Gobernador a conclui su despedida den Reino Hulandes

Posted on 12/13/2016 6:48 pm AST | Updated on 12/14/2016 12:37 am AST

DEN HAAG - Siman pasa Gobernador Fredis Refunjol a conclui su biahe di despedida den Reino na Hulanda. Gobernador a tene audiencia di despedida cerca Su Mahestad Rey Willem Alexander, prome minister Hulandes Mark Rutte, minister Ronald Plasterk, y minister plenipotenciario di Aruba Juan David Yrausquin. Gobernador tabata acompaña pa su distinguida esposa. 

RECEPCION DI DESPEDIDA 

Siman pasa diahuebs gobierno Hulandes (minister Ronald Plasterk) a ofrece un recepcion di despedida, unda cu tabatin discurso di entre otro minister di defensa Hennis-Plasschaert, minister Yrausquin y director di gabinete di Gobernador di Aruba.  

COMMANDEUR IN DE ORDE VAN ORANJE NASSAU

Manera cu NoticiaCla.com a relata den forma di exclusividad siman pasa caba, Rey Willem Alexander, debi na e labor extraordinadio cu sr Refunjol a desplega pa Reino y particularmente Aruba, a dun'e e condecoracion como  Commandeur in de Orde van Oranje Nassau. Minister Plasterk a otorga e distincion aki. Gobernador den su discurso final, a gradici Rey Willem Alexander pa e honor y pa e sosten, y tur otro persona cu a contribui pa e por a completa su termino di Gobernador durante e 12 añanan y 8 luna. Diahuebs awor gobierno di Aruba ta ofrece un recepcion di despedida pa Gobernador Fredis Refunjol. Su ultimo dia di trabou oficialmente ta 31 di december.

  • Hulanda: No tini castigo contra polisnan envolvi den morto di Mitch Henriquez

    Hulanda: No tini castigo contra polisnan envolvi den morto di Mitch Henriquez

    SCHIPHOL - Ministerio  publico no a exigi castigo contra dos polis, involuncra cu maltrato di Arubiano Mitch Henriquez na 2015, cu a fayece un dia despues. Asina e portal Hulandes nu.nl ta raporta dialuna mainta.  Segun OM, a conclui cu e agentenan a haya suficiente castigo caba door di impacto di e caso. 'Si nos mira na castigonan impone pa tipo di casonan asina, un culpabilidad sin castigo ta basta", e fiscal a bisa. 'Banda di esey, e agentenan mester a biba 2 aña y mei cu e pensamento cu nan tabata penalmente responsabel pa e morto di Henriquez y cu den media ya caba nan ta culpabel pa su morto". Nan ta sinti cu e pensamento cu Henriquez a muri a consecuencia di strangulamento, no tin base mas. Como tal ta sali di e punto di bista cu Henriquez a fayece di un sindroma di stress agudo. Esey, no obstante e rapport di un patologo di Nederlands Forensic Instituut cu a determina morto a consecuencia di asfixia debi na strangulamento. "E ta para su so den esaki" e fiscal ta bisa, segun e raportahe di Nu.nl. Foto cortesia nu.nl

  • Rey Willem Alexander y Maxima ta bishita Isla Riba fin di luna

    Rey Willem Alexander y Maxima ta bishita Isla Riba fin di luna

    DEN HAAG - Rey Willem Alexander y Reina Maxima ta biaha pa St Maarten, Saba y Statia fin di luna. E ta bira e di dos bishita di e Rey desde cu e islanan a haya un sla di horcan Irma. Despues di e desaster, e Rey acompaña e tempo ey pa minister Ronald Plasterk a bishita e islanan. E bishita siguiente ta di 30 di november pa 2 di december proximo. E biaha aki secretario di estado pa asuntonan di Reino Raymond Knops ta acompaña e pareha Real. Siman pasa e gabinete di Hulanda a aproba pa duna 550 miyon euro pa reconstruccion di St Maarten. Pa e otro islanan Saba y Statia a pone hunto 67 miyon disponibel.

  • Famia Mitch Henriquez ta bandona sala di corte den protesta

    Famia Mitch Henriquez ta bandona sala di corte den protesta

    DEN HAAG/SCHIPHOL - Famianan di e Arubiano Mitch Henriquez y e abogadonan a bandona e sala di corte diahuebs merdia den un forma di protesta na Schiphol. Asina prensa Hulandes ta raporta. E famia y e abogadonan no kier sigui 'legitima' e proceso criminal contra e dos agentenan policial cu ta sospechoso den e caso di morto di Henriquez. Asina e abogado Korver a bisa. Segun e abogado, e famia ta sinti su mes 'abandona' y trata como 'ciudadano di segundo rango'. 

  • Arubahuis: Tin scarsedad di camber pa e studiantenan otro aña na Hulanda

    Arubahuis: Tin scarsedad di camber pa e studiantenan otro aña na Hulanda

    DEN HAAG  – Cas di Aruba, cu ta responsabel pa guia di nos studiantenan na Hulanda, ta pone hopi enfasis riba e preparacionnan cu nos hobennan cu ta pensa di bin studia na Hulanda mester haci. Manera e caso di busca un camber. Ya ta november caba y p'esey ta importante cu esun cu pa otro aña kier bin Hulanda, cuminsa busca un camber. Mentor pa e region di Den Haag, Leiden y Delft, Charité Hu-a-ng-Brion, ta duna un splicacion riba e procedura pa aplica pa camber pa studiante.

  • Imagen nobo di detencion di Mitch Henriquez den corte awe

    Imagen nobo di detencion di Mitch Henriquez den corte awe

    SCHIPHOL – Tin imagen nobo di e detencion fatal di e Arubiano, Mitch Henriquez di 2015, cu fiscal di husticia a bisa cu ‘e no tabata na altura di dje’. Ta trata di e imagennan original, contrario na e imagennan cu OM di Rijksrecherche a haya, segun abogado Richard Korver. E imagennan aki si ta cla y bon comprendibel.

  • Mitch Henriquez a grita cu e tin arma, segun polis den corte

    Mitch Henriquez a grita cu e tin arma, segun polis den corte

    DEN HAAG/SCHIPHOL   Prome cu su detencion, Mitch Henriquez tabata bisa cu e ‘tin un arma di caliber 52’, y tambe el a haci ‘movecion di ganster’ y a tene su parti intimo varios biaha. Asina agentenan policial cu ta sospechoso den caso di morto di Henriquez, a testigua dialuna mainta den corte na Schiphol. Henriquez a wordo atendi pa e polisnan y bisa pa bay di e lugar. El a bay di eynan, compaña pa un muher, pero a los y a bay bek pa e polisnan pa bolbe bisa cu e tin un arma. E prome biaha e tabata hari, pero despues no mas. “E tabata asina menasante cu mi a echt kere cu e tabatin un arma”, un di e polisnan den e caso a testigua den corte. Henriquez a wordo deteni pa 5 agente y a fayece un dia despues di su detencion. Dos di e polisnan ta sospechoso relaciona cu e morto. Nan a wordo identifica como polis DH01 y DH02. Hasta nan voz a wordo cambia. Abogado pa e famia a purba pa haya nan identidad bira publico pero no a logra. Huez ta dicta sentencia dia 20 di November. Fuente Telegraaf

  • Powered by SETAR