Corte a rechasa peticion pa revoca bancarota di Tiara Air

Corte a rechasa peticion pa revoca bancarota di Tiara Air

Posted on 12/29/2016 4:44 pm AST | Updated on 12/30/2016 5:45 pm AST

ORANJESTAD - Corte a rechasa e peticion pa revoca e estado di bancarota di Tiara Air manera cu a keda dicta dia 28 di november ultimo. Motibo principal ta cu e curator cu a entama e caso pa revocacion, no a mustra cambio di desaroyo den e compania cu por hustifica e revocacion. Basicamente e situacion manera a keda presenta den corte, ta duna un bista igual na ora cu a dicta e sentencia di bancarota. Como tal corte a rechasa e demanda, pues Tiara Air ta keda den estado di bancarota. 

MOTIVACION MAS EXTENSO

Corte a sali for di punto di bista cu e curator durante su defensa pa e revocacion, mester a duna un bista di e situacion di e compania. Sinembargo Corte a establece cu e curator no a cumpli cu esey, 'mirando cu e curator a basa su mes solamente riba e desaroyonan di dia 20 di november 2015. Pero no a trece desaroyonan relevante cu tin influencia concreto riba e estado di e compania, cu ta pone Corte sali di e punto di bista cu sea no tin nada nobo, of no a presenta nada nobo.'

STATUS

Cu esaki, Corte ta determina cu no tin ningun bista riba pagonan di e compania, y cu no por spera reanudacion di actividadnan di e compania. Tambe no a resulta cu e trahadonan a maluza derecho, riba cual corte ta comtempla cu e interes di tur creditor no semper tin cu cana paralelo. Lesa e sentencia aki. 

 

  • Afpakteam Aruba ta tuma suma grandi di dollars den beslag

    Afpakteam Aruba ta tuma suma grandi di dollars den beslag

    ORANJESTAD - Afpakteam di Aruba, cu a cuminsa traha riba prome di maart ultimo, a tuma un suma grandi na dollars den beslag riba diahuebs 16 di maart ultimo.

  • Arubiano postula pa wordo nombra Vicepresidente Corte di Husticia Corsou y Boneiru

    Arubiano postula pa wordo nombra Vicepresidente Corte di Husticia Corsou y Boneiru

    WILLEMSTAD - Diabierna 17 di maart 2017 Mr. Mauritsz de Kort a keda postula dor di Conseho di Minister di Reino pa bira vicepresidente di Corte Comun di Husticia di Corsou i Boneiro. Mr. De Kort ta susede mr. Eunice Saleh, cu a bira presidente di Corte na januari ultimo. E postulashon ta drenta na vigor 1 di april 2017.

  • Fiscal a pidi 3 aña y mei di prizon pa polis acusa di violacion

    Fiscal a pidi 3 aña y mei di prizon pa polis acusa di violacion

    ORANJESTAD – E agente policial di fam Bremo a tende fiscal diabierna pidi 3 aña y mey di castigo contra dje. Cargo ta violacion di un persona durante ora di trabou y uzando un auto di polis pa e acto. De hecho tin dos cargo, cu ta violacion y ‘verduistering’ di e Billy y armanan. Hues a cera e caso y ta dicta sentencia dia 30 di maart mainta.

  • Fiscal a pidi 18 luna di prizon pa conocido DJ 'Mc Oz'

    Fiscal a pidi 18 luna di prizon pa conocido DJ 'Mc Oz'

    ORANJESTAD – Conocido personalidad di radio Ostrick ‘Mc Oz’ Jansen a tende fiscal pidi 18 luna di castigo di prizon p'e, pa a tene relacion sexual cu un dama menor di edad. Di e 18 luna, 6 ta condicional cu 2 aña di prueba. Abogado di Jansen, Chris Lejuez a calcula cu si hues bay di acuerdo cu e demanda di fiscal, ta warda Jansen 5 luna mas di castigo di prison kitando e periodo cu el a sinta caba y tambe si dune e conocido VI, esta kita 1/3 di e castigo basa riba bon conducta. Jansen a admiti e acto, pero cu e no tabata sa cu e dama tabata menor di edad (14 aña). Pero pa ley, esey no ta haci diferencia. Ni si e dama a ‘set up’ Jansen, y a gaña su edad, e ley ta hopi cla y fuerte. Un hecho asina ta castigabel pa ley, sin piedad. Pa e hecho cu Jansen ta un persona conoci, no ta pone cu mester trate diferente. Puntonan sinembargo na su fabor ta cu ta su prome ofensa, y cu ela coopera cu husticia for di momento di su detencion.

  • Retiro di abogado di ‘abogado falso’ Gibbs a pone corte pospone caso atrobe

    Retiro di abogado di ‘abogado falso’ Gibbs a pone corte pospone caso atrobe

    ORANJESTAD – Pa di dos biaha hues a pospone e caso di e abogado ‘falso’ R. Gibbs awe mainta. E biaha aki tabata pa motibo cu e abogado Zarra a retira su mes di e caso, y partidonan no tabata na altura na tempo pa por a logra haya otro abogado. Como tal hues a pospone e caso aki pa dia 13 di april pa 2’or di merdia. Biaha pasa a pospone e caso mirando cu Gibbs ta un pashent di dialyse y cu riba e fecha ey, tabata su fecha pa haci e tratamento.

  • Corte a duna InselAir Aruba proteccion contra bancarota

    Corte a duna InselAir Aruba proteccion contra bancarota

    ORANJESTAD – Corte a duna e aerolinea local InselAir Aruba N.V. proteccion contra bancarota, e asina yama surséance van betaling, valido te dia 7 di juni 2017. Inicialmente abogado Dello Gomez na nomber di su cliente (e no kier a menciona e nomber) a pidi corte pa declara InselAir Aruba bancarota. Pero pa ley, si e contra partido haci peticion pa proteccion, esey ta wordo trata prome. Y corte a aproba e peticion ey. Esey ta nifica cu di awor pa e fecha stipula, ningun partido por pidi bancarota di e compania, ni pone beslag riba dje. Automaticamente e ta nifica tambe cu tur beslag cu (taba)tin riba e compania, ta vence of ta stop. Esun cu aworaki tabatin beslag riba e compania, tabata Aruba Tourism Authority. Como administrador pa InselAir Aruba, corte a apunta abogado Jeanot de Cuba.

  • Powered by SETAR