TBO a detene Francesco Corallo na St Maarten

Posted on 12/13/2016 10:09 am AST | Updated on 12/14/2016 12:23 am AST

PHILLIPSBURG - For di den oranan trempan di mainta diamars 13 december tin un accion andando di e team pa combati criminalidad cu ta mina (TBO) di Recherche Samenwerkingsteam (RST). Riba peticion di autoridadnan Italiano a detene hember F.C.Corallo (56) naci na Italia. Bou di guia di un hues comisario ta tene entradanan hudicial na un cas y un oficina.

Tambe na e parti Franses di St. Maarten a realisa un detencion y entradanan hudicial lo tuma luga bou di guia di un hues comisario Franses. Eynan a detene R.B. (50) naci na Hulanda.

E arestonan y entradanan hudicial ta forma parti di un accion internacional cu ta tumando luga simultaneamente na Italia, St. Maarten, parti Franses di St. Maarten y Hulanda. Corallo tabata den noticia tambe relaciona cu ex prome minister y actual parlamentario Gerrit Schotte, unda cu a link Schotte cu Corallo pa fabornan politico. 

 

Fuente: TBOAnticorruptionWatch Fotonan cortesia TBOAnticorruptionWatch

  • Forza di motor di avion na aeropuerto di St Maarten a benta turista abou y mate

    Forza di motor di avion na aeropuerto di St Maarten a benta turista abou y mate

    PHILLIPSBURG – Un turista a muri diaranzon atardi despues di a dal su cabez riba un bloki, patras di e heki di e aeropuerto Princess Juliana International banda di e Maho Beach. E ta algo hopi usual cu turistanan diariamente ta bishita e area ey pa experiencia e forza di un avion ora cu nan lanta buelo. E dama tabata wanta na e heki, ora cu e forza di e motor di e avion a tire riba caya, pone cu el a dal su cabez y mande lew. Ambulance a yega pero no por haci nada mas. Na Hospital docternan a constata su morto. Foto cortesia SXM Daily Herald. 

  • Ministernan di husticia di Caribe Hulandes kier revalua tarea di RST

    Ministernan di husticia di Caribe Hulandes kier revalua tarea di RST

    DAWN BEACH - Ministernan di husticia di Caribe Hulandes kier revalua tarea di RST. Asina e corant di St Maarten Daily Herald ta raporta. Nan ta referi na e reunion bi-annual entre ministernan di husticia di Reino. E reunion tabata e siman aki na St Maarten entre ministernan Blok (Hulanda), Dowers (Aruba), Boasman (St Maarten) y Girigorie (Corsou).

  • Periodistanan Colombiano ta exigi liberacion di coleganan di programa Spoorloos

    Periodistanan Colombiano ta exigi liberacion di coleganan di programa Spoorloos

    BOGOTA - Periodistanan di e fundacion Colombiano pa libertad di prensa FLIP, a bula aden pa defende nan coleganan Hulandes secuestra na Colombia esta Derk Bolt y Eugenio Follender. Ambos ta traha cu e programa 'Spoorloos' cu ta conoci pa ta busca paradero di famianan perdi di ciudadanonan Hulandes. Ironicamente nan mes 'disparce' durante un buskeda na Colombia, ora cu nan a wordo secuestra pa e grupo guerillero ELN. E periodistanan Colombiano a protesta cu pancarta riba plaza na Bogota y riba pancarta e texto cu nan kier liberacion di nan coleganan. Un dia anterior accionnan militar a wordo para, como gesto pa e guerilleronan para nan accion y libera e periodistanan. E periodistanan a disparce den e jungle di Cucuta. 

  • Diputado di Bonaire Clark Abraham den libertad atrobe

    Diputado di Bonaire Clark Abraham den libertad atrobe

    KRALENDIJK - Diputado di Bonaire Clark Abraham a recobra su libertad awe. Asina vocero di OM Norman Serphos a confirma. Segun Serphos, Ministerio Publiko BES a presenta e sospechoso  Abraham awe dilanti un Hues-Comisario. OM ta di opinion cu e investigashon di KPCN a presenta suficiente sospecho serio pa pidi Hues-Comisario su enkarselacion. Parew cu esei OM a pidi pa schors e encarselacion bou di condishonan stringente pa evita cu e sospechoso ta ripiti e hechos. Condishonan manera entre otro cu e sospechoso ta keda un distancia for di e cas di su partner cu mientrastanto ta biba na un otro adres. Tambe cu e sospechoso ta sigi coopera cu raportahenan. Bou di e condicionan aki e por warda persicucion penal liber na cas.

  • OM: Diputado Clark Abraham ta sigui deteni na Bonaire

    OM: Diputado Clark Abraham ta sigui deteni na Bonaire

    KRALENDIJK - Conocido politico y actual diputado di Bonaire Clark Abraham ta sigui deteni. Vocero di ministerio publico Norman Serphos a confirma dialuna mainta cu Clark ta aktualmente den su encarselashon preventivo di 2 x 24 ora (inverzekeringstelling). Mayan, djamars 20 di juni 2017, Fiskal tin cu tuma un desicion pa loke ta trata su prolongacion di encarselacion preventivo. E ta ser sospechá door di Ministerio Publiko BES di entre otro di maltrato, stalking, violashon di privacidad (huisvredebreuk) i saca un menor di edad for di custodia di mayor sin autorisacion. Den e caso aki tin un denuncia haci.

  • Diputado Clark Abraham di Bonaire deteni

    Diputado Clark Abraham di Bonaire deteni

    KRALENDIJK. - A detene e homber Clark Abraham diasabra anochi alrededor di 8 or na warda di polis di Boneiro. Asina vocero di OM Norman Serphos a confirma pa NoticiaCla. E ta ser sospecha entre otro di maltrato, stalking, violacion di privacidad (huisvredebreuk) y saca un menor di edat for di custodia di mayor sin autorisacion. Den e caso aki tin un denuncia haci. E detencion a tuma lugar riba ordo di Fiscal di Ministerio Publico (OM) BES. KPCN ta encarga cu e investigacion.

  • Powered by SETAR