Corte a rechasa peticion pa revoca bancarota di Tiara Air

Corte a rechasa peticion pa revoca bancarota di Tiara Air

Posted on 12/29/2016 4:44 pm AST | Updated on 12/30/2016 5:45 pm AST

ORANJESTAD - Corte a rechasa e peticion pa revoca e estado di bancarota di Tiara Air manera cu a keda dicta dia 28 di november ultimo. Motibo principal ta cu e curator cu a entama e caso pa revocacion, no a mustra cambio di desaroyo den e compania cu por hustifica e revocacion. Basicamente e situacion manera a keda presenta den corte, ta duna un bista igual na ora cu a dicta e sentencia di bancarota. Como tal corte a rechasa e demanda, pues Tiara Air ta keda den estado di bancarota. 

MOTIVACION MAS EXTENSO

Corte a sali for di punto di bista cu e curator durante su defensa pa e revocacion, mester a duna un bista di e situacion di e compania. Sinembargo Corte a establece cu e curator no a cumpli cu esey, 'mirando cu e curator a basa su mes solamente riba e desaroyonan di dia 20 di november 2015. Pero no a trece desaroyonan relevante cu tin influencia concreto riba e estado di e compania, cu ta pone Corte sali di e punto di bista cu sea no tin nada nobo, of no a presenta nada nobo.'

STATUS

Cu esaki, Corte ta determina cu no tin ningun bista riba pagonan di e compania, y cu no por spera reanudacion di actividadnan di e compania. Tambe no a resulta cu e trahadonan a maluza derecho, riba cual corte ta comtempla cu e interes di tur creditor no semper tin cu cana paralelo. Lesa e sentencia aki. 

 

  • Afpakteam a colecta basta placa na boet y vordering di belasting

    Afpakteam a colecta basta placa na boet y vordering di belasting

    ORANJESTAD - E accion di Afpakteam Integral di Aruba pa loke ta cobramento di boetnan atrasa y vorderingnan di belasting a duna bon resultado. Asina ministerio publico a informa den un comunicado. Riba 3 di juli ultimo un relato di prensa a keda publica, cu tabata contene un yamada pa paga boetnan atrasa y vorderingnan di belasting. Den e siman ey, Ministerio Publico a cobra un suma di Afl. 57.695,-. Departamento di Impuesto a cobra un suma di 259.188,- den e siman di 3 pa 10 di juli ultimo, entre otro relaciona cu e relato di prensa en cuestion.

  • Detencion dama pa falsificacion di permiso no ta relaciona cu caso Ibis

    Detencion dama pa falsificacion di permiso no ta relaciona cu caso Ibis

    ORANJESTAD – Autoridad a detene un dama awe, G.J. Lampe, ariba sospecho di falsificacion di permiso y estafa. “E (detencion) no tin nada di haber cu (e caso) Ibis”, vocero di ministerio publico Ann Angela a sigura NoticiaCla awe merdia. E persona a keda deteni y hiba departamento di recherche, unda cu su interogacion a inicia.

  • Ambtenaar dept di Enseñansa castiga cu multa y servicio na comunidad

    Ambtenaar dept di Enseñansa castiga cu multa y servicio na comunidad

    ORANJESTAD - Bou guia di Fiscal di Husticia, Landsrecherche a haci investigacion penal di casonan di posibel soborno administrativo pasivo y falsificacion pa cu e examen Hulandes pa e asina yama “naturalisatietoets” pa aña 2012. Stranheronan cu ta desea di haya nacionalidad Hulandes, mester haal e naturalisatietoets aki. E test ta wordo haci y examina pa e Examenbureau di Departamento di Enseñansa di Aruba, cu ta cay bou Ministerio di Enseñansa di Aruba. E ta consisti di varios parti, bou di cual un testnan obligatorio di Hulandes. E investigacion di Landsrecherche a mustra cu un ambtenaar cu (anteriormente) tabata traha na Examenbureau, señor M.L.C., a pidi y a ricibi regalonan (monetario) di participantenan na e test di idioma, en cambio pa e falsifica nan resultadonan di examen. E investigacion a mustra alavez cu M.L.C. tabatin probecho ilegal for di e hechonan castigable aki.

  • Detencion di consehero di minister Paul Croes prolonga

    Detencion di consehero di minister Paul Croes prolonga

    ORANJESTAD – E detencion consehero y fotografo di minister Paul Croes, G. C. a keda prolonga cu 8 dia awe. Aworaki e ta den e asina yama ‘verlengde inverzekeringstelling’. Dus den su prome 10 dia’. Asina su abogado Chris Lejuez a confirma pa NoticiaCla diamars atardi. Pa loke ta e cargonan contra su cliente, Lejuez a splica cu e ta mescos cu e otronan cu ta deteni, esta cu su cliente tambe ta wordo sospecha di soborno y falsificacion den e caso Ibis.

  • Fiscal mayor nobo Hans Klaver cerca minister di husticia

    Fiscal mayor nobo Hans Klaver cerca minister di husticia

    ORANJESTAD – Aruba a haya un fiscal mayor nobo, den persona di mr Hans Klaver. E ta reemplasa fiscal mayor saliente Eric Olthof. Den cuadro di esaki, sr Klaver a bishita minister di husticia Arthur Dowers. Durante e bishita aki, Klaver a wordo acompaña pa procurador general Alexander van Dam. Foto pagina facebook Arthur Dowers. 

  • Consehero di minister Paul Croes deteni relaciona cu caso Ibis

    Consehero di minister Paul Croes deteni relaciona cu caso Ibis

    ORANJESTAD – Consehero di minister Paul Croes G.C. a keda deteni awe mainta, riba sospecho di labamento di placa y complicidad na soborno. Vocero di ministerio publico Ann Angela a confirma esaki awe nochi pa NoticiaCla. E detencion ta den cuadro di e investigacion penal contra e mandatario den e caso di fraude y corupcion Ibis, y e prome cu ta directamente relaciona cu e oficina di e mandatario. Fuera di consehero, e ta encarga cu parti di e PR di e mandatario, y tambe ta miembro di e fundacion di e mandatario.

  • Powered by SETAR