ORANJESTAD – Aruba ta haya un brug na lugar di Natural Bridge! Lidera pa un grupo di marinierskazerne, Aruba lo haya un brug na unda cu awe tin e ruina di loke tabata conoci como natural bridge, osea Puente Natural. Como un regalo pa Aruba, comandante di marinierskazerne Jan ten Hove a participa na final di su disertacion na e evento di TedEx 2015, cu nan lo construi e brug, di fibra di carbon, cu lo keda cla na 2016.
CELEBRACION MARINIERSKAZERNE
Segun ten Hove, e idea tabata den su cabez basta tempo caba, y a dicidi di presenta esaki na un fundacion cu e ta presidi. E fundacion a aproba su idea, y tur luz ta riba berde pa e ehecucion di e proyecto. Un poco resistente pa los e idea, e la participa e ora, -pa sorpresa di tur den e sala-, cu pa dia 10 di december (cu ta fecha di celebracion di 350 aña di existencia di e cuerpo militar hulandes) nan lo kier cuminsa cu e base di e brug, y pa 2016, nan termina esaki. Esey lo ta e regalo di Marinierzkazerne na pais Aruba.
MATERIAL SPECIAL
Manera por compronde, no por a uza cualkier material, y a opta como tal pa uza e material conoci como fibra di carbon, cu ta uno mas solido pa e tempo na Aruba, y mas sostenibel y duradero. E intencion inicial tabata pa bin cu un tipo di brug completamente di glas, pa tur hende por a mira e loke a keda di e brug original, y tambe keda cu e brug nobo. Pero esey no ta posibel.
E COLAPSE DI E BRUG
Cu e idea aki, Aruba ta haya un otro atraccion, y tambe un homenahe na un di Aruba su tesoronan mas grandi cu a bay perdi dia 2 di september di 2005, ora cu den ora di mainta tempran, esaki a cay den otro.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.