Dos persona deteni ainda den caso abuso sexual Orthopedagogisch Centrum

Posted on 06/9/2015 9:58 pm AST | Updated on 06/9/2015 11:20 pm AST

ORANJESTAD – Tin un investigacion andando riba posibel abuso sexual di mucha muhernan na e Orthopedagogisch Centrum na Aruba. Den combersacion cu vocero di ministerio publico Ann Angela, e la confirma cu ta trata di un caso unda cu 4 persona, -tur cu funcionnan dentro di OC-, a cay sera pero di cual 2 a recobra nan libertad y 2 ta deteni ainda. E cargonan ta varia di violacion y abuso sexual, malversacion, posicion di porno di mucha, y influencia di testigo.

KEN TA DETENI

Esnan deteni keto bay ta e hombernan RM y K. , esta e begeleider di educacion ,(M), y e chauffeur-bode, (K), Ambos tabata traha na OC. M ta deteni desde april, mientras cu K. ta deteni desde mei ultimo. E dos sospechosonan cu no ta deteni (mas) ta e homber GL y e muher PM. Nan ta e respectivo ex-director interino y trahador social di e OC. E homber RM ta wordo acusa di violation y abuso sexual di un menor cu ta cay bao su autoridad. E homber K ta wordo acusa di e ultimo ey (pues no di violacion). E ex-director interino ta wordo sospecha di malversacion y posesion di porno di mucha. E trahador social ta wordo sospecha di a influencia testigonan.

INVESTIGACION

E investigacion mes ta den man di landsrecherche, y ministerio publico ta esun cu a cuminsa cu e investigacion, basa riba e resultadonan di un investigacion interno cu a wordo haci pa oficina di minister di Husticia na Orthopedagogisch Centrum. Ora cu e investigacion interno a termina, e tabata di tal indole cu ministerio publico a dicidi pa cuminsa su propio investigacion, cu a conduci na e resultado menciona.

Corte: Ta trata apelacionan di caso Avestruz entrante 13 di mei di proximo
ORANJESTAD – Corte di apelacion a reserva dos siman di luna di mei 2024 pa trata e apelacionan di caso Avestruz. Specificamente lo tin tres huez pa scucha y trata e 7 sospechosonan. Noticiacla a compronde cu e caso ta cuminsa pa 8:30am tur dia y caba 5’or di atardi. Ta trata di e sospechosonan Benny Sevinger, Pieter Sussebeek, Carlo Mansur Jr, Maria Leoncita Arends, Ninuska Nuñez, Edgar (Gabby) Werleman y Curt Harms. Tur sea a apela parti di nan sentencia den e prome caso, of Ministerio Publico a apela nan sentencia. Specificamente, cuater sospechoso a apela parti di nan sentencia mientras cu Ministerio Publico a apela sentencia di tres sospechoso. E hecho cu tin dos siman reserva, no kier kier men cu tur dia lo tin caso, ya cu hueznan por programa algo durante e prome dianan y dicidi eynan, con ta usa e dos simanan mas optimalmente.
Mas Corte
Lesa Mas
Hof a reduci e suma cu ex minister Croes mester paga bek di expropiacion
ORANJESTAD – Corte di apelacion a mantene e sentencia original di expropiacion di ex minister Paul Croes diahuebs como parti di e caso Ibis, cu un cambio si. Envez di paga AWG 183.489,10 bek, e ta haya un reduccion di 20 mil. Pues e mester paga e suma di AWG 163.489,10 mil florin, of sinta un castigo di prison di 18 luna extra di loke e ta sintando aworaki caba. No ta conoci si Croes lo apela, y e abogado Desiree Croes lo a comunica y delibera cu su cliente mas laat awe riba esaki.
Mas Corte
Lesa Mas
Pa prome biaha a aplica proceso di ‘snelrecht’ na Aruba
ORANJESTAD – E siman aki Huez den Prome Instancia a condena un homber di 24 aña di edad via e asina yama snelrecht pa un castigo di prison di 12 luna, di cual 4 ta condicional. E sospechoso a keda deteni dos siman pasa, riba 14 di april 2024, cu dos arma di candela den su posesion.
Mas Corte
Lesa Mas
Aruba lo no extradita personanan pa un pais cu tin pena di morto como castigo
ORANJESTAD – Aruba lo no extradita personanan pa paisnan unda cu un pena di morto ta colga riba nan cabez. E decreto cu ta referi na esaki, ta drenta na vigor entrante 1 di mei 2024, esta diaranson awor. E ta conta tambe pa paisnan Corsou, y St Maarten.
Mas Corte
Lesa Mas
Doño di cacho abusa ‘Khaleesi’ ta dilanti huez fin di mei
ORANJESTAD – E persona doño inicial di e cacho Blacky cu a haya e nomber despues di Khaleesi, mester presenta dilanti huez dia 22 di mei proximo. Asina corte a informa diahuebs ultimo. Ta trata di e ciudadano Alberto Groeneveld. Ora cu e caso a bira conoci, esaki a haya masha hopi reaccion di comunidad, cu a desemboca finalmente den un caminata di protesta contra maltrato di bestia. Groeneveldt ta wordo acusa di, den e periodo di prome di januari 2024 te 26 di maart 2024, varios biaha y sin ningun meta y surpasando tur loke ta permiti, a intencionalmente haci un bestia (un cacho di nomber Khaleesi) dolor y/of causa e cacho herida y/of a perhudica salud di e cacho, dor di laga e cacho pa tempo largo mara na un cadena demasiado cortico y inadecua y/of a keda sin duna e cacho e cuido necesario, dor di keda sin duna e cacho cuminda y/of awa pa e bebe y/of cuido pa su heridanan y/of remedi.
Mas Corte
Lesa Mas
Ultimatum pa dicidi riba suma cu radionan mester paga DUCAPRO tur luna, a vence sin resultado
ORANJESTAD – E asosacion di radio na Aruba (Aruba Broadcasting Association-ABA) y e fundacion DUCAPRO (registro di derecho di artista y musica) no a haya otro ainda riba e suma cu radionan tin cu paga pa por tin derecho pa toca cierto musica na nan radio. Por lo menos, den forma inoficial ya cu ningun di dos partido ‘oficialmente’ a duna un reaccion. Conforme un caso sumario un luna pasa, huez a ‘suspende’ e caso y a duna partidonan te cu 24 di April (ayera) pa yega na otro riba e suma. Di otro forma, lo mester continua cu e caso y eventualmente dicta un sentencia, cu ta traduci na un suma stipula pa corte cu radionan mester bay paga DUCAPRO pa toca cierto cancionan na nan respectivo emisora.
Mas Corte
Lesa Mas