Vesprey: Carnaval posibel pero participacion Idols ta prioridad

Vesprey: Carnaval posibel pero participacion Idols ta prioridad

Posted on 01/5/2017 9:10 am AST | Updated on 01/5/2017 10:18 am AST

HAARLEM - E strea di carnaval 2016, esta 'Buddy' lo no profila den e carnaval di 2017 na Aruba. Jair Vesprey (e nomber real di Buddy), tin otro plan e aña aki cu ta obstaculisa su presentacion den e temporada aki. No ta descarta sinembargo cu e por presenta ainda e temporada aki, pero no cu 'Nfuzion, y no mes activo cu aña pasa. E cantante di e monster hit carnavalesco di aña pasa esta "Inside the thing" su participacion na e programa musical Idols na Hulanda, ta e motibo principal pa su posibel ausencia na Aruba. Aña pasa, mientras cu no tabatin Caiso y Roadmarch contest, e tema canta pa 'Buddy' a practicamente bira e 'roadmarch' y 'roadjam' di aña pa hopi.

IDOLS 

Buddy ta studiando International Music Management na Haarlem, pues su enfoke principal ta riba estudio awor aki. Pero riba insistencia di su pareha, a dicidi di participa na e concurso fama Hulandes Idols. "For di hopi tempo mi partner tabata encurasha mi pa participa den "The Voice" of un programa similar, pa uza e platform aki pa launch mi carera musical internacional" Buddy a splica NoticiaCla.com. "Ami mes no tabata un fan di e idea mirando cu mi a yega di participa caba den un show similar, cual tabata X Factor na 2013, y mi no a beneficia mucho di dje. Pero mi partner a keda insisti, mi a give-in, and here we are!". Y si tabatin cualkier duda den su talento, e inscripcion a kita esaki. "E proceso di inscripcion ta uno facil. Unico cos cu mester haci ta yena bo datos  personal y link un video caminda bo ta cantando y/of performing. Den mi caso, mi a manda e link di "Inside The Thing" 2am y ya pa 9or di e siguiente mainta mi a haya un invitacion pa bin haci e "pre-audition", Buddy a sigui splica. 

AUSENCIA NA ARUBA

Su participacion na Idols ta un di e motibonan pakico e no por ta presente tanto cu e banda cu aña pasa a dun'e e plataforma pa luci, esta 'NFuzion, pero cu cualkier otro banda. Esey no ta nifica cu elo no por t'ey, sino solamente cu e ta bira mas dificil y mas costoso."  Ta bin gasto nan extra encuanto e pasashi, mirando cu mi lo mester haci mas cu un biahe pa Aruba. Mi a trece esaki p'adilanti na e management di e banda cu mi a forma parti di dje pa tres aña caba durante e periodo di Carnaval ('Nfuzion)" Buddy a splica." E management a yega na e decision cu nan no lo cover mas cu un pasashi, mirando cu e gasto nan lo bira aun mas halto, y a pone como 'harde eis' pa mi ta presente na tur parada". Mirando e situacion cu Idols, pa cual Buddy lo mester a haci mas cu un biahe ida y buelta, e oferta aki no tabata uno realistico y a pone cu ela tuma e decision di no bay di acuerdo cu esaki. Noticiacla a puntra Buddy si e no ta bay haci falta, mirando e exito grandi cu e tabatin cu e banda y cu e cantica "Inside the thing:. E posibilidad t'ey pa mi combina tur dos, esta Carnaval y Idols. Na e momento nan aki mi ta explorando mi opcionnan cu otro banda cu si ta willing pa haci participacion den nos Carnaval posibel.

IDOLS 

E preparacionan pa Idols a cuminsa caba. De hecho, grabacion nan ta andando caba for di october y dia 1 di februari lo ta e inicio na e canal RTL 5. No ta conoci ki dia por mira Buddy presenta, pero ta keda pendiente pa anuncia esaki proximamente. Idols ta un programa di television Hulandes riba e canal RTL4, cu ta parti di e serie di Idols basa riba e programa Britanico Pop Idol. E ta un concurso pa determina e miho cantante hoben na Hulanda. Por compar'e cu programanan manera The Voice y America's Got Talent, pero den e caso aki specificamente riba cantamento. Tin varios ronda di participacion, y una bes a selecta e mihornan den e prome ronda, e ronda di 'teatro' ta cuminsa. Ta cuminsa proceso di eliminacion te ora cu un cantante keda ultimo. Otro Arubiano cu a participa tabata Roger Peterson, cu a yega hopi halto, pero despues a dicidi di hala atras pa motibonan personal.  

'NFUSSION

Di parti di 'Nfuzion, e siman aki, e director/propietario Ofo Escudero a reacciona durante e programa Aki Aya di Ruben Garcia na Power FM y a splica cu e ta lamenta e desicion, pero ta desea Buddy exito. Mes momento a corda tur hende cu mientras cu e cantante ta esun cu ta haya e fama, tin cu corda e plataforma cu ela haya cu a dun'e e posibilidad pa logra e exito cu ela haya. E ausencia di Buddy lo no stroba 'NFuzion e aña aki, y te hasta a participa cu lo tin mas persona cu lo bin pa presenta durante e temporada di carnaval.  Foto cortesia:programa Morning Power na Power FM. 

 

  • Hasta KNMI ta spera un temporada di horcan 2024 super activo pa laman Caribe

    Hasta KNMI ta spera un temporada di horcan 2024 super activo pa laman Caribe

    DEN HAAG – E instituto Real Meteorologico di Hulanda KNMI ta spera un temporada di horcan hopi activo pa 2024. Asina e instituto ta bisa den su raportahe awe riba su porta. E temperaturanan den laman ta hopi cayente cu ta net loke e sistemanan tropical mester pa fomenta e ciclonan den Atlantico y Caribe. “E temperature cayente por tin hopi influencia riba e temporada di horcan di 2024” KNMI ta bisa. “Nos ta spera un temporada di horcan hopi activo mes”.

  • Defensa Hulandes ta suministra pompnan mobil di emergencia na kazernenan di Marina na Aruba

    Defensa Hulandes ta suministra pompnan mobil di emergencia na kazernenan di Marina na Aruba

    DEN HAAG - Instituto Hulandes pa Siguridat Públiko (Nederlandse Instituut voor Publieke Veiligheid (NIPV) awe ta transferí tres pòmp mobil di emergensia i nan baki ku slan pertenesiente, na Brantwer di Marina. Dentro di poko tempu nan lo bai pa Kòrsou i Aruba.  E sistema di kònteinernan HCP aki ta  intenshoná pa kazèrnenan di Marina riba e islanan. Pero Brantwer lokal tambe por hasi uso di nan na momentu di inundashon.  Brantwer di Marina i NIPV awe a firma e akuerdo di transferensha.

  • Wever: Grupo Hulandes kier bin cu ‘Ferris Wheel’ den Oranjestad

    Wever: Grupo Hulandes kier bin cu ‘Ferris Wheel’ den Oranjestad

    SCHEVENINGEN – Siman pasa diabierna Minister Geoffrey Wever a haci un bishita na The Pier Skyview na Scheveningen, Hulanda, unda e mandatario a reuni cu interesadonan priva cu a expresa nan entusiasmo pa introduci un atraccion similar na Aruba, specificamente den e ciudad di Oranjestad.

  • Minister Thijsen: Aruba kier ta mas visible na Hulanda riba tema di structura estatal

    Minister Thijsen: Aruba kier ta mas visible na Hulanda riba tema di structura estatal

    DEN HAAG  –Minister Plenipotenciario mr. Ady Thijsen y esposa a tene un recepcion pa celebra Dia di Himno y Bandera na Hulanda. Desde 2015 Arubahuis ta tene un recepcion pa invitadonan for di e mundo politico, embahadornan, functionarionan halto di Estado of di ministerionan cu lasonan estrecho cu Aruba. Tambe miembronan prominente for di e comunidad Arubiano na Hulanda y representantenan commercial y di institutonan di enseñansa tanto riba nivel di HBO como Universidad.

  • Hulanda investigando morto di dos tripulante riba barco crucero Holland America Line

    Hulanda investigando morto di dos tripulante riba barco crucero Holland America Line

    AMSTERDAM – E Conseho di Investigacion pa Seguridad Hulandes (OVV) ta investigando un accidente riba un barco crucero di Holland America Line di siman pasa. Riba e barco Nieuw Amsterdam, cu ta nabega bou di e bandera Hulandes, tabatin un accidente unda cu dos tripulante a fayece. Esaki a sosode den cercania di Bahamas, ora cu algo a pasa den camber di motor.  Segun informacion, tabatin un explosion. E barco a sali dia 16 di maart ultimo for di Ft Lauderdale pa un crucero di un siman. 

  • Corant a faya! Ex politico Hoogervorst no ta candidato pa prome minister

    Corant a faya!  Ex politico Hoogervorst no ta candidato pa prome minister

    DEN HAAG – E corant Hulandes AD a retira e articulo cu e prominente di partido VVD Hans Hoogervorst ta wak su mes como candidato pa prome minister nobo di Hulanda den e proximo gabinete. “Nos ta ofrece nos disculpa pa e conmocion crea’ e corant ta raporta. Aparentemente un persona a presenta sum es como Hoogervorst y e corant a cay pa e trampa. E motibo di cu nan a revoca e noticia, ta pasobra e  ex politico a menasa di cuminsa un investigacion forensico pa cu e forma con e noticia a keda publica.  E tabata un periodo caba for di bista como politico, y tabata den pasado ex minister di finanza y salud. Segun Hoogervorst, nunca e la papia cu e corant. E corant sinembargo tabata convenci cu esey tabata e caso si. Pero despues a dicidi pa revoca e noticia toch. 

  • Powered by SETAR