- Aeropuerto di Aruba a publica su di tres rapport tocante Responsablidad Social Corporativo
- Kiwanis Club of Palm Beach a celebra su reunion anual!
- Minister di MEP ta exigi rectificacion contra dos periodista di 24ora.com
- Aeropuerto di Aruba den 2023 a brinda servicio na mas di 25 aerolinea cu mas di 45 ruta
- Segun Camara di Comercio, mas di 3.600 Venezolano a participa den negoshi na Aruba
Ruiz: DIMAS a registra 4 peticion pa asilo na Aruba den 2016
ORANJESTAD - DIMAS a registra 4 peticion pa asilo na Aruba den 2016. Asina e director di e departamento, Kathy Ruiz Paskel a bisa NoticiaCla.com riba e asunto di asilo politico. Segun Ruiz, ademas di 2016, den trascurso di aña 2015 a registra 2 peticion pa asilo tambe. Pues e cantidad a aumenta pa 2016 y nos ta apenas 6 luna den e aña actual. Mientras cu nan no ta divulga e paisnan specifico di origen di e peticion, e peticionarionan ta procedente di 3 diferente pais. Di esakinan, 4 ta den tramite ainda y 2 no a cualifica pa ta refugiado.
PROCESO PA ASILO
Segun Ruiz, un solicitante pa dicho status di refugiado, ta haya na Aruba un permiso temporario provisorio di permanencia mientras cu ta considera su solicitud y lo perde su balides ora tuma un desicion pa cu e solicitud. E permiso provisorio aki ta condiciona na entre otro un deber di raporta periodicamente, y ta duna e peticionario e opcion pa traha. " Nos como pais Aruba conoce diferente fluho di migrante. No tur migrante ta un refugiado".
KEN NO TA CAY BOU DI E TRATADO
Personanan cu ta bin Aruba en busca di un mihor por venir of ya ta residente aki na Aruba, no ta cay bou di e "scope" di e tratado ariba menciona, y ta mas bien "migrantenan economico". E personanan cu ta considera pa emigra - pa motibonan economico/financiero - pa Aruba lo mester cuminsa - pa por tin un permanencia legal - un trayecto regular di permiso na DIMAS.
KEN DIMAS TA CONSIDERA
DIMAS lo bay considera cada aplicacion teniendo cuenta cu e maneho vigente y finalmente - den nomber di Minister - ta dicidi si ta of no ta bin na remarka pa tal. Den caso cu un dunador di trabou tin un cupo disponibel, DPL lo haci un evaluacion previo pa determina si pa e cupo en particular tin (of no) personanan Arubiano (of otro personanan cu tambe tin preferencia), cu ta cualifica y cu ta disponibel riba e mercado laboral. Den caso cu e intento aki no resulta, e ora numa e dunador di trabou tin e opcion pa cuminsa un trayecto pa trece un empleado for di exterior. Desde 1 di november 2015 ta vigente (atrobe) cu un permiso temporario di estadia/trabou realisa pa promer biaha, mester ser spera den exterior.
E TRATADO
E tratado di refugiado di aña 1951 conhuntamente cu e protocol cu ta acopla na e tratado aki di 1967, cual ultimo ta ratifica pa Aruba, ta fiha e criterianan a base di cual un persona lo por posiblemente wordo considera un refugiado. Tambe e tratado tin categorianan cu ta wordo explicitamente exclui di proteccion.
Presentadora di television Hulandes a tende di su Condecoracion Real mientras cu e ta na Aruba
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
Presentacion ‘Bulletproof Sleep’ riba Syndroom di Apneu, na Biblioteca Nacional Aruba
Un total di 18 ciudadano di Aruba ta haya Condecoracion Real
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Follow NoticiaCla
