Corte a rechasa peticion pa revoca bancarota di Tiara Air

Corte a rechasa peticion pa revoca bancarota di Tiara Air

Posted on 12/29/2016 4:44 pm AST | Updated on 12/30/2016 5:45 pm AST

ORANJESTAD - Corte a rechasa e peticion pa revoca e estado di bancarota di Tiara Air manera cu a keda dicta dia 28 di november ultimo. Motibo principal ta cu e curator cu a entama e caso pa revocacion, no a mustra cambio di desaroyo den e compania cu por hustifica e revocacion. Basicamente e situacion manera a keda presenta den corte, ta duna un bista igual na ora cu a dicta e sentencia di bancarota. Como tal corte a rechasa e demanda, pues Tiara Air ta keda den estado di bancarota. 

MOTIVACION MAS EXTENSO

Corte a sali for di punto di bista cu e curator durante su defensa pa e revocacion, mester a duna un bista di e situacion di e compania. Sinembargo Corte a establece cu e curator no a cumpli cu esey, 'mirando cu e curator a basa su mes solamente riba e desaroyonan di dia 20 di november 2015. Pero no a trece desaroyonan relevante cu tin influencia concreto riba e estado di e compania, cu ta pone Corte sali di e punto di bista cu sea no tin nada nobo, of no a presenta nada nobo.'

STATUS

Cu esaki, Corte ta determina cu no tin ningun bista riba pagonan di e compania, y cu no por spera reanudacion di actividadnan di e compania. Tambe no a resulta cu e trahadonan a maluza derecho, riba cual corte ta comtempla cu e interes di tur creditor no semper tin cu cana paralelo. Lesa e sentencia aki. 

 

  • OM: Por cera un areglo di pago cu Ministerio Publico

    OM: Por cera un areglo di pago cu Ministerio Publico

    ORANJESTAD Ministerio Publico ta haya importante pa comunica mas mihor posible y pa e motibo ey mes a dicidi pa saca e relato di prensa aki pa informa tocante e posibilidad pa cera areglo y paga boet poco poco. Ministerio Publico conoce e sistema di areglo di pago pa algun aña caba, pero no tur hende sa di dje.

  • OM: Regiezitting caso ex minister Paul Croes ta prome cu zomer

    OM: Regiezitting caso ex minister Paul Croes ta prome cu zomer

    ORANJESTAD – Prome cu zomer di e aña aki, corte lo trata e caso Ibis den cual e sospechoso principal ta ex minister Paul Croes. Vocero di ministerio publico Ann Angela a confirma na Noticiacla cu e investigacion ta den e fase final caba. Croes ta considera como e sospechoso principal yt sospecha di e.o. corupcion den e caso penal cu a haya e nomber Ibis, cu a conoce luz di dia aña pasa. Croes a cay cera dia 21 di augustus di aña pasa y a keda 3 luna deteni, hunto cu algun otro persona. Despues el a recobra su libertad 15 di november di aña pasa. Segun Angela, e expectativa ta cu e regiezitting lo bin dilanti dentro di algun luna. “ Nos ta spera en todo caso prome cu zomer”. Durante un regiezitting tanto defensa como ministerio publico ta haya oportunidad pa trece nan deseonan pa dilanti pa loke ta mas investigacion. E caso no ta wordo traha den su contenido pues riba e fecha ey. prome cu summer y ey lo determina fecha pa e tratamento.

  • Thijsen: Pais Aruba ta apela sentencia contra periodista

    Thijsen: Pais Aruba ta apela sentencia contra periodista

    ORANJESTAD – Pais Aruba/Parlamento ta bay apela e sentencia contra dje di algun siman atras cu nan a perde contra periodista Nelson “Speed” Andrade. Asina presidente di Parlamento Ady Thijsen a confirma pa NoticiaCla awe mainta. “Nos no ta acuerdo cu e sentencia!” Thijsen a bisa e portal aki. E sentencia cu Thijsen ta referi na dje ta di dia 20 di december 2017 ora cu huez a ordena pais Aruba duna e periodista e entrada bek na Parlamento, contal cu e no causa disturbio. Algo cu Parlamento a prohibi Andrade pa un periodo di 3 luna. Thijsen awor ta apela esaki.

  • Placa ilegal intercepta na Airport

    Placa ilegal intercepta na Airport

    ORANJESTAD - Riba 17 di februari ultimo Aduana na aeropuerto internacional Reino Beatrix a controla un pasahero Arubiano di 25 aña di edad, kende tabata regresando di Merca. E pasahero a keda sin meld na Aduana cu e tabatin casi 20.000 dollar cu ne. El a bin cu un declaracion increible di unda e placa a bin y e no por a comproba su storia tampoco. E sospechoso a wordo pasa pa Cuerpo Policial y a entrega e placa despues di a wordo interoga.

  • Van Dam: Ta parse cu asesinato di de Vuyst ta resolvi

    Van Dam: Ta parse cu asesinato di de Vuyst ta resolvi

    ORANJESTAD – Ta parse cu e asesinato aki ta resolvi. Asina ta parse por lo menos. Asina Procurador General Alexander van Dam a bisa den un conferencia awe mainta riba detencion den e caso Fist (asesinato na de Vuyst). Loke a conduci na e detencion di e homber Jairo.A.C (46), ta e hecho cu su DNA a ‘match’ cu e DNA haya na e lugar di e crimen na e cas di e victima di de Vuyst. Van Dam riba pregunta di NoticiaCla, ta considera J.A.C. como e sospechoso principal, y cu e caso ta resolvi aunke cu ‘nunca no ta para e posibilidad pa mas detencion’. Alto comisario di polis Dolfi Richardson, contestando pregunta di e portal aki, enberdad ta considera e crimen aki uno di esunnan mas serio conoci na Aruba te awor.  

  • Venezolano a purba bandona Aruba cu baranan di oro

    Venezolano a purba bandona Aruba cu baranan di oro

    ORANJESTAD - Ayeranochi 9 di februari, un pasahero di KLM a wordo saca for di avion net prome cu a lanta vuelo y el a wordo deteni pa RST riba sospechoso di traficacion di oro y falsificacion.E sospechoso procedente di Venezuela tabatin 46 bara di oro cu ne. Ta trata di en total alrededor di 50 kilo di oro cu ta representa un valor di 2.1 miyon Dollar. A base di informacion haya di FIOD (Hulanda) y RST na Curacao, e sospechoso por a wordo deteni. E accion ta un iniciativa conhunto di RST di Aruba, Cuerpo Policial di Aruba, Ministerio Publico di Aruba y Afpakteam di Aruba. E sospechoso ta den detencion y e investigacion ta andando. Den cuadro di e investigación, lo coopera cu Curacao y Hulanda.

  • Powered by SETAR