Gabinete Whiteman a entrega nan retiro na gobernador
WILLEMSTAD – Prome minister di Corsou Ben Whiteman a entrega retiro di su gabinete dialuna atardi laat na gobernador Lucille George Wout. Den un carta di gobernador, ta confirma cu ‘debi cu no por a keda cla cu un ampliacion di e coalicion, e ora e prome minister a dicidi entrega retiro di su gabinete completo’ (lesa e carta aki). A pidi e gabinete pa keda pa trata asuntonan pendiente na bienestar di e pais, te ora cu e retironan wordo trata. (wak e anuncio mes di Whiteman na television)
RONDA DI CONSULTA
Mes momento gobernador a informa cu a yama partidonan politico caba pa cuminsa cu ronda di consulta mayan. E consultanan aki lo continua e dianan nos dilanti. Cu esaki, NoticiaCla.com ta haya rason di su noticia di diabierna ultimo, despues cu a bira conoci cu e parlamentario di partido PAIS a retira di e coalision y bira independiente. Esey a conduci cu e coalicion no tabatin un mayoria mas, cu ta nifica cu e gabinete a cay. Solamente, cu e momento ey, e gabinete no a y kier a entrega nan retiro ainda. FOTO ta cortesia La Prensa Corsou.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Follow NoticiaCla
