ORANJESTAD – Huez awe mainta a rechasa e peticion pa un ‘hinder vergunning’ otorga na e compania Windpark Urirama NV wordo cambia via un 'bezwaar', y bisa cu e compania mes tin cu cana e caminda corecto di nobo. Mirando cu e peticion di e NV ta ‘ongegrond y cu e compania no por usa e permiso otorga y no por ‘richt op’ e parke mas, e compania su peticion ta rechasa. Si nan kier hacie (lanta un compania nobo) den futuro, mester cuminsa e proceso full di nobo. Awe mainta juez a duna uitspraak den e caso di Salba Urirama/Holmo Henriquez y otro belanghebbende nan contra Windpark Urirama N.V.
SENTENCIA
Juez a dicta cu e peticion Windpark Urirama N.V. ta ongegrond y cu esey nan no por usa e vergunning otorga na nan y no por richtop e parke di molina mas. Si nan kier hacie den un futuro nan mester di cuminsa full e processo di nobo. Esnan cu a lanta e caso ta 4 grupo, entre nan Salba Urirama/Holmo Henriquez y otro belanghebbende nan contra Windpark Urirama N.V. .
HENRIQUEZ
Den combersacion cu un di e demandantenan, Holmo Henriquez, nan ta contento y a gradici tur hende cu a sostene nan. Si dado caso Urirama NV apela esaki, e gruponan menciona lo no basila y bringa e compania aki un biaha mas. Keda pendiente di e sentencia digital di huez.
ORANJESTAD – E persona doño inicial di e cacho Blacky cu a haya e nomber despues di Khaleesi, mester presenta dilanti huez dia 22 di mei proximo. Asina corte a informa diahuebs ultimo. Ta trata di e ciudadano Alberto Groeneveld. Ora cu e caso a bira conoci, esaki a haya masha hopi reaccion di comunidad, cu a desemboca finalmente den un caminata di protesta contra maltrato di bestia. Groeneveldt ta wordo acusa di, den e periodo di prome di januari 2024 te 26 di maart 2024, varios biaha y sin ningun meta y surpasando tur loke ta permiti, a intencionalmente haci un bestia (un cacho di nomber Khaleesi) dolor y/of causa e cacho herida y/of a perhudica salud di e cacho, dor di laga e cacho pa tempo largo mara na un cadena demasiado cortico y inadecua y/of a keda sin duna e cacho e cuido necesario, dor di keda sin duna e cacho cuminda y/of awa pa e bebe y/of cuido pa su heridanan y/of remedi.
ORANJESTAD – E asosacion di radio na Aruba (Aruba Broadcasting Association-ABA) y e fundacion DUCAPRO (registro di derecho di artista y musica) no a haya otro ainda riba e suma cu radionan tin cu paga pa por tin derecho pa toca cierto musica na nan radio. Por lo menos, den forma inoficial ya cu ningun di dos partido ‘oficialmente’ a duna un reaccion. Conforme un caso sumario un luna pasa, huez a ‘suspende’ e caso y a duna partidonan te cu 24 di April (ayera) pa yega na otro riba e suma. Di otro forma, lo mester continua cu e caso y eventualmente dicta un sentencia, cu ta traduci na un suma stipula pa corte cu radionan mester bay paga DUCAPRO pa toca cierto cancionan na nan respectivo emisora.
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.