Atraco arma riba manager Glitz Casino awe tardi

Atraco arma riba manager Glitz Casino awe tardi

Posted on 12/27/2016 8:20 pm AST | Updated on 12/28/2016 12:27 am AST

ORANJESTAD - E manager di Glitz Casino a keda atraca diamars atardi. Informacion oficial cu vocero policial di polis Liliana Rasmijn a confirma pa Noticiacla.com ta mustra cu pa mas o menos 3:30 di awe tardi melding a drenta via Alarm Centrale unda Alarm Centrale a yama Centrale Post y informa cu un rato prome e manager di Glitsz Casino lo mester a wordo atraca . Na yegada di patruya di polis, e manager a declara cu e cohuntamente cu su trahado den su auto saliendo for di La Cabana direcion pa banco, hibando un suma di $ 65.000 pa deposita na banco, nan a wordo para door di un Yaris blanco. Eynan dos homber habla spaño a baha cu arma di candela den man y a pidinan pa e placa. E atracadornan no tawatin cara tapa. Un tawata tin un petchi bisti y cu camisa hoki hoki di color y jeans bisti. Eynan nan a bay cu e suma cu mester a wordo deposita, y a bay direccion zuid y subi e caminda di Sasakiweg. Atraco team a yega ne sitio di biaha na unda a cuminsa cu e investigacion. Tambe personal di slachtofferhulp pa asina asisti e victimanan. E atracadornan ta ketobay fugitivo segun vocero di polis. Ken cu por a wak algo please yama e tiplijn di polis cu ta 11141.

  • Autoridad a confisca curpa di e baby di e crèche na Catiri

    Autoridad a confisca curpa di e baby di e crèche na Catiri

    ORANJESTAD – Ministerio publico a confisca e curpa di e baby J.K. naci apenas dos luna pasa 21 december 2017, despues cu docter A. Oudschoorn a constata e morto pa 3’or y mei dialuna atardi. Mas prome NoticiaCla a raporta cu polis a haya e melding di e caso lamentable na un cas na Catiri. E momento ey e melding inicial pa 2:15pm tabata caba cu tin un baby lo no ta duna señal di bida na e crèche na Catiri. A transporta e baby pa hospital urgente pero na final toch e baby a bin fayece. Motibo di e morto no ta conoci, y investigacion tin cu determina e causa di e morto aki. NoticiaCla ta manda palabra di pesame na famianan di e criatura aki.

  • Polis investigando caso di baby cu a bira malo na crèche na Catiri

    Polis investigando caso di baby cu a bira malo na crèche na Catiri

    CATIRI – Polis ta investigando un caso di un melding di un baby cu a bira hopi malo y cu inicialmente a kere cu el a fayece. Vocero suplente di polis Liliana Rasmijn a confirma cu polis a haya melding pa 2:15 pm di un caso di baby cu no ta duna señal di bida na un crèche na Catiri 12-H. Mesora polisnan a acudi y a pidi asistencia di ambulance cu a transporta e criatura mesora pa hospital. "E baby su situacion ta critico" Rasmijn a declara pa prensa un rato pasa. E señora di edad cu ta wak pa e baby (e tin un crèche pa hopi aña), a bira malo y mester a haya asistencia medico tambe. Segun Rasmijn, no ta conoci kico exactamente por a pasa, pero tabatin presencia di hopi autoridad pa cuminsa cu nan investigacion pa resolve e caso aki. Mientrastanto ta sperando un update di e situacion di e baby cu ta na hospital.

  • Turista di bapor crusero ta collapse y fayece riba beach na Arashi

    Turista di bapor crusero ta collapse y fayece riba beach na Arashi

    ARASHI – Un turista di bapor crucero awe mainta a cay den otro y fayece riba beach na Arashi. Tabata awe mainta pa 10:57 cu Central di Polis a haya un yamada cu un turista mester a bira malo banda di lama na Arashi. Patruya y ambulance a yega na sitio di e sucedido mesora y a cuminsa haci nan trabou. Segun cu por a compronde di vocero suplente di polis Liliana Rasmijn, cu e sra turista tabata canando bandi beach y diripiente e la zak den otro. Personanan cu a wak esaki a yama central di polis y a cuminsa na purba reanima e señora. Ambulance a yega na e sitio y a sigui pa mas o menos 40 minuut mas segun nan procedura pero no por a hasi nada mas pa e señora turista. Por a compronde cu ta trata di un turista di un barco crusero. Pa 12:05 dr Texeir ta constata morto di e señora S.H. naci 03-01-76 na Alemania. Slachtofferhulp a presenta y asina asisti e señora su pareha pa cu e tramitenan. Nos di Cuerpo Policial ta manda palabra di condolencia na e famia di e fayecido.

  • Explosion den cushina di Caribbean Buffet

    Explosion den cushina di Caribbean Buffet

    ORANJESTAD - Pa 13:45 Centrale post a haya jamada di alarm centrale bisando cu tin un explosion den cushina di Caribbean Buffet na King Plaza y cu tin un hende herida. Patruya a yega na e sitio di e susedido y enberdad a topa cu e persona foi tin cu un kap na cabez . Ambulance a presenta y a transporta e victima pa hospital. Brandweer a jega ne sitio , tambe DTI y BFTO. E victima ta stabil y e investigacion ta den man di DTI.

  • Detenido den caso asesinato de Vuyst ta conocido di polis J.C.

    Detenido den caso asesinato de Vuyst ta conocido di polis J.C.

    ORANJESTAD – E persona cu a keda deteni den e caso Fist (asesinato di e dama Sierra na de Vuyst) diaranson atardi ta un conocido di polis, inicialnan J.A.C. (46), segun informacion cu NoticiaCla a logra obtene. Tin informacion tambe cu e persona aki lo tabata hopi cerca di e victima y famia di e victima. Como tal e noticia di awe a bin como un shock pa nan ora cu a tende di e detencion awe tardi. E caso ta sigui bou di investigacion.

  • A detene sospechoso den caso asesinato di de Vuyst

    A detene sospechoso den caso asesinato di de Vuyst

    ORANJESTAD - Awetardi polis a detene un persona riba sospecho di ta envolvi den e morto violento di e hoben S. Sierra riba 3 di November 2017. E sospechoso a wordo poni den detencion y lo wordo hiba e siman aki ainda dilanti huez-comisario.

  • Powered by SETAR