ORANJESTAD /WILLEMSTAD – E hecho cu parlamentario independiente di Corsou, Omayra Leeflang no ta parti di e delegacion, ta como protesta pa e agenda contra gobernador. Riba su pagina Facebook e ta elabora riba esey. (lesa e comentario aki ) Lider di e delegacion di Corsou, Elmer “Kade” Wilsoe a refuta esaki. “Ningun momento so (e intencion ta pa pone gobernador ‘buitenspel’). E punto ta, cu di parti di Aruba y St Maarten e punto a bin riba agenda” Wilsoe a sigui bisa.
E motibo ta e aanwijzing cu tanto Aruba como St Maarten a haya, basa riba articulo 15 y 21. Y e organonan consultativo di tanto Aruba y St Maarten a yega na mesun conclusion, cu e ‘ingreep’ di RMR ta onrechtmatig” y ta riba esey, e parlamentario kier papia na Aruba. “No por ta asina cu sin mas Hulanda ta pone opinion y e organo di consulta ta ‘priet praat’. Esey no por”. Segun Wilsoe, sra Leeflang ta bon na altura cu ningun momento esey no ta e caso. “Mesun cos cu ora cu Tweede Kamer na Hulanda a pone henter e formacion di gobierno, for di man di Willem Alexander, mi no a tende sra Leeflang bisa cu e intencion ta pa e intencion ta pa core cu Willem Alexander. No ta berdad”.
ORANJESTAD – Riba e mesun dia cu e gremio comercial ATIA a cuestiona e decision di gobierno di Aruba pa duna trahadornan publico indexering, prome minister Evelyn Wever Croes a contesta e gremio. E la haci esaki durante e programa Noticiacla LIVE diamars anochi ora cu e periodista y moderador di e programa Tito Laclé a confronte cu e pregunta y e tema aki.
ORANJESTAD – Prome minister Evelyn Croes a informa cu dialuna nan a firma un acuerdo historico cu sindicatonan di empleado publico riba e tema di indexering 2018-2023, reconociendo un compensacion di perdida di forsa di compra di 11.7%, den e periodo di 2018-2023 den cual tabata tin un inflacion di 16.8%. “Nos a negocia intensamente den ultimo lunanan, na forma profesional y cu respet. Salario di empleado publico lo aumenta cu 6% entrante 1 di juli 2024, y cu 5.7% entrante 1 di januari 2025” e mandatario a sigui bisa.
ORANJESTAD - Dialuna mainta durante conferencia di prensa di Gobierno, Minister di Labor a anuncia e noticia cu e porcentahe di desempleo pa aña 2023 a baha te na 4%, di 5.2% cu e tabata na 2019.
ORANJESTAD – Secretario general di partido MEP, Endy Croes, a confirma cu e la exigi rectificacion di e representantenan di e portal 24ora.com Patrick Paskel y Speed Andrade. Loke ta hala atencion ta cu e comunicado ta manda como secretario general di MEP, pero ta pa exigi rectificacion pa su funcion di Minister. Segun Croes, berdaderamente, a manda un carta di rectificacion pa nan, comokiera cu nan keda biba den pasado y cierto momento a exresa cu ‘Minister Endy Croes ta un convicto di husticia’. Segun Croes, e palabra convicto ta nifica cu un hende ta haya un sentencia (strafrechtelijk) y a bay cera of tin e sentencia y su casonan ta den proceso ainda, cual niun di esakinan ta e caso. Croes den su comunicado ta bisa di a splica claramente cu e no ta un convicto y nunca a yega mesa berde (strafrechtelijk) den e caso di Lotto. Si a bringa diferente caso civil entre otro, e rapport di Ernst de Jong cu a gana te den cassatie y ainda 14 aña despues tin un caso andando, paso e caso den cassatie a indica cu berdad e rapport di Ernst & Young ta completamente falso. Pues esey ta e ultimo caso cu ta andando.
ORANJESTAD – Presion di e colegio di supervision financiero CAFt a pone gobierno di Aruba kita 16 miyon florin presupuesta pa e planta di RWZI. Asina e mandatario a confirma diabierna despues di su reunion cu director di DOW, Marlon Croes. Durante e reunion cu a trata mas tema, tambe a trata e tema importante di RWZI, no solamente e plantanan na Bubali, sino tambe RWZI Parkietenbos y RWZI Zeewijk. A papia riba e retonan cu tin cu esakinan y e importancia y e urgencia cu tin pa e privatisacion.
ORANJESTAD – Manera cu Noticiacla a raporta anteriormente caba, diabierna 26 di april, un dia prome cu Dia di Rey, 18 ciudadano di pais Aruba a ricibi un Condecoracion di Rey Willem Alexander. E momento aki, ta conoci como Ocasion General, y ta relaciona cu e cumpleaño di Su Mahestad, Rey Willem-Alexander, cu ta esun cu ta otorga e condecoracion na e personanan cu a duna un contribucion special na e sociedad. Riba e mainta aki, 16 di e condecoradonan tabata presente pa ricibi nan Condecoracion Real di Gobernador di Aruba, señor Alfonso Boekhoudt, kende a splica dicon e personanan aki a bin na remarke pa un reconocemento asina importante. Dos persona no por a ricibi nan condecoracion, entre nan Nicole Hoevertsz cu ta den exterior pa compromiso deportivo. Potretnan cortesia di gobierno di Aruba.