Atraco arma riba manager Glitz Casino awe tardi

Atraco arma riba manager Glitz Casino awe tardi

Posted on 12/27/2016 8:20 pm AST | Updated on 12/28/2016 12:27 am AST

ORANJESTAD - E manager di Glitz Casino a keda atraca diamars atardi. Informacion oficial cu vocero policial di polis Liliana Rasmijn a confirma pa Noticiacla.com ta mustra cu pa mas o menos 3:30 di awe tardi melding a drenta via Alarm Centrale unda Alarm Centrale a yama Centrale Post y informa cu un rato prome e manager di Glitsz Casino lo mester a wordo atraca . Na yegada di patruya di polis, e manager a declara cu e cohuntamente cu su trahado den su auto saliendo for di La Cabana direcion pa banco, hibando un suma di $ 65.000 pa deposita na banco, nan a wordo para door di un Yaris blanco. Eynan dos homber habla spaño a baha cu arma di candela den man y a pidinan pa e placa. E atracadornan no tawatin cara tapa. Un tawata tin un petchi bisti y cu camisa hoki hoki di color y jeans bisti. Eynan nan a bay cu e suma cu mester a wordo deposita, y a bay direccion zuid y subi e caminda di Sasakiweg. Atraco team a yega ne sitio di biaha na unda a cuminsa cu e investigacion. Tambe personal di slachtofferhulp pa asina asisti e victimanan. E atracadornan ta ketobay fugitivo segun vocero di polis. Ken cu por a wak algo please yama e tiplijn di polis cu ta 11141.

  • A detene 47 Venezolano ilegal na un compleho di apartamento

    A detene 47 Venezolano ilegal na un compleho di apartamento

    ORANJESTAD – Arestatie team a detene 47 Venezolano ilegal awe mainta. Segun informacion di polis awe tardi, a informa cu awemainta a wordo teni un inval na Uruguastraat number 4, a base di un informacion cu a yega na e onderzoeksteam di UGC (Crimen Organisa).

  • Atraco arma riba trahado di Nature’s Discount awe mainta

    Atraco arma riba trahado di Nature’s Discount awe mainta

    ORANJESTAD – Dialuna mainta tabatin un caso di atraco arma na Oranjestad. Informacion Dialuna mainta tempran a drenta informe di un atraco arma na Nature's Discount na Seroe Blanco. Mesora a dirigi patruyanan na e sitio. Na yegada di e patruya a bin compronde cu 2 persona bisti na preto cu capuchon y di habla spaño a pone arma na cabez di e empleada cu e instruccion pa habri e lugar mientras nan a coba den su auto. Despues di a habri e luga e 2 sospechosonan a drenta paden y a bay cu 6 saco (tas) blauw y a ordena e dama pa e no wak ni bay nan tras. Nan a sali for di e porta patras y a bay for di e sitio. Polisnan mesora a cuminza busca rond den e area. Atraco Team a ser avisa y a bini tuma e investigacion over. Slachtoffer hulp tambe a ser solicita na e sitio pa atende cu e dama victima.

  • Grupo di polis no ta sostene declaracion di presidente di SPA

    Grupo di polis no ta sostene declaracion di presidente di SPA

    ORANJESTAD – Un grupo di mas di 100 polis preocupa, miembro y no miembro di sindicato di polis SPA, ta exigi un reunion cu nan directiva. Pa medio di un comunicado manda pa e grupo aki diahuebs, nan ta reclama cu e declaracionnan recien haci (7 juli) pa tanto e presidente y vice presidente di e sindicato, no ta conta cu sosten di nan.

  • Minister lo sinta cu SPA otro siman riba problemanan di KPA

    Minister lo sinta cu SPA otro siman riba problemanan di KPA

    ORANJESTAD - Sindicato di polis SPA Edgar Maduro acompaña pa mas di 100 miembro polis, a entrega un peticion na minister di husticia Arthur Dowers, solicitando pa un reunion pa discuti e malcontento cu tin entre e polisnan y e hefe (Dolphi Richardson). E problema cu nan tin ta e insulto y falta di respet cu e alto mando tin cu e miembronan. "Nos kier drecha e comunicacion. Ora cu bo drecha e comunicacion, tur cos por cana straight/. Nos kier papia pasief" Maduro a bisa. E mandatario di husticia Arthur Dowers a compromete su mes cu pa un reunion diahuebs awor 13 di juli pa 11'or di mainta. "No ta problema. Nos ta yama e reunion y nos ta atende esaki" Dowers a priminti na e polisnan protestando.

  • Richardson: Ta conoci cu polis sa traha overtime structural henter aña

    Richardson: Ta conoci cu polis sa traha overtime structural henter aña

    ORANJESTAD - "Si ta conoci cu polis sa traha overtime structureel" Asina alto mando, esta Korps Chef Dolfi Richardson a bisa NoticiaCla diahuebs anochi brevemento. Esaki pasobra mes momento, ela mustra cu elo a prefera no toca e temanan aki publicamente awor pa motibo cu cuerpo ta na luto pa morto di nan colega. E ta papia di e criticanan cu ela tende den su direccion riba varios tema. Pero pa reacciona awor den detayes, Richardson no ta considera etico. No obstante, a duna un comentario breve riba e tema. Entre nan e asunto di overtime, cu segun Richardson, no ta nada nobo. 

  • Sindicato SPA malcontento cu situacion den cuerpo policial

    Sindicato SPA malcontento cu situacion den cuerpo policial

    ORANJESTAD - Tin malcontento den cuerpo policial segun sindicato di polis SPA pa varios motibo. Un circulario ta coriendo riba rednan social cu ta pidi cabes di mando policial y esaki ta pa varios motibo. Entre nan overtime, prohibicion di vacacion y falta di ekipo. Sindicato awe mientrastanto durante un entrevista cu Telearuba, a mustra cu nan ta rabia y cu nan no ta haya reunion cu Alto Mando. NoticiaCla.com a confirma e malcontento cu e presidente Edgar Maduro mas laat. Mientrastanto Alto Mando, Dolfi Richardson a sigura e portal aki cu e no ta altura di e kehonan aki, pero no kier a toca e tema mirando cu e cuerpo actualmente ta den luto. E no ta considera esaki etico. Sinembargo, ela duna algun clarificacion pa e portal aki. 

  • Powered by SETAR