Minister Yrausquin a conoce personal di Gabinete di Aruba

Posted on 11/21/2016 6:50 pm AST | Updated on 11/21/2016 11:28 pm AST

DEN HAAG  – Minister Plenipotenciario Juan David Yrausquin a keda ricibi dialuna door di e personal di Gabinete di Aruba y ATA Europa riba su prome dia di trabou como Minister Plenipotenciario di Aruba na Hulanda. E mandatario a ser cordialmente ricibi pa directora di Gabinete di Aruba Shandra John.

Den Sala Betico Yrausquin a dirigi palabra na e personal. Na e ocacion aki e mandatario a papia riba su metanan pakico ela bin Hulanda. Importante den esaki ta estrecha e laso entre Aruba y Hulanda y tambe cu Reino. Tambe sr. Yrausquin a bisa di ta hopi enfoca pa keda na altura di loke ta biba bou di e comunidad Arubiano na Hulanda. Juan David Yrausquin a bisa cu den logra y fiha su otro metanan e ta haci un apelacion riba e personal di Gabinete di Aruba loke nan ta mira como importante pa realisa den un aña. Finalmente e mandatario a bisa di lo pasa na tur departamento pa cera conoci cu e personal mas di cerca y haya mas detayes riba nan tareanan. 

Den fin di siman cu a pasa minister Yrausquin a yega Hulanda y na cual ocacion ela keda encontra na Schiphol pa directora di Gabinete di Aruba Shandra John. Nota : potretnan ta di Gabinete di Aruba.

 

  • Richard van Zwol miembro nobo di Conseho di Estado Hulandes

    Richard van Zwol miembro nobo di Conseho di Estado Hulandes

    DEN HAAG – Actual secretario general di ministerio di Reino Hulandes Richard van Zwol (52), ta bira proximo miembro di conseho di estado, den e departamento di conseho di estado. Conseho di minister a aproba e proposicion di minister Ronald Plasterk pa propone van Zwol pa e posicion. E nombracion ta drenta na vigor entrante 1 di october. Van Zwol tabata instrumental den e relacion entre Aruba y Hulanda y e coneccion pa sigura cu tur cos marcha bon entre e dos paisnan aki. E ta e persona mas importante den gobernacion pa cu Aruba, y ta bisa te hasta cu e tin mas poder cu Plasterk mes.

  • Aruba a firma tratado di TIEA cu Alemania

    Aruba a firma tratado di TIEA cu Alemania

    DEN HAAG –  Na embahada di Alemania na Den Haag a tuma lugar firmamento di un tratado di TIEA – Tax Information and Exchange Agreement – entre Aruba y Alemania. Den nomber di Alemania a firma Embahador  Aleman na Hulanda Dirk Brengelmaa. Den nomber di Aruba a firma Minister Plenipotenciario Juan David Yrausquin. E tratado menciona ta stimula e intercambio di informacion entre Alemania y Aruba y ta di importancia pa combati fraude fiscal. Cu e tratado aki Aruba ta garantisa un sistema huridico stabil cu ta necesario pa crea un brug entre Latino America y Europa.

  • Hobencito Sheyden Winterdaal a haci prome testnan caba na Hulanda

    Hobencito Sheyden Winterdaal a haci prome testnan caba na Hulanda

    UTRECHT - E hobencito Sheyden Winterdaal ta wardando resultado di testnan haci pa docternan por determina su proximo accion. Asina e tata Edmar a pone riba su pagina di facebook awe. Manera ta conoci, Sheyden a biaha urgentemente pa Hulanda e siman aki pa su salud. Informacion tabata cu elo tin un tumor cu por ta canceroso. Su caso a haya hopi atencion ora cu e tata a informa cu e no tabatin modo financiero pa e tambe yega Hulanda pa ta cu su yiu. El a kita di trabou y cuminsa mobilisa 'shelo y tera' pa logra cera e placa necesario. AZV a informa cu mesora nan a atende cu e caso y cubri e yiu y e mama, pero no e tata. E peticion dramatico emocional di e tata a logra cu ela haya e fondonan necesario door di colecte rapido di comunidad. Nan ta na Hulanda awor pendiente e tratamentonan necesario pa e salud di e criatura di 2 aña. Foto cortesia Edmar Winterdaal.

  • Milly Schwengle ta representa Aruba den Conseho di Estado di Reino

    Milly Schwengle ta representa Aruba den Conseho di Estado di Reino

    DEN HAAG - Conseho di minister di Reino a aproba pa propone mr. Milly Schwengle na Su Mahestad Rey Willem Alexander pa bira e proximo miembro di 'Conseho di Estado di Reino' (Raad van State van Koninkrijk). E lo representa Aruba den e Conseho. E ta reemplasa mr Mito Croes (dfm) cu tabatin e funcion te 1 di juni 2016, y despues a fayece. No ta conoci ki dia Schwengle lo asumi den su funcion nobo. Schwengle ta abogado di profesion na Aruba cu bufete HBN Law y ta un 'managing partner'.  

  • Prome minister Rhuggenaath ta bishita Rey y prome minister Hulandes

    Prome minister Rhuggenaath ta bishita Rey y prome minister Hulandes

    DEN HAAG - Su mahestad Rey Willem Alexander y prome minister Hulandes Mark Rutte ta topa prome minister di Corsou Eugene Rhuggenaath diabierna awor na Hulanda. E Rey ta ricibi Rhuggenaath den audiencia na Eikenhorts. E encuentro cu Rutte ta tuma lugar na ministerio di Asuntonan General. Ta prome biaha cu Rhuggenaath ta na Hulanda desde su huramentacion como prome minister na mei. Foto ta cortesia Rhuggenaath di su bishita na Aruba aña pasa. 

  • Corte: No ta divulga nomber di agentenan envolucra cu morto Mitch Henriquez

    Corte: No ta divulga nomber di agentenan envolucra cu morto Mitch Henriquez

    DEN HAAG - Hues na Den Haag awe a dicidi cu e nomber di e 5 agentenan policial envolvi den detencion di e Arubiano Mitch Henriquez (dfm) lo no bira publico pa e famianan di e defunto. Asina e portal Hulandes nu.nl ta raporta. E peticion a keda rechasa fin di maart ultimo tambe. Segun e portal, e famianan di Henriquez kier sa e nombernan pasobra nan kier yama nan como testigo den un asina yama 'caso di testigo' den preparacion pa un caso civil. E hues a bisa cu a rechasa esaki pasobra den pasado recien di un caso sumario tambe a rechasa e caso e tempo ey. "Pa medio di un huez provisor no por bringa un decision di un otro hues". 

  • Powered by SETAR