Frank Rijkaard dunando training na coachnan y muchanan di LIFIDA

Frank Rijkaard dunando training na coachnan y muchanan di LIFIDA

Posted on 12/9/2016 10:26 am AST | Updated on 12/9/2016 10:26 am AST

ORANJESTAD - Presidente di Arubaanse Voetbal Bond, ing. Richard Dijkhoff a informa cu e astro di futbol Hulandes, Frank Rijkaard, a yega Aruba pa duna clinics na trainernan di ekiponan di futbol di division infantil y na e muchanan mes. 

Frank Rijkaard ta un personahe hopi conoci den mundo di futbol internacional. Despues di un carera exitoso na Hulanda unda cu el a forma parti di seleccion Hulandes, entre otro el a bay forma parti di teamnan Europeo manera AC Milan y FC Barcelona. Den un lapso masha cortico el a sa di conkista dos trofeo di Europa cu e ekipo Barcelona y a titula campeon na Spaña na mas di un ocasion cu e ekipo Barcelona.

“Despues di un peticion di Jan Poets pa por invita Frank Rijkaard pa ta presente den su programa durante su award night como cu e tabata e persona cu a encurash’e pa sigui den e ramo di periodismo, cu mesora nos a haci tur esfuerso pa trece Aruba y alabes pa e tene cursonan special y clinics pa LIFIDA cu ta cay bao di AVB. A dicidi di organisa un curso di dos dia pa e coachnan y muchanan di U13 y U15,” asina Richard Dijkhoff a splica.

Durante e dos dianan aki, Frank Rijkaard a comparti su experiencia cu e diferente coachnan cu tin TC3. Frank Rijkaard a guia e trainernan y conhuntamente cu esey a duna curso na 60 mucha cada dia na Centro Deportivo Frans Figaroa. 

E curso aki ta den cuadro cu e cooperacion cu AVB tin cu KNVB. Dos siman pasa otro astro di futbol Hulandes, Ruud Gullit, tabata na Aruba “y tin cu bisa cu e coachnan cu a haya clinicnan aki a keda super contento. Nan a siña masha hopi mes y esaki nos ta spera di Frank Rijkaard tambe,” asina Richard Dijkhoff a duna di conoce. E cursonan ta tuma luga dianan 7 y 8 di december.

Combina cu e cursonan e strea di futbol a pone dos dia riba su bishita di trabao pa asina e por descansa y gosa un poco di e hospitalidad Arubano. A hib’e diferente localidad na Aruba y a keda encanta cu nos isla. Frank ta bisa cu el a combina e trip aki pa duna e clinic y disfruta un poco di e solo y hendenan amabel. 

Asina aki AVB a haci su maximo esfuerso pa por logra haya Frank Rijkaard na Aruba. Dor di e bon contacto y cooperacion entre e Presidente di AVB y e presidente di KNVB di Hulanda, a dicidi cu KNVB ta coopera pa Rijkaard por duna curso na e division infantil di AVB, algo masha di aprecia. 

 

  • Bolichera Arubano Thashaina Seraus a haya cobertura na Merca

    Bolichera Arubano Thashaina Seraus a haya cobertura na Merca

    ARLINGTON  – E bolichera di Aruba Thashaina Seraus a haya reconocemento ora cu su ‘storia’ a keda publica na Merca e siman aki riba e website di e asociacion di damas profesional bolichera, esta PWBA. Un recorte di su exitonan cu a conduci unda cu e ta actualmente. E base di e cobertura pa Seraus, ta e hecho cu e ta debuta na television Mericano como amateur den e Pepsi PWBA Lincoln Open awe nochi (diamars) 8 p.m. riba CBS Sports Network. E articulo ta haci mencion cu e ta un di e top bolicheronan di Aruba, y cu awor e ta parti di e ekipo di University of Maryland-Eastern Shore. Ta menciona tambe su resume impresionante. Mientrastanto bolichera Arubano profesional Kamilah Dammers ta na Merca tambe (New York) den competencia profesional e siman aki. Lesa e articulo completo AKI.

  • Tin chens ainda pa vota pa Xander Bogaerts hunga den All Star atrobe

    Tin chens ainda pa vota pa Xander Bogaerts hunga den All Star atrobe

    ARLINGTON -- Tin tempo ainda pa vota pa manda e Arubiano di Red Sox Xander Bogaerts pa su di dos wega di estreya, esta All Star Game. Den e prome update di votamento, tercera base di RoyalsMike Moustakas tabatin 4.4 miyon voto, sigui pa Bogaerts, Yankees shortstop Didi Gregorius, Elvis Andrus y primera base di Rays Rays  Logan Morrison. Fanaticonan por vota pa Bogaerts via text message te cu 35 biaha via telefon te 4 pm diahuebs cu ta e deadline. Pa vota pa Bogaerts, mester text A2 pa e number 89269 na Merca. Text "STOP" pa caba.  Fans por mustra nan sosten tambe door di tweet  #VoteX. Fanaticonan por vota tambe riba MLB.com. Pa vota pa Xander por bay AKI tambe. 

  • Deportivo Nacional ta gana RCA 3-1 y ta titula campeon di Aruba

     Deportivo Nacional ta gana RCA 3-1 y ta titula campeon di Aruba

    ORANJESTAD - Despues di a cay venci ultimo wega 6-2, Nacional a bounce back diamars y gana di RCA cu e score di 3-1 diamars anochi, titulando nan mes campeon di division di honor di Aruba. E prome goal tabata pa Nacional den di 11 minuut di Devis Oliveros, sigui pa e di dos na di 52 minuut di Kenroy Ramos. Pero RCA ta purba drecha e score y ta anota na di 64 minuut cu e goal di Frederich Gomez, haciendo e wega 2-1. Pero ya casi faltando 3 minuut pa e wega termina, Albert Franken ta hinca e goal final pa Nacional na di 87 minuut, sigurando e victoria cu e score di 3-1. Asina Nacional ta kita e titulo di RCA cu tabatin algun aña consecutivo. Minister di deporte Alex Schwengle a disfruta di e wega, no obstante e tabatin problema cu algun asunto menos deportivo durante e wega. E no tabatin favorito, pero a sigura e portal aki cu ela disfruta si di e wega. Pabien pa Nacional y e districto di Noord, cu a sa di bounce back y bay cu e titulo di campeon.

  • RCA a gana Nacional 6-2 y pusha pa un di 3 wega

     RCA a gana Nacional 6-2 y pusha pa un di 3 wega

    ORANJESTAD - Diasabra anochi a tuma luga e di 2 wega di final di e campeonato 2016-2017 di Division Honor di Arubaanse Voetbal Bond. S.V. RCA a bay cu e victoria riba Deportivo Nacional, un wega cu a termina 6-2. E team di Solito a yega stadion determina pa gana y asina a pusha pa un di 3 wega, cu lo bira tambe e ultimo wega den e sistema di “Best out of 3”.

  • S.V. RCA y Deportivo Nacional ta enfrenta otro diasabra

    S.V. RCA y Deportivo Nacional ta enfrenta otro diasabra

    ORANJESTAD - E campeonato di Division Honor 2016-2017 poco poco ta yegando su final. Diasabra anochi S.V. RCA lo enfrenta Deportivo Nacional na stadion Guillermo Prospero Trinidad. E wega lo ta decisivo pa ambos team. Pa S.V. RCA esaki ta un presion pasobra nan no por ni perde ni empata, nan mester gana pa asina pusha un di 3 wega. Mientras pa Deportivo Nacional esaki ta un presion pa nan, pasobra nan kier termina e wega e anochi y esaki lo pasa si nan gana of empata.

  • SV Dakota: Lamento cu no kier scucha nan puntonan

    SV Dakota: Lamento cu no kier scucha nan puntonan

    ORANJESTAD - SV Dakota ta lamenta cu comision di apelacion di futbol no a scucha nan y no a acepta peticion pa 'herzie' nan desicion. Den un carta extenso, nan ta splica nan puntonan. Y segun e fundacion, pa nan e puntonan ariba menciona ta sigur puntonan excepcional i/o nobo pa asina Beroepscommissie dicidi pa cambia nan decision.  " Si esakinan no ta, kico ta anto? Derechonan mester wordo respeta y tur partido mester wordo trata igual. E biaha aki, esaki lamentablemente no tabata e caso" e fundacion ta sigui bisa. 

  • Powered by SETAR