtelijke corruptie) den cuadro di permit di estadia denter di e organisacion Toelatingsorganisatie (TO). Den cuadro di esaki a detene e hefe di TO, como tambe su colaborado riba sospechoso ambos di corupcion administrativo, falsificacion di documento y maluzo di funcion. Esnan detene ta E.R.C. (51) y L.L.M.L. (47).

  • Homber kier a agredi Obispo Secco den misa na Corsou

    Homber kier a agredi Obispo Secco den misa na Corsou

    WILLEMSTAD - Polisnan mester a bay rapido un rato pasa na Misa di Wishi despues cu homber a subi na altar Y kier a agredi Obispo Secco. Di acuerdo cu e homber, Obispo lo ta duna algun persona pakete si, mientras cu otronan no. Y esaki a pone cu e homber aki tabata furioso y  kier a agredi Obispo. Varios persona a tene e homber y sake pafo, mientras autoridadnan a yega y atende cu ne pafo. Fuente y foto cortesia NOTICIA ING. 

  • Castigo di trabou pidi pa parlamentario Jacintha Constancia

    Castigo di trabou pidi pa parlamentario Jacintha Constancia

    WILLEMSTAD - Awe merdia 21 di juni 2017 Fiscal di Ministerio Publico (OM) Corsou a haci un demanda den Corte di 200 ora di castigo di trabou di cual 60 ora condicional, 2 aña proeftijd y 2 aña "ontzetting uit ambt" condicional.

  • Cicely vd Dijs: Mi no a haci nada malo, mi consenshi ta limpi

     Cicely vd Dijs: Mi no a haci nada malo, mi consenshi ta limpi

    WILLEMSTAD - "Mi no a haci nada malo, mi consenshi ta limpi y mi ta drumi bon anochi". Palabra di Cicely vd Dijs, partner di ex prome minister di Corsou Gerrit Schotte den un entrevista exclusivo pa NoticiaCla. Siman pasa a trata e caso di apelacion (Babel) pa wak si por absolve nan dos di e loke nan ta wordo sospecha di dje, entre nan fraude, falsificacion di documento y labamento di placa.  Vd Dijs ta hopi satisfecho cu e trabou cu e abogadonan a haci den e caso di apelacion Babel recientemente. "Nos a onderbouw tur loke nan (OM) a trece dilanti, cu ta 5 rapport di experto. Entre nan e forensico independiente. A indica unda cu tur cen a bay y cu esaki ta implica cu no tabatin 'labamento di placa'. "Den e sentido ey nos ta hopi contento. Mes momento e ta lamenta desicion di huesnan pa no scucha un testigo fiscal italiano (Pelicano)" vd Dijs a bisa.

  • Corte di apelacion a aproba extradicion Fransesco Corallo pa Italia

    Corte di apelacion a aproba extradicion Fransesco Corallo pa Italia

    PHILLIPSBURG - Corte di apelacion a aproba e extradicion di Fransesco Corallo (1960) pa Italia. Manera ta conoci Italia a pidi su extradicion a base di cargonan di Corucion y labamento di placa entre otro, segun vocero Norman Serphos a confirma pa NoticiaCla. E sentencia a keda presenta via Teleconference na Corsou. Awor ta keda pa gobernador firma e extradicion pa e por tuma lugar. E peticion di extradicion a drenta dia 12 di januari 2017. Foto cortesia http://www.lasicilia.it

  • A pidi 18 aña di prizon pa supuesto apostel Balentina

    A pidi 18 aña di prizon pa supuesto apostel Balentina

    WILLEMSTAD – Ministerio Publico exigi 18 aña prizon contra e supuesto apostel Orlando Baletina. Fuera di esey a pidi pa e no por practica e funcion di pastor durante 20 aña. E ta wordo culpa di bus sexualmente di un menor di edad entre 2003 y 2016 n Corsou y Hulanda. Hues ta dicta sentencia di 5 di juli proximo. Fuente Paradise FM.

  • Powered by SETAR