ORANJESTAS - Diaranson atardi alrededor di 6or diferente unidad nan policial a bay urgencia na Madiki Kavel na unda cu tin un grupo grandi ta bombardia un cas cu baranca. Prome unidad cu a yega ta K9 na unda a saca cacho di biaha. Despues Flex Team a yega pa bay den accion y cuminsa hala tur hende den distancia. Por ultimo e otro patruyanan a yega y a cera e caminda pa niun hende no pasa.
E PROBLEMA
E grupo di persona cu a bombardia cas cu piedra ta mes un bisiña di e caya. Nan tabata saca nan mal contento y e rabia riba e persona cu ta biba na e cas cu nan a bombardia cu piedra. Un bisiña a conta NoticiaCla.com cu e persona ey cu ta biba na e cas y cu a wordo bombardia, ta falta respet pa tur hende y tambe sa menasa y tambe ta tira piedra riba e casnan. E biaha aki tur e bisiñanan a uni hunto y a bay bombardia e cas cu piedra. No a keda nada otro cu polis a detene e persona cu ta causa molester den e bario pa asina e problema no sigui y na unda ta bay hala su atencion atrobe riba su comportacion.
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.