Gobernador a conclui su despedida den Reino Hulandes

Posted on 12/13/2016 6:48 pm AST | Updated on 12/14/2016 12:37 am AST

DEN HAAG - Siman pasa Gobernador Fredis Refunjol a conclui su biahe di despedida den Reino na Hulanda. Gobernador a tene audiencia di despedida cerca Su Mahestad Rey Willem Alexander, prome minister Hulandes Mark Rutte, minister Ronald Plasterk, y minister plenipotenciario di Aruba Juan David Yrausquin. Gobernador tabata acompaña pa su distinguida esposa. 

RECEPCION DI DESPEDIDA 

Siman pasa diahuebs gobierno Hulandes (minister Ronald Plasterk) a ofrece un recepcion di despedida, unda cu tabatin discurso di entre otro minister di defensa Hennis-Plasschaert, minister Yrausquin y director di gabinete di Gobernador di Aruba.  

COMMANDEUR IN DE ORDE VAN ORANJE NASSAU

Manera cu NoticiaCla.com a relata den forma di exclusividad siman pasa caba, Rey Willem Alexander, debi na e labor extraordinadio cu sr Refunjol a desplega pa Reino y particularmente Aruba, a dun'e e condecoracion como  Commandeur in de Orde van Oranje Nassau. Minister Plasterk a otorga e distincion aki. Gobernador den su discurso final, a gradici Rey Willem Alexander pa e honor y pa e sosten, y tur otro persona cu a contribui pa e por a completa su termino di Gobernador durante e 12 añanan y 8 luna. Diahuebs awor gobierno di Aruba ta ofrece un recepcion di despedida pa Gobernador Fredis Refunjol. Su ultimo dia di trabou oficialmente ta 31 di december.

  • Richard van Zwol miembro nobo di Conseho di Estado Hulandes

    Richard van Zwol miembro nobo di Conseho di Estado Hulandes

    DEN HAAG – Actual secretario general di ministerio di Reino Hulandes Richard van Zwol (52), ta bira proximo miembro di conseho di estado, den e departamento di conseho di estado. Conseho di minister a aproba e proposicion di minister Ronald Plasterk pa propone van Zwol pa e posicion. E nombracion ta drenta na vigor entrante 1 di october. Van Zwol tabata instrumental den e relacion entre Aruba y Hulanda y e coneccion pa sigura cu tur cos marcha bon entre e dos paisnan aki. E ta e persona mas importante den gobernacion pa cu Aruba, y ta bisa te hasta cu e tin mas poder cu Plasterk mes.

  • Aruba a firma tratado di TIEA cu Alemania

    Aruba a firma tratado di TIEA cu Alemania

    DEN HAAG –  Na embahada di Alemania na Den Haag a tuma lugar firmamento di un tratado di TIEA – Tax Information and Exchange Agreement – entre Aruba y Alemania. Den nomber di Alemania a firma Embahador  Aleman na Hulanda Dirk Brengelmaa. Den nomber di Aruba a firma Minister Plenipotenciario Juan David Yrausquin. E tratado menciona ta stimula e intercambio di informacion entre Alemania y Aruba y ta di importancia pa combati fraude fiscal. Cu e tratado aki Aruba ta garantisa un sistema huridico stabil cu ta necesario pa crea un brug entre Latino America y Europa.

  • Hobencito Sheyden Winterdaal a haci prome testnan caba na Hulanda

    Hobencito Sheyden Winterdaal a haci prome testnan caba na Hulanda

    UTRECHT - E hobencito Sheyden Winterdaal ta wardando resultado di testnan haci pa docternan por determina su proximo accion. Asina e tata Edmar a pone riba su pagina di facebook awe. Manera ta conoci, Sheyden a biaha urgentemente pa Hulanda e siman aki pa su salud. Informacion tabata cu elo tin un tumor cu por ta canceroso. Su caso a haya hopi atencion ora cu e tata a informa cu e no tabatin modo financiero pa e tambe yega Hulanda pa ta cu su yiu. El a kita di trabou y cuminsa mobilisa 'shelo y tera' pa logra cera e placa necesario. AZV a informa cu mesora nan a atende cu e caso y cubri e yiu y e mama, pero no e tata. E peticion dramatico emocional di e tata a logra cu ela haya e fondonan necesario door di colecte rapido di comunidad. Nan ta na Hulanda awor pendiente e tratamentonan necesario pa e salud di e criatura di 2 aña. Foto cortesia Edmar Winterdaal.

  • Milly Schwengle ta representa Aruba den Conseho di Estado di Reino

    Milly Schwengle ta representa Aruba den Conseho di Estado di Reino

    DEN HAAG - Conseho di minister di Reino a aproba pa propone mr. Milly Schwengle na Su Mahestad Rey Willem Alexander pa bira e proximo miembro di 'Conseho di Estado di Reino' (Raad van State van Koninkrijk). E lo representa Aruba den e Conseho. E ta reemplasa mr Mito Croes (dfm) cu tabatin e funcion te 1 di juni 2016, y despues a fayece. No ta conoci ki dia Schwengle lo asumi den su funcion nobo. Schwengle ta abogado di profesion na Aruba cu bufete HBN Law y ta un 'managing partner'.  

  • Prome minister Rhuggenaath ta bishita Rey y prome minister Hulandes

    Prome minister Rhuggenaath ta bishita Rey y prome minister Hulandes

    DEN HAAG - Su mahestad Rey Willem Alexander y prome minister Hulandes Mark Rutte ta topa prome minister di Corsou Eugene Rhuggenaath diabierna awor na Hulanda. E Rey ta ricibi Rhuggenaath den audiencia na Eikenhorts. E encuentro cu Rutte ta tuma lugar na ministerio di Asuntonan General. Ta prome biaha cu Rhuggenaath ta na Hulanda desde su huramentacion como prome minister na mei. Foto ta cortesia Rhuggenaath di su bishita na Aruba aña pasa. 

  • Corte: No ta divulga nomber di agentenan envolucra cu morto Mitch Henriquez

    Corte: No ta divulga nomber di agentenan envolucra cu morto Mitch Henriquez

    DEN HAAG - Hues na Den Haag awe a dicidi cu e nomber di e 5 agentenan policial envolvi den detencion di e Arubiano Mitch Henriquez (dfm) lo no bira publico pa e famianan di e defunto. Asina e portal Hulandes nu.nl ta raporta. E peticion a keda rechasa fin di maart ultimo tambe. Segun e portal, e famianan di Henriquez kier sa e nombernan pasobra nan kier yama nan como testigo den un asina yama 'caso di testigo' den preparacion pa un caso civil. E hues a bisa cu a rechasa esaki pasobra den pasado recien di un caso sumario tambe a rechasa e caso e tempo ey. "Pa medio di un huez provisor no por bringa un decision di un otro hues". 

  • Powered by SETAR