Herman Hek a huramenta como griffier nobo di Staten

ORANJESTAD – Drs. mr. Herman Hek, a huramenta como e griffier nobo pa Parlamento di Aruba diahuebs. Hek aki a wordo escogi unanimamente, door di tur fraccion algun tempo pasa y dia 2 di december ultimo a keda notifica di su seleccion. El a admiti cu e proceso tabata uno largo, cu a cuminsa for di aña pasa april ora cu el a solicita. Hek ta inicia su labornan como griffier entrante 1 di februari proximo.

TRAYECTORIA

Hek no ta un desconoci pa Parlamento. Iniciando su carera na Parlamento mes, e la traha como hurista pa algun aña y awor a dicidi di bay un paso mas leu. Admitiendo cu e no conoce tur e tramite di un griffier, mes momento e ta sigura cu trahando na Parlamento pa hopi aña, e trabou no ta completamente desconoci p'e.

VOORBEELDSFUNCTIE

Ya cu e ta un funcion cu ta un 'voorbeeldfunctie', uno importante, caminda cu no solamente mester tin conocemento huridico y tambe conoce reglamento di ordo di Parlamento y tur esey y traha cu personal tambe na un forma adecuado, pero tambe naturalmente e parti integridad ta sumamente importante y a check tur esakinan, pa e persona naturalmente cu ta eligi ta cumpli cu tur e rekisitonan, segun Marisol Lopez Tromp. E president di Parlamento, a gradici Jacky Williams cu a traha hopi duro pa basta tempo, pa reemplaza e lugar cu awor e griffier nobo lo bin tuma. Foto cortesia 24ora.com