Gobierno Hulandes cu recepcion di despedida pa ex minister Boekhoudt

Posted on 12/14/2016 11:00 am AST | Updated on 12/14/2016 11:03 am AST

DEN HAAG - E ministerio di asuntonan interno di Reino (BZK) a tene un recepcion di despedida pa minister plenipotenciario saliente Alfonso Boekhoudt diamars anochi. Normalmente ta e ministerio di e minister di Aruba mes ta haci esaki, pero e biaha aki tabatin un excepcion. Y tabata un bunita gesto como cu tabata tin hopi hende cu a y ta nifica hopi pa Aruba y reino cu por a wordo gradeci na e ocasión aki. E recepcion a tuma lugar na Escher na Den Haag. Boekhoudt tabatin oportunidad pa gradici tur trahado di Arubahuis, ATA, e ministerio di relacionan di Reino, hopi embahador, comerciantenan y e NGO's pa nan cooperacion durante e ultimo 3 añanan. Esnan cu a hiba palabra tabata Minister Ronald Plasterk, Hans Biesheuvel, y obviamente Boekhoudt. E tabata un bunita manera pa gradici esnan cu tabata tin un curason pa Aruba durante Boekhoudt su periodo na Hulanda.

 

  • Plasterk: Gobernador George Wout a actua corecto

     Plasterk: Gobernador George Wout a actua corecto

    DEN HAAG – Conseho di minister di Reino no ta duda den e legitimidad di e decision pa tene eleccion dia 28 conforme e LB di dia 12 di februari ultimo. Asina minister Ronald Plasterk a informa presidente di parlamento di Corsou den un carta awe. “Gobierno di Reino ta di opinion cu e decision tuma no ta en pugna cu tratado internacional, statuut, un Rijkswet of un AMvRB” Plasterk ta manda bisa Pisas den e carta awe. “Como tal Gobernador, segun gobierno di Reino, a ratifica e decision corectamente”, e mandatario a sigui bisa.

  • Postura VVD pa Aruba y resto Caribe Hulandes no ta cambia

    Postura VVD pa Aruba y resto Caribe Hulandes no ta cambia

    DEN HAAG – “E postura pa cu Aruba y e islanan di Caribe Hulandes ta keda mescos” parlamentario pa partido VVD den Tweede Kamer Andre Bosman a sigura NoticiaCla.com. “Mi ta hopi contento cu e pueblonan di Aruba, Corsou y St Maarten. Solamente cu e gobernantenan mester drecha nan situacion” Bosman a bisa. Cu esey, e ta referi na e situacion financiero mester ta na ordo. Di otro banda, presidente di e comision di Reino de Tweede Kamer Jeroen Recourt y colega Roelof van Laar di PvdA no ta bolbe mirando cu nan no a keda eligi. Esey por trece cambio den cierto miembrecia y cu ne. Esaki aunke cu Bosman ta sigura cu cos ta keda manera cu e tabata.

  • Resultado eleccion Hulanda por forza coalicion di 4 partido

    Resultado eleccion Hulanda por forza coalicion di 4 partido

    DEN HAAG – Awor cu resultado di eleccion Hulandes ta conoci, ta bin e trabou duro di forma un gobierno nobo. For di e corant Hulandes NRC, tin indicacion cu lo mester tin 4 partido pa forma un gobierno nobo, mirando e reparticion di asiento. Algo mas dificil cu e eleccion di 2012. Y tur wowo lo ta riba e partido GroenLinks. VVD tin 33 asiento, y PVV tin 13 asiento menos. Awe reunionnan a cuminsa caba pa analisa y cuminsa investiga e posibilidadnan.

  • Partido VVD di Mark Rutte a gana eleccion na Hulanda

    Partido VVD di Mark Rutte a gana eleccion na Hulanda

    DEN HAAG – Segun e exitpolls cu a sali, partido politico VVD di Mark Rutte a gana eleccion di Tweede Kamer na Hulanda. Cu un total di 31 asiento nan ta keda e partido di mas grandi, aunke cu nan a perde 10 asiento. Partido di coalicion PvdA a sufri un derota fuerte, di 38 asiento te na 9 asiento. PVV di Geert Wilders ta haya 19 asiento (un aumento di 4 asiento) y ta bira e di ‘dos’ partido di Hulanda, hunto cu CDA di Sybrand Buma (aumento di 6 asiento) y D66 di Alexander Pechtold cu a subi cu 7 asiento. Keda pendiente pa mas informacion pa e resultado final. Foto Worldbulletin. 

  • Minister Plenipotenciario Yrausquin a vota na Arubahuis

    Minister Plenipotenciario Yrausquin a vota na Arubahuis

    DEN HAAG – Minister Plenipotenciario Juan David Yrausquin conhuntamente cu su esposa Amy Yrausquin-Roos a vota pa eleccion pa Tweede Kamer den Sala Padu del Caribe, cu pa awe ta funciona como stemlokaal. Otro personal di Cas di Aruba y ATA Europa tambe a vota na Arubahuis. Minister Yrausquin ta haci un yamada na tur Arubianonan bibando na Den Haag pa bin Cas di Aruba y haci uso di nan derecho di voto. Despues di votacion tin espacio pa combersa cu minister Yrausquin mientras cu ta disfruta di un pastechi y algo di bebe.

  • Douane Hulandes a descubri droga den container di Aruba

    Douane Hulandes a descubri droga den container di Aruba

    ROTTERDAM – Douane na Hulanda a descubri cocaina scondi na un lugar hopi peculiar na waf di Rotterdam. E droga tabata scondi den portanan bieu di auto cu tabata meymey di e ‘wacharaca’. E portanan tabata den dos container procedente for di Aruba. Ta trata di 51 kilo cocaina cu riba caya, tin un balor di 1 miyon euro. E containernan tabata destina pa un negoshi na Noord Brabant. E doño a wordo interoga pa polis caba. E droga mes a wordo haya luna pasa, pero ta apenas awor husticia a publica e noticia aki. E cocaina mientrastanto a wordo destrui. Fuente RTV Rijnmond. Foto cortesia OM Hulanda.

  • Powered by SETAR