- Den menos di 12 ora, dos accidente separa a causa interupcion di coriente awe
- Segun media Hulandes, despensa di publico di Plasterk tabata exigencia di lider di NSC Omzigt
- Accidente di auto a laga Pos Chiquito, Sabana Basora y otro barionan sin coriente
- VIDEO: Problema cu director di DIMAS no tabata nunca personal
- Caso Avestruz: Sussebeek lo a cumpra Sevinger cu regalo, a cambio di 11 tereno erfpacht
OM: Investigacion a cuminsa den caso di maltrato na Boot Camp
ORANJESTAD – “Nos a cuminza un investigation tambe na e supuesto maltrato di menornan den Aruba Boot Camp” vocero di ministerio publico, Ann Angela a confirma na NoticiaCla diamars anochi. Segun Angela, tabatin denuncia haci, y a actua riba esakinan. Manera ta conoci pa varios dia/siman e asunto di boot camp ta den noticia. Kehonan, reclamo y pregunta ta topico di dia y awor e caso a bira mas serio.
TRAHA HUNTO
Segun Angela, ta normal cu OM ta traha hunto cu KPA y voogdijraad den e casonan aki. Den e caso specifico aki, ta trata di dos diferente denuncia haci, durante dos diferente periodo. E prome ta na februari ultimo y despues uno na maart. Ambos ta contra e lidernan di e boot camp, debi na supuesto ‘maltrato di hobennan’. E investigacion mientrastanto ta andando, y tanto polis di San Nicolas como Jeugd en Zeden Politie ta trahando hunto pa resolve e asunto aki.
KEHA BOOT CAMP
Tambe ta conoci cu e dianan aki tanto esnan cu ta keha e camp aki tabata den publicidad y a bin dilanti pa splica nan situacion. Mes momento esnan cu ta wordo keha, e doñonan di e camp a bin dilanti den un intento pa desbarata tur acusacion cu tin contra nan. A bisa tambe na e occasion ey cu nan ta na altura di e acusacionnan y cu e caso ta den man di abogado, cu lo sa con pa maneha e situacion aki.
ARUBA BOOTH CAMP
Ta trata di un boot camp unda un grupo di entre 10 pa 20 hoben cu tin problema di comportacion, ta pasa un periodo di 7 luna pa siña disciplina for di esnan cu ta maneha e camp. Pero na caminda cosnan a bay robez ora cu por lo menos un di esnan encarga, a bula afo y cuminsa papia riba e situacion. Despues ultimo cos lo a empeora ora cu te hasta 8 hoben a huy for di e centro, y bolbe nan cas finalmente.
Caso Avestruz: Sussebeek lo a cumpra Sevinger cu regalo, a cambio di 11 tereno erfpacht
ORANJESTAD – Corte di Apelacion diahuebs mainta 9’or a continua cu tratamento di e caso Avestruz unda cu e sospechoso principal ta ex minister Benny Sevinger. E dianan aki e hueznan mes ta haciendo nan preguntanan directo na e sospechosonan. Awe mainta a toca e comerciante Pieter Sussebeek, y tambe Sevinger. Ambos a keda sentencia den Corte di prome instancia. Un di e hueznan durante algo mas cu 2 ora, a atende Sussebeek y Sevinger riba nan relacion cu otro, tanto e relacion personal como di trabou. Y un biaha mas, e huez no a ria durante su preguntanan pa e dos personanan aki. Tur esaki den presencia di e familiarnan di ambos sospechoso y nan respetivo abogado.
Minister ta topa Paskel y Andrade den corte otro siman pa exigi nan pa rectificacion
ORANJESTAD – Minister Endy Croes, ta topa e presentadornan di e programa Enfoke, esta Patrick Paskel y Nelson “Speed” Andrade otro siman diabierna den corte. E demanda oficial ta contra Tera News, e cas editorial di Enfoke, 24ora.com y Tempran. E minister a dicidi di entama un caso contra e dos personanan aki despues cu nan a opta pa no rectifica voluntariamente riba su peticion, pa declaracionan cu nan a haci contra dje di su pasado. Specificamente su tempo cu e tabata deteni brevemente y tambe cierto acusacionan cu e mandatario ta considera no corecto y defamante. Ora cu e dos personanan aki no a duna oido na su peticion, e la dicidi di entama e caso pa asina un huez obliga nan pa rectifica. E caso ta tuma lugar otro siman diabierna pa 11’or y mei di mainta.
Huez a cuestiona sospechosonan Sevinger y Arends pa maneho di tereno erfpacht
ORANJESTAD – Tratamento den Corte di Apelacion di e caso penal Avestruz a inicia formalmente diaranson mainta despues cu e dos dianan prome a scucha algun testigo. E biaha aki tres huez ta tratando e caso, unda cu 6 di e 7 sospechosonan tabata dilanti e hueznan un biaha mas. E sospechoso Kurt Harms no tabatey, y ta premira cu su parti lo keda trata diahuebs mainta of atardi. E huez principal a cuminsa cu su preguntanan pa e sospechoso principal Benny Sevinger y despues a sigui pa e di dos sospechoso Leoncita Arends. Ambos a haya un serie di pregunta, cu e huez mes a haci e sospechosonan directamente.
Sospechosonan di caso Avestruz ta bek den corte di apelacion awe
ORANJESTAD – Awe un parti di e 7 sospechosonan den caso penal Avestruz ta bek den Corte di Apelacion, pa asina cuminsa cu e tratamento integral di e caso. Dialuna y diamars Corte di Apelacion a scucha testigonan Dammers y Sevinger, y awe diaranson Ministerio Publico ta presenta e rekisitorio di e caso. A reparti esaki den dos dia, mainta un grupo y merdia e otro grupo. Esaki lo dura dos dia pa despues diabierna repasa e circumstancianan personal di cada un di e sospechosonan. E caso ta programa pa dura por lo menos te otro siman diaranson, pa despues determina e sentencia den e caso aki.
Abogado a purba establece relacion entre Sevinger y comerciante Harms den caso Avestruz
ORANJESTAD – Siendo cu e ta e sospechoso principal den e caso penal Avestruz, ex minister Benny Sevinger mester a presenta diamars atardi como testigo pa e otro acusado Kurt Harms. Pa medio di un interogatorio di e abogado di Harms, mr Vito Carlo, Sevinger pa practicamente un ora largo, mester a contesta un cantidad di pregunta, unda cu hasta huez y fiscal tabata añadi nan propio preguntanan tambe. Sevinger, sinta dilanti di huez, a contesta tur pregunta aunke cu varios e no tabata corda e contesta debi na e laso di tempo cu a surgi ora cu e tema tabata valido.
Testigo solicita pa Sevinger den caso Avestruz, esta Fowler tabata un ‘no show’
ORANJESTAD – E testigo di fam Fowler cu abogado di sospechoso Benny Sevinger a manda yama pa wordo scucha den e caso penal Avestruz, tabata un ‘no-show’ awe mainta. Ora cu e caso mester a cuminsa pa 9am, hueznan den sala a nota cu e sala di corte na Hulanda, via transmission di video, no tabatey. A resulta cu Fowler no a presenta, y tabatin duda te hasta cu e lo a haya e yamada official pa cu esaki. Pues hueznan a determina e ora aki cu e interogacion no por sigui. Despues di conferi cu e abogado cu a pidi e interogacion, a bay di acuerdo pa manda e preguntanan por escrito pa Fowler, riba cual e mester contesta por escrito. Hunto cu un copia di su cedula, e por a email esaki pa Aruba pa asina corte y e abogadonan tin e informacion solicita. Awe tardi 2’or ta sigui e proceso di interogacion, e biaha aki di e sospechoso principal, Benny Sevinger.
Follow NoticiaCla
