Venezuela ta tuma represaya riba trato ‘malo’ cu ta haya na Aruba

Posted on 11/12/2015 12:21 pm AST | Updated on 11/12/2015 2:06 pm AST

VALENCIA – Pasaheronan di Aruba biahando pa Venezuela, ta encontrando problema awor, for di momento cu nan yega aeropuerto na Aruba te ora cu nan yega Venezuela. De hecho, ora cu nan yega Venezuela, tin ta wordo trata di un forma denigrante. Y for di experiencia di un famia specifico, tin indicacion cu esaki ta un forma di ‘represaya’ di con Venezolanonan ta wordo trata na Aruba ora cu nan yega. De hecho, e famia aki a wordo informa di esey tambe na un aeropuerto na Venezuela.

ODISEA NA AEROPUERTO DI ARUBA CABA

Den un caso particular (un caso di un famia cu a biaha di Aruba pa Valencia), nan experiencia, tabata tur cos menos placentero. For di momento cu nan a yega aeropuerto (2 ora prome cu buelo sali), tabatin problema. E famia a yega aeropuerto y a nota cu e avion (Laser Airlines), tabata poni pa sali for di Aruba pa 12:30 di merdia. “E avion mes a yega Aruba 11:30(am), pero e pasaheronan mester a warda por lo menos mei ora extra den avion, pasobra pasaheronan mester a paga nan 10 dollar di tax”. Pero segun e famia, ainda nan no por a aborda, pasobra e pasaheronan cu a yega cu e avion, ainda tabata den proceso di ‘drenta Aruba via imigracion’. “Mester a warda te ora cu imigracion termina cu registra e pasaheronan (en caso mester manda pasahero bek cu no a cumpli cu nan documentacion)”. Esey a causa tardansa cu a cuminsa board te despues di 1:30 pm, siendo cu ta 12:30 pm e avion ta poni pa sali segun schedule. “Finalmente e buelo a lanta 2:13 pm”, e familiar a sigui splica noticiaCla.com.

NA VENEZUELA COS A SIGUI PIO

Despues di un buelo di 37 minuut, e avion a yega Valencia. “Eynan e problema mes a cuminsa”. Ora a yega Valencia a resulta cu den avion no a parti e formulario pa salud cu mester a wordo yena. “Despues di para den un fila nos a yega na turno pa pasa na imigracion. Pero cu e mucha muher oficial di imigracion a ripara cu mi ta di Aruba, su cara a cambia y cuminsa cuestiona”. Pa mala suerte di e famia, e e reservacion di hotel cu nan tabatin, ta den e celular y e cel a paga y e charger tabata den maleta. “E ora e mucha muher a bisa mi cu mi mester tin e reservacion por escrito y cu mi ticket di bolbe. Mi a bise cu e ta den mi cel cu si mi haya un charger mi por mustr'e, pasobra e ticket ta electronico”. E proceso a bira mas complica e ora ey. El a halami un banda, laga mi warda y pasa mi paspoort pa su hefe. Despues di warda tur pasahero di Laser y Copa Airlines pasa, mi a bai cerca e hefe y a puntr'e kico ta bai pasa y kico ta e decision. El a bisa mi cu mi admision pa drenta ta wordo nenga. Mi a pidi'e pa laga mi charge mi cel y bai na un lugar pa print mi reservation di hotel y cu Laser no ta bende one way ticket y ta electronico. El a bisa mi cu mi mester tin mi documento por escrito y no ta bai regl'e pafor, sino eynan”.

CONTROL TA SIGUI

Despues di un rato a bin trahador di aeropuerto pa puntra e famia pa number di paspoort y kico ta e motibo cu nan a wordo manda bek. A splic'e mesun cos. A pidi nan pa papia cu un trahador di Laser y e ora a bin un trahador di Laser y un guardia di seguridad pa cuida e famia te ora nan subi avion bek pa Aruba cu ta su manise of e diabierna mainta 9'or. E guardia a puntra mi e motibo y a bai busca un charger. Despues di un proceso, a keda cla cu e muestra cu reservacion tabata na ordo y nan tabata ok. Pero cos no a caba eynan.

REPRESAYA PA MALTRATO DI VENEZOLANO NA ARUBA

Despues di un rato un otro guardia a bin bisa e famia cu imigracion ta laga nan pasa, pero cu nan mester duna un propina. Mi a bisa cu no ta problema." Mientras mi tabata papia cu e guardia ela confirma na mi cu esaki ta represaya contra e Arubianonan, pasobra e Venezolano ta wordo maltrata na Aruba” e persona Rubiano a sigui conta. “E ora mi a ser hiba na e oficina di imigracion y nan a bisa mi cu nan a wak cu mi tin funcion y si mi kier mi ta duna nan algo pasobra nan por haya problema. Nan a bisa mi cu mi mester tin mi papelnan y ta un orden di Caracas nan a haya pa haci esey. Mi a duna cada un di e trahadornan eynan algo y nan a laga mi bai”. Esey ta e situacion cu un famia Arubiano a pasa aden e siman aki ainda. No ta conoci si esaki ta pasa cu tur Arubiano, ni cu si ta na tur aeropuerto esaki ta tuma lugar. Ta notabel si cu ta confirma cu e motibo di e trato, ta ‘pasobra e Venezolano ta wordo maltrata na Aruba tambe!”.

Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
Mas Region
Lesa Mas
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Mas Region
Lesa Mas
Screening ministernan pa gobierno nobo di St. Maarten porfin ta den fase final
PHILIPSBURG - Den wikènt tras di lomba porfin informashon verídiko a drenta ku ta duna un indikashon ku e proseso di formashon di un gobièrnu nobo pa St. Maarten ta yegando den su fase final. Ta spera ku pa fin di e siman aki e seremonia pa hura e ministernan nobo di gabinete Mercelina i ta tuma lugá.
Mas Region
Lesa Mas
Tres Colombianonan ‘perdi’, lo a bandona barco crucero intencionalmente
MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki. Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa.
Mas Region
Lesa Mas
Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola
TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan.
Mas Region
Lesa Mas
Familiarnan di e 9 hombernan cu a disparce na caminda pa Aruba a keda secuestra
CARACAS – Familiarnan di esnan cu a naufraga riba laman na caminda pa Aruba, desde Paraguana, estado Falcon, ta kere cu nan tabata victima di un secuestro. Asina e portal Venezolano el diario.com ta raporta. E 9 hombernan ta desapareci desde December 2023. “Mientras cu e dianan tabata pasa, nos tabata spera cu nan lo a sali via Guajira pa Colombia, nos ta calcula y ta den nos cabez cu nan ta secuestra” un di e familiarnan a bisa na radio Union dialuna. Irene Velazco, otro familiar entrevista a bisa cu nan a raporta esaki caba na e autoridadnan. “Nos a te hasta bay guardacosta y nan a tuma nos datonan. Supuestamente nan lo ta haciento e buskeda pero nunca nan a duna nos prueba di e busqueda aki”.
Mas Region
Lesa Mas